روايات يمنية رواية أجمل_اقداري [3]

اجمل اقداري
البارات 13

محمد:مافي شي حادث بسيط هي إلا كسور بسيطه لا تخافين ولا شي


سميه: وكيف وقع الحادث


علي: خلينا ندخل وشاقول لكم كل شي


دخلوا ومحمد بيسحب رجله بالغصب لان الحادث صاب يده ورجله  وفي راسه شاش


علي:جالس وبدا يقول لهن ايش حصل معه


انتوا كمان تشتوا تعرفوا كيف محمد رجع مع أبوه  وقد مات مستغربين صح هههههههه


علي:يتذكر

علي: يبكي على ابنه وحيده وكيف بيقول الخبر لامه صاح بكل صوته يارب رحمتك يارب


محمد: قد كان خارج من المستشفى بعدما اتعالج
سمع صوت أبوه  والتفت لعنده رجع محمد وهو خايف ايش فيه أبوه


يأبه ايش في وليش هكذا بتبكي

علي اول ماشاف محمد قدامه وهو مش مصدق انه ابنه عاده عايش

قام ومسك في يد محمد يارب انه حقيقه يارب لايكون حلم يارب محمد مامات ويبكي


محمد:يابه افتح عيونك انا محمد من صدق

علي:  حضن ابنه بقوه الله لا يحرمني منك يا ابني

وقام وهو معصب سار لعند الدكتور  ورزع الباب بقوه

الدكتور التفت لعند علي.. خير ليش كذا بتفتح الباب اتعلم الأسلوب كيف

علي: افتح الباب وارفع عليك قضيه كمان

والا انت مش عارف من انا


الدكتور  تفاجأ من رده وهو ماسك نفسه
ومن انت يا سعم


علي: معك المحامي علي.ال....


الدكتور بدا يستوعب ايش يقصد علي


قال له اسف بس هو والله تشابه في الأسماء وفي واحد جابوا قبل ابنك بنص ساعة واسمه محمد علي ال ...

وإذا انت مش مصدق لي شوف الملف


علي: وهذا اللي حصل


الكل:الحمدلله.....

البنات التفتوا لعندها

ومستغربات ليش رهف تضحك وهي ماتشوف العيال


اسماء: ليك ليك البنت جننت الله يزكيش عقلش

حنين: ضحكينا معش


رهف:ذكرت نكته بس


امل:وهذا كله الضحك بس عشان نكته الله يزكيش عقلش  وايش هي النكته عشان نضحك معك


رهف:قال لكم في بنت قصيره لبست صندل مرتفع قوي وقعت طويله هههههههه


البنات بايخهههه مثل وجهش انقلعي

.....

عند الشباب

دخل عبدالله هو وصالح

طبعاً صالح أخو اسماء وحنين

العيال شافوا عبدالله وسكتوا وهم كلهم مبللين  بالماء

راكان كل ماكمل الماء يسير يدي بدله وينزفهم فيه


عبدالله: انا خليتكم في البيت عشان تذاكروا والا عشان تلعبوا ايش هذا كله
وليش ملابسكم مبللة


اركان: ياابه وقع مطر ليش عندكم مافي مطر زي عندنا ههههههه


العيال كلهم  بصوت واحد هههههههههههههه



 عبدالله اصه
يله كل واحد يسير يغير ملابسه  وارجعوا ارقدوا غدوه معنا عمل خيرات في المحل


العيال حاضر


صالح  بعد ماسار خاله عبد الله تستاهلوا ياجهال هههههه


أركان كان في يده ماء ونزفه فيه

صالح: الله ي شلك ي حمار

احمد: قام يغني وبحبك  ي حمار


العيال ههههههههههه وانت تستاهل يافيلسوف


....

عند أحلام

جالسه تبكي يارب يارب انا من ومن هم أهلي

وليد من عادته كل مايروح البيت يسير عند أحلام لأنها هي الوحيده اللي يرتاح لها  وهي مخزن أسراره

دق الباب وهي ولا ردت ورجع دق مره ثانيه ليش أحلام ماتجوبش معقوله نامت بحين اليوم...




اجمل اقداري

البارات 14

:
- ان الله وملائكته يصلون على النبي يا أيها اللذين امنوا صلوا عليه وسلموا تسليما 🌸


كان بيرجع بس سمع شهقتها

هذا صوت أحلام تبكي

فتح الباب ودخل احلامو ياروحي

أحلام جالسه تبكي

وليد أحلامي مالش ي روح اخوش

أحلام قامت وحضنته وليد انت عارف انه اني مش اختك
انا ياوليد الله يعلم بنت من ومن هم أهلي

وليد بصدمه يسمعها وهو ساكت ولا عارف ايش تقول له

أحلام:ليش سكت لاتكون انت تعرف انه انا مش اختك

وليد:اصه ومن قال لك انك مش اختي أنتي اختي وغصب عن الكل

أحلام
سمعت امي تقول لابي انه انا مش بنتها

وليد خرج بسرعه وبيداعي أمه

.....

عند راكان جالس يتفرج على رقمها

وأخيراً قرار يدخل عليها ويصارحها عشان اذا هي تبادله نفس الشعور  يقدر يقول لامه  تخطب له

شافها متصله دخل عليها

السلام عليكم

سمر انا راكان لا تقولي ليش دخلت عليش

انا والله يا سمر دخلت لك بعد تفكير وقلت ادخل لش واكلمك بكل شي انا احبك ي سمر ومن حين كنتي عاد عمرش10  وانا احبك وكل ماكبرنا يكبر حبك اذا أنتي تبادليني نفس الشعور قولي لي وانا اخلي أهلي يجوا ويخطبوش


سمر شافت الرساله وجلست تشوفها  وتتاكد من الرقم هو حق راكان والا لا بعد ما اتاكدت  فرحت
وردت عليه

وعليك السلام
ايش يثبت لي كلامك

راكان شاف ردها وزعل

رد عليها يعني ايش تقولي انه بين العب عليش

لا والله وغلاتك عندي اني ماالعب عليش
وبثبت لك ياسمر الأسبوع الجاي حين آجي اخطبش ولا تقولي انه انا دخلت عشان العب عليش انا ياسمر اذا لعبت عليش في من يلعب على اخواتي

سمر  يسلمو والأيام بتثبت وانا اذا شفتك تقدمت وجيت من الباب بتلقي جواب الحب هذا
..............


وليد يامه ايش الكلام اللي سمعته من أحلام

خلود ايش من كلام

وليد يامه الله يحفظك قولي لي خلود هي اختي والا لا
ودمعين عيونه يمه أنتي عارفه أحلام ايش هي بالنسبه لي

خلود رحمت ابنها
قالت له ايوه اختك بس مش بنتي هي اختك من ابوك  أبوك كان متزوج قبل  مانتزوج انا وهو بس زوجته ماخلفت وأهله قالوا له يتزوج وتزوجنا وبعد ماجبتك خالتك وحمت في أحلام  وماتت وهي بتولد فيها وانا اللي ربيتها

.....


اجمل اقداري

البارات 15

لا اله الا الله محمد رسول الله

انا اللي ربيتها

وليد:وليش ما قلتوا لها من حين هي صغيره  ذلحين كيف اقول لها انه طول هالفتره مش عارفه ان امها ماتت كيف بتتقبل الصدمات صدمه انه أنتي مش امها وصدمه ان امها ماتت ليش سويتوا في اختي كذا ليش


خلود: أبوك اللي قال مااقول لها  ونبه أهله كمان وقال مايشتي ان بنته تحس انها يتيمه


محمد:خرج من الغرفه  خير ايش في ماقد به معنا

خلود سكتت خايفه يرجع يقلب فوقها ولا قدرت تجيب حرف

وليد: ياابه ليش سويتوا في اختي كذا ليش ماقلت لها ان امها ماتت ليش مافكرتوا انها بتعرف مهما خبيتوا عنها


محمد:شاف لعند خلود  أنتي اللي قلتي لها  انا كم  نبهتش ماتقولي لها لين القى الوقت المناسب وأقول لها


خلود:انا والله ماقلت لها هي سمعتنا واحنا بنتحاكى


محمد: انا عارف انك تكرهي بنتي وانا عارف كمان كيف بتعامليها بس قلت يمكن يحن قلبش عليها حين تربيها أنتي بس الظاهر انه مافي فايده طول عمرك بتكرهيها وحقوده  لان كنت احب امها اكثر منك

........

عند الشباب

محمد: يا عيال انا ان شاء الله يوم الاثنين باسافر تعز


احمد:خير ي محمد ليش بتروح وانت عادك قلت مش بتسافر إلا في العيد


اركان: يمكن عشان يتزوج ونفتك منه ههههههه

صالح:ايوه يمكن بس دور لنا واحده تعزيه معك ههههههههه ونتزوج جمعه


محمد يمكن هههههههه وانت ي صالح عادك صغير مش حق زواجه ههههه

راكان:ليش وانت قدك حق زواجه  مااقول غير الله يعينها  اللي بتتزوجك ههههههه


محمد:  في نفسه قريب بتعرفوا من هي هههههههه  اقول خلونا نرقد قبل مايجي عمي عبدالله يرقدنا بالعصا

.....


أحلام: كانت تسمع كلامهم وهو زي السهام بيطعنها
يعني اني يتيمه امي اللي حملت فيني تسعه اشهر ماتت  وخلود مش هي امي  قدني اقول مافي ام تعامل بنتها زي ماهي تعاملني اااه يارب


وليد:دخل لعندها وحضنها خلاص ي روحي أنتي بدموعش تحرقي قلبي عليش

أحلام بعدته اخرج من عندي ولا أشتي ابسر احد منكم  ليش بتكذبوا عليا طول هذا السنين ليش ماقلتوا لي ان امي ماتت ليش اخرج

وليد خرج بسرعه وهو بيبكي على اخته هي مش اخت هي بالنسبه له كل شي حلو بحياته

شاف محمد يشتي يدخل لعندها قال له لا تدخل ذلحين خليها براحتها
.....


اجمل اقداري
البارات 16

اللهم  انا نعوذ بك من زوال النعمة


بعد مرور سنه ...

مافي شي تغير فيها غير ان راكان تقدم لسمر وهي وفقت والآن عايشين احلى قصة حب


ما اجمل الحب عندما يجمعهم الحلال 👌


وقرب عرس ريهام

   في بيت عبدالله

الكل مشغول في تجهيزات العرس

 واهلهم كلهم موجودين عاد باقي بس ثلاث ايام


عند البنات بيخططين ايش يسوين في العرس وايش يلبسين


امل:ايش رايكن ي بنات  نسوي في القاعه  بالونات وورد واول ما يلتقوا ريهام وخالد ينزل فوقهم

اسماء: فكره حلوه بس مافيش وقت معنا لهذا كله

رهف: إلا في وقت عاد بقي ثلاث ايام معنا واحنا  نقدر اذا تعاونا جمعه

حنين:ايوه صح ونبدأ من اليوم نسوي وبعد ثلاث يسيرين يرتبين وثلاث يجلسين هنا ويكملين العمل اللي في البيت

سوسن: خلاص اني بروح القاعه ومن تجي معي

رهف: انا وانتي وأمل اللي أدت الفكره

البنات طيب
......


 .. عند محمد أخو سمر

جالس في الشارع وهو بيكابر ويقنع نفسه انه نسيها


‏"ستمضـــي هــذه الأيــام أيضـًـا
ڪمــا مـضـت ڪــل تـلـڪ الأيــام


...

وهو شارد

البنت:لو سمحت ي اخ ممكن تقول لي وين بيت  عبدالله ال...

محمد هذاك الي عليه باب كبير

البنت شكرآ اخي

 رحاب : امشي يا نور عنتاخر

نور: طيب هيا وبعدا مالش هكذا قلبتي صورتش فوقي وعادش  هيا يانور تشتي انه يعرف انه اسمي نور

رحاب:مش عيب عليش بتسألي الولد وفارحه في نفسك كنتي بتسألي اي واحد من الجهال

نور:طيب امشي خلاص ماوقع شي وبصراحة الولد محترم وحلو كمان وحسيت قلبي بينكع ههه هههههههه

رحاب: اقول دقي الباب قبل ما اكسر راسك فوق الباب قال حلوه وقلبي هههههه

نور هههههههههههه
.....
  عند البنات وكل واحده مشغوله في نفسها

سميه:رهف يا بنتي سيري ابسري من في الباب

رهف:حاضر ي عيوني


وخطيت تفتح  شافت ثنتين بنات هلا من تشتوا

البنات اممم نشتي رهف ممكن تدعيها

رهف:هذا رهف هي قدامكم بشحمها ولحمها ههههههههه

البنت ضحكوا شلوش ي مدلوزه

ماعرفتي من احنا يارهف اجينا من اخر الدنيا ندور عليش وأنتي ولا عرفتي من احنا

 خلاص خاطرش  امممم بس نور ورحاب بيسلمين عليش

رهف فتحت لقفها  ها من قلتوا وصيحت بكل صوتها وحضنتهم  يا كلبات ي...ي...

كل البنات خرجين يبسرين ايش فيها رهف

 بسرين رهف تبكي و حاضنه ثنتين بنات ويبكوا معها

رهف:وأخيراً واخيرً بعد ثلاث سنين شفتكم كم كنت أتمنى أن اشوفكم مش مصدقه  هههههههه




اجمل اقداري

البارات 17

اللهم صل وسلم وبارك على سيدنا وحبيبنا محمد

اكيد تشتوا تعرفوا من هن نور ورحاب صح
خلوني اقول لكم من هن  نور ورحاب هن اخوات  وتعرفوا على رهف بالواتس وكانو احلا صديقات تعرفت عليهم رهف  وكل واحده كانت تحكي للثانيه مشكلاتها
 ...... 

لصديقتي الالكترونيه

‏الله اعطاني نعمه عظيمه عطاني ايّاكي عطاني شي يعني لقلبي كثير صرت مني لدرجه تسكني فالعُمق العميق بقلبِي اي ضر يمسّك يمسنِي❤️❤️. نور ورحاب


   البنات ولا فاهمات شي 

ريهام: من هولا البنات يا رهف وليش بتبكوا ايش في

رهف: هذولا ي ريهام نور ورحاب اعتقد كلمتك عنهم

ريهام:شلوش فجعتينا نحسب ايش وقع بك

ريهام حياكم في بيتنا نورتوا


امل: الله يعين اللي بيتزوجك وغمزت لها


رهف:خزيت وعارفه من تقصد امل قولي يحمد الله انه بيحصل واحده مثلي


اسماء:ناهي اول يجي وبعدا يحمد الله ههههههههه

البنات هههههههههههههه


احمد كان عاده رجع عشان نسي الاوراق حق المحل  سمعها ودعى الله من قلبه انها تكون من نصيبه
........

-كم مَره حبيت؟
-ألف مرة.
-يعنيَ حبيت ألف شخّص؟
-حبيت ألف مرة لِشخص واِحد.


عند محمد جالس بيفكر في نور وكيف عيونها سحرته من اول ماشافها


يمكن الله اليوم خلاني اخرج الشارع عشان التقي فيها بس اشتي اعرف من هي اول مره أشوفها في حارتنا يارب كيف بعرف من هي
ايوه صح سوسن كانت عندهم بسالها


عند سوسن كانت تكلم سمر عن اللي حصل معهم وكيف خططوا وبيسووا مفاجأة لريهام


سمر:اوففف بس بس ياريت ماخطبت قبل عرس ريهام عشان اكون آجي معش


سوسن:ههههههه قال لش انه عادات وتقاليد ياختي خلي بس اركان يتقدم لي بكون اربعه وعشرين ساعه عندهم ههههههه

سمر:ياسعم بيخلوش هيا اسمعي بكره بخلي راكان يكلم عمي عبدالله يحلف على ابي نجلس عندهم وغمزت لها

سوسن:الله فكره ونسهر جمعه

....

عند البنات جالسات بيرقصين ويودعين ريهام

 مافي غير رهف بتفكر في اللي حصل معها  وبتكلم نفسها اوفف ذلحين ايش بيقول عني احمد وبتتذكر الموقف اللي حصل

كانت بتودع نور ورحاب عند الباب بعد ماطلعوا البنات التفتت وان احمد يشتي يخرج هو ماانتبه لها كان بيقرا الورق ويمشي التفت وان رهف قدام وجهه

رهف: كانت مغطيه وجهها وجريت  هي صح عندهم عادي يشوفوا بعض هي وعيال أخوالها وابن عمها

بس احمد شافها وهي لابسه بنطلون جينز وجرم ورافعه شعرها ذيل حصان


احمد:ههههههه انتبهي تكسري راسش وخرج

....

محمد:سوسو  ي سوسن  وين انتوا



اجمل اقداري

البارات 17

اللهم ثبت قلوبنا على دينك وطاعتك


سوسن:سموره محمد مدري ايش  يشتي مني

سمر:وأنتي ايش عرفش

سوسن:محمد لاقده يشتي حاجه او يستفسر على شي بيدعيني سوسو ههههه

سمر ههههههه شلوش ياهبلا


محمد ليش ماتجوبي ي سوسن

سوسن:ها قول لي ايش تشتي من الاخر هههههههه

محمد:اممم أشتي أسألك

سوسن:ايش

محمد امممم البنات اللي اجوا بيت عمي عبدالله من هم لا تفهمي غلط بس هن اجين بيساليني على البيت ودليتهم عليه
اول مره ابسرهن هنا في الحاره حقنا

سوسن:سردت له كل شي

محمد هم يعني عادهم عازبات

سوسن ايوه ليش تسال

محمد بس سوال كذا او حرام لو سالت
اخرج من عندكن احسن لي

سمر:سوسن ماتشوفي محمد اول مره يسال ع بنت بعد ريهام

سوسن ايوه صح

....

اليوم الثاني في بيت ريهام

بعد ماكملوا من الحفله وخرجين النسوان

رهف الله اليوم بتكون السهرة حلوه وأنتوا معنا ياسوسن وسمر

 البنات ايوه والله بس بسرعه خلونا  نقطب في العمل عشان نرجع نسهر سوا

وكل واحده سارت عملها

رهف في الديمه دخلت وبكيت

سمر يوو يارهوفه ليش ياقلبي بتبكي


رهف اليوم اخر يوم لريهام عندنا بعدا شوقع لوحدي

سمر ليش لوحدش وانا مايفعلوا بي

رهف أنتي الله يعلم متى بتشرفي بيتنا

سمر ههههههه أنتي بس قولي لراكان يعجل بالعرس وبعدا بجلس ع قلبش هههههههه

رهف شلوش الله لا يحرمني منك يا توام روحي أنتي اختي اللي ماجابتها امي

سمر:انا مرت اخوش قالت اختي هههههههه



 صديقتي ‏اتعلمين ياجميله ان هناك شخص لايرغب في رؤيتك حزينه بحق جمالك احتفظي بضحكتك بعيداََ عن بؤس العالم انتِ تستحقين السعاده لاتعبسي،أريد ان تعتني بنفسك جيداََ وتبتعدي عن مايؤذيك ويكسرك وان تعلمين انك تعنين لي االكثيرر،اتمنى لك ايام تشبه جمال ضحكتك❤️