نموت كلنـا يمـه لكـن كرامتــي تـحـيـا [21] قصص وروايات الميثاق

.
🥀نمـوت كلنـا يمـه لكـن كرامـتـي تـحـيـا✋

البـارت 91🌷



عهود:رهف قوا لاتقلقيني عليش مالش

رهف وصوتها يتقطع من البكاء:ياسر

عهود:ماله

رهف:يمكن يطلقني....وغطت على وجهها وجلست تبكي

عهود منصدمه:طيب ليش

رهف:انا احبه ياعهود وربي احبه اعتبرته كل شي بحياتي امي وابي واخي وسندي وحبيبي وزوجي

عهود:ايوه

رهف:ووقف معي لما اهله اتهموني بالسرقه وحسيت اني اسعد انسانه لان معي شخص مثله

عهود:ايوه

رهف:والان مدري ايش حصل له

عهود:كيف

رهف حكت لها كل اللي حصل.....

عهود:اكيد واحده صورتش بدون ماتنتبهي

رهف زاد بكاها:ولو هو واثق فيني ليش يعمل بي هكذا

عهود:طبيعي من حقه بس الان اهدأي نفكر في حل

رهف:عهود والله انا احبه والله العظيم ليش يعمل هكذا معي

عهود حضنتها وجلست تهدأها لما رهف نامت....


عند ياسر....
كان نايم وسمع صوت الباب يدق قام وفتحه...
يوسف شافه واستغرب:ياسر مالك

عبير خافت من شكله كان تعبان وشعره مش مرتب وحالته حاله....

ياسر:ادخلوا

عبير ويوسف دخلوا وجلسوا...

يوسف:وين رهف

ياسر:لحد يذكر لي اسمها

يوسف:ليش

ياسر:بكره بجيب لها ورقة طلاقها

عبير ويوسف كان الخبر عليهم مثل الصاعقه....

يوسف:ياسر انت بعقلك

ياسر فقد اعصابه وبصياح:ايووووووووووه انا بعقلي واحبها وكنت ما ارفض لها طلب ووقفت ضد امي وابي لاني كنت واثق فيها وهي طعنتني بظهري غدرتني وخلت اسمي وراسي في التراب

يوسف مسك ياسر:ياسر اجلس اهدأ ياخي وصلي على النبي

ياسر:عليه وعلى اله الصلاة والسلام

يوسف شاف عبير خافت من ياسر:عبير خلاص ارجعي البيت

عبير:طيب....وخرجت من عندهم...






.
🥀نمـوت كلنـا يمـه لكـن كرامـتـي تـحـيـا✋

البـارت 92🌷




عند ربيع وريتال....
ريتال:كذاااااااااااااااااااااااااااب

ربيع:والله

ريتال:امانه عليك بحجر الله لاتكذب عليا

ربيع:ههههههههههه والله ما اكذب

ريتال بفرح:يعني بنسافر اليابان عند زينب

ربيع:ايوووووه وعند عزام

ريتال:ياااااااافرحتي

ربيع:ههههههه مجنووووووونه

ريتال:ههههههه مثلك

ربيع:ههههه طبعا قبل ما اسافر بضرب شاهين لوما اشبع انا للان ساكت له

ريتال:خلاص سهل

ربيع:لا اول شي لانه هو السبب في رسوبي وثاني شي كنت عتفعل غلطة عمري واخطفش بسببه

ريتال بدلع:بس بسببه انت تعرفت عليا

ربيع:هههههههه صح هذه الحاجه الوحيده الحسنه اللي اذكرها منه

ريتال:هههههه.....


عند عهود....
كلمت امها وخالتها عن اللي حصل لرهف....

خديجه:يوووه الله لايوفقه كيف سخي على بنتي

فاتن:يجي يونس واخليه يتفاهم معه

عهود:المهم وحاولوا تصلحوا بينهم حالة رهف تعبانه

خديجه بحزن على بنتها:قد كنت حاسه ان فيها شي

فاتن:ولاتقلقي الا نسد بينهم....


عند ياسر...
يوسف منصدم:ياسر انت مستوعب كلامك

ياسر:ايوه بس محد من الاهل يعرف

يوسف:وايش بتقول لهم

ياسر:حاجه بيني وبينها محد يدخل

يوسف:انا مش مصدق رهف مش من هذا النوع

ياسر:خلاص لاعاد تذكر اسمها لو سمحت وانسى هذا الشي

يوسف كان متأكد ان رهف بريئه بس سكت من اجل اخوه....




.
نمـوت كلنـا يمـه لكـن كرامـتـي تـحـيـا

البـارت 93




الليل فاتن كلمت زوجها بكل شي...

يونس:انا بتفاهم معه

فاتن:خيرة الله

يونس:ووينهي رهف

فاتن:راقده مسكينه مقهوره قوي

يونس:سهل ياسر حسابه عندي.....


عند عماد....
عهود:وهذا اللي حصل

عماد:خلاص يطلقها والله انهو مايستحقها واكبر غلط انحنا وافقنا نزوجه بها

عهود:بس رهف تحبه

عماد:عتخليها تنساه

عهود رفعت حاجبها:ايش تقصد

عماد ابتسم:بتزوجها انا وياسر اخليه يندم على اليوم اللي فكر مجرد تفكير ان رهف ممكن تخونه

عهود:هه تمزح صح

عماد:لا

عهود بصدمه:وخطيبتك

عماد:مستحيل افلتها بتزوج الثنتين

عهود:احلف

عماد:والله

عهود:اقوم اخرج من عندك قبل ماتجنني

عماد:هههههههه طيب وكلمي رهف لاتقلق ياسر الكلب حسابه معي

عهود:طيب خير.....


في بيت صالح....
رجعوا يوسف وياسر والكل عرف ان ياسر يشتي يطلق رهف بس ماعرفوا ايش السبب...

ياسر:ميرنا

ميرنا:هاا

ياسر:خلال هذا الاسبوع تدوري لي بنت واشتي العرس يكون بعد اسبوعين

ميرنا مطننه:كيف....


عند صالح....
نجود:الحمدلله عيطلقها

صالح:واخيرا عرف انهي ماتستحق حبه لها

نجود:خيرة الله وهو عتزوجه احلا بنت

صالح:ان شاء الله يطلقها بعدا سهل....






.
نمـوت كلنـا يمـه لكـن كرامـتـي تـحـيـا

البـارت 94


عند رهف....
صحت من النوم وكانت تحس جسمها كله مكسر ويوجعها وحرارتها مرتفعه ومدوخه....
رهف:ياعهود

عهود سمعت صوت رهف زي الخيال التفتت لعندها:هاا

رهف ماسكه على راسها ومغمضه عيونها:كم الساعه

عهود:تسع

رهف:اوهو عاده الا بدايه الليل

عهود:ايوه بروح اجيب لك عشاء وارجع

رهف:لا ما اشتي

عهود:ضروري

رهف:حاسه بتعب فظيع مش قادره حتى افتح عيوني

عهود خافت على رهف قربت لعندها وحست حرارتها مرتفعه راحت لعند امها.....


عهود:يمه

فاتن:ها

عهود:يمه رهف تاعبه قوي

عماد:مالها

عهود:مدري خلونا نسعفها للمستشفى

فاتن:طيب الان خديجه لاتعرف

عهود:خالتي نامت

فاتن:حلو....واخذوا رهف للمستشفى....


عند ميرا....
ياسر:ايش اللي كيف كلامي واضح

ميرا:ولا واحده بترضى تتزوج خلال اسبوع انت بعقلك

ياسر:سهل حاولي واي واحده المهم بنت ناس ومحترمه ومش جميله

ميرا مستغربه:مش جميله

ياسر:ايوه ما اشتيها تكون بجمال رهف اشتي جمالها عادي او ماتكون جميله بالمره

ميرا:ااممممم مافي غير واحده بتقبل

ياسر:من

ميرا:منار بنت عمي مؤدبه وكمان حلوه جمالها متوسط

ياسر:طيب كلميها الان اذا موافقه تقولش من اجل اخطبها وتتجهز للعرس

ميرا:طيب....




.
نمـوت كلنـا يمـه لكـن كرامـتـي تـحـيـا

البـارت 95



اليوم الثاني
رهف عملوا لها فحص في المستشفى وعرفوا انها حامل...

ميرا كلمت منار ان ياسر بيتقدم لها ووافقت واليوم خطوبتهم والعقد اما العرس بعد اسبوع...

يونس اتصل لياسر بس ياسر مارد عليه ورسلهم بورقة طلاق رهف....

رهف بصدمه:طلقني!!!!!

خديجه مقهوره على بنتها وماقدرت تتكلم

عهود:رهف حبيبتي لاتقهري نفسش انتي حامل وهو طز فيه

رهف بكت بقهر:ايش طز فيه انا احبه بعدين مش معقوله ياسر يحبني كيف يصدق اننا ممكن اخونه كيف

فاتن مسكت رهف وضمتها:حبيبتي اهدأي والطلاق هذا مايصلح لانك حامل

رهف ضمت خالتها وجلست تبكي بحضنها:والله العظيم ياخاله اننا ماخنته ولا فكرت مجرد تفكير بهذا الشي انتوا تعرفوني وبعدين انا بخاف من ربي قبل ما اخاف منه ليش يعمل بي هكذا لييييش

فاتن باست رهف في راسها:طيب ياروحي اهدأي من اجل ندور حل ونعرف نحل المشكله....ِ

وجلست رهف بحضن خالتها تبكي لما غلبها النوم ونامت....


عند عماد....
كان ماشي في الشارع وبسر ياسر...
عماد:يا اخ

ياسر بنص عين:نعم

عماد مسكه في رقبته وتكلم بحد:نعامه ترفسك

ياسر دهف عماد:يدك بكسرها لك

عماد:يكون في علمك رهف اطهر منك ومن اللي خلفوك ولاتحلم انها عاد ترجع لك

ياسر مسك عماد وبدأوا يتضاربوا لما جاءوا اهل الحاره وبعدوا بينهم....


✨ومرت الايام والاسابيع ومشى اول شهر✨

رهف حاولت كثير انها تبرر لياسر وتحاول تفهمه ويعرفوا من تبلى عليها بس للأسف ماعطاها ولا اي فرصه وتزوج بمنار....

يوسف وعبير ماقدروا يعملو شي...

ربيع وريتال سافروا اليابان عند عزام وزينب....

اما شهاب تزوج....

عهود:رهوفه

رهف:عيونها

عهود:اليوم معش عوده للمستشفى عشان نتابع صحة الجنين

رهف ابتسمت:ان شاء الله

عهود:يلا بخلص اسوي الغدا وارجع لعندش

رهف:طيب....




.
نمـوت كلنـا يمـه لكـن كرامـتـي تـحـيـا

البـارت 96



عند ياسر....
منار:حبيبي ياسر

ياسر بدون نفس:نعم

منار:ليش تعاملني كذا ليش ماتدلعني مثل ماكنت تدلع رهف

ياسر تنرفز:انا كم مره قلت لش ماتذكري اسمها امامي

منار:ليش طيب كلمني ايش سبب طلاقكم

ياسر بعصبيه:منار لاتدخلي والا بتشوفي شي مايرضيش

منار خافت منه:طيب....


عند رهف....
اخذت تلفونها فتحته على اسم نبض قلبي
رهف:برسله اخر مره اذا تكبر مثل كل مره وربي ماعاد اكلمه....ورسلت له السلام عليكم كيفك ياسر...
ياسر شاف رسالتها:هذي ماملت رد عليها.....اول مره ارد عليش واقولش روحي بحال سبيلش وماعاد اشتي اشوف او اسمع شي منش....

رهف:طيب مره واحده بس اسمعني

ياسر رد عليها:انقلعي

رهف ردت عليه:- ‏اللهُم المُتسع
- حِين تغْدو الحياة ضيّقة....

غلقت تلفونها بقهر:والله العظيم يا ياسر انك خرجت من قلبي تماماً وماعاد بكلمك ومستحيل ارجع لك....

فتحت تلفونها شافت اسمه والدموع في عيونها مسحتهم بقوه وغيرت اسمه من نبض قلبيالى جرح قلبي.....وقررت تنسى كل اللي حصل وتبدا حياتها من جديد مع ابنها او بنتها بعيد كل البعد عن ياسر وعن كل الناس....

لالمزيد من الروايات

قسم الروايات اليمنية
قسم روايات الرعب والغموض

قسم الروايات الاسلامية

قسم روايات متنوعة خليجية

قسم معلومات هادفة ومتنوعة