روايات يمنية رواية أجمل_اقداري [2]

اجمل اقداري
البارات 7

وينها سمر..

سمر هيذا اجيت ي ريهام والله هكذا تهون صداقتنا عندك ولا تقولي لنا  اخخخخ الله يسامحك بس


وفي نفسها الله يعينك يا محمد  كم اهرمتنا ريهام وريهام ايش بيوقع بك اذا عرفت انه الخميس خطوبتها

فزت على صوت  سوسن وهي بتزغرط لللييييييييوولييي


سمر:اصه عيب اسكتي


ريهام:زغرطت معها للييلللليييوووولييييي ههههه   بهبل وترقص وسحبت معها رهف وسوسن يرقصوا

سمر شافتهم وشافت كيف ريهام فرحانه من قلبها وتنهدت اه اه الله يسعدك يا ريهام  ويكون في عونك يا محمد اخي

وابتسمت وقامت ترقص معهم

  وجزع الوقت وهن يرقصين ويتهابلين ويضحكين

سمر ابسرات الساعه يووو يا بنات كم قد الوقت قد هو شرق هيا ياسوسن  امي عتصيح فوقنا

يله ان شاءالله بكره نشوفكم حين نسير السوق

رهف:عنسير  السوق احنا و راكان عشان نشل اللي ناقص الخطوبة  ونشل لنا فساتين

 سمر:طيب من عيوني دام راكان بيوصلنا  وضحكت


خرجوا البنات وراكان في الشارع روح بحين عشان يشوف سمر
ومن الحب ماقتل




❥┋‌‌‌‌‌‌‌‏( أنـا سلمت لـه قلبي وهو مثلي كذا سلم )🍂⇣

❥┋( مزج حبه على حبي
 واصبح حبنا اعظم

.....

احمد:حياك ي محمد ادخل ي عزي الله الله
ودخلوا

ام احمد مريم حياكم ياعيالي وليش هكذا يااحمد تأخرت علينا قلت لك الخميس الخميس كون روح عندي عشان تنفعني ياابني رضاي عليك مالي غيرك في الدنيا هذا ياابني


محمد:بلقانه واليوم ياخاله كان مابيروحش غير عمي عبدالله قال له والا عاده مطول ههههههه


احمد:بطل محارشه يا محمد وخلينا ندخل نتغدى قدنا جاوع

مريم يووو على ابني ادخل ياروحي المجلس وانا اسير أدي لكم الغداء

احمد:طيب يا أجمل ام في الكون كله وباسها في راسها

هيا يامحمد ادخل
دخلوا واحمد زبط محمد الله يشلك ي كلب بتحرش امي عليا لاراحت لك ماانا احمد

محمد:ههههههه احسن شي قول لاراحت لك ماانا امك ههههههه هيا سير أدي لنا الغداء

احمد:ههههههه طيب بطل هواره هههههه


احمد خرج وشافته امل وجريت لحضنه


يووو يااحمد كم بين اشتاق لك ورب امكعبه ليش هكذا ياشوعه تطول بروحتك الخميس اللي فات كم جلسنا نراعي لك ولا اجيت


احمد:والله يا روح اخوش انشغلت شوي في العمل وهذا اخر مره بس هذا ورب امكعبه من وين أديتيها يازنبقه ههههههه


امل:ههههههه هذا اديتها من رهف ايوه قول لي كيف خالتي وكيف البنات وكيف اليوم اجيت

احمد:طيب قولي لي وين اماني وبعدا بعد الغداء بقول لكم كل شي


اماني: احمد أجا ليش ياشوعه مادعيتي لي اكرهش ي امل ليش ماقلتي لي ان  احمد  أجا

احمد:سار لعندها وحجفها وبيضحك يووو يا ايمو يا قلبي ليش بتكرهي امل

اماني: هي ماقالت لي انك اجيت وكانت قدهي بتبكي

احمد:خلاص يا روح اخوش لا تبكي ولا شي انا ماقلت لها اني باجي وبعدا امل اختك الكبيره مايصلحش تقولي لها هكذا
يله قولي لها اسفه يا امل بسرعه

وجي اتغدي معي هيا قدنا جاوع ومحمد في المجلس لوحده


اماني اسفه ياامل

امل:فديتك


في بيت علي

ياامه أنتي عارفه انه خطوبة ريهام يوم الخميس
وبكره ريهام ورهف يشتونا نسير معهم السوق عشان  الخطوبة حق ريهام

محمد:دخل
السلام عليكم

الكل وعليكم السلام

سمر وسوسن سكتوا حين ابسرين محمد وما يشتين محمد يجتغر (يزعل)

ساميه:وانتين
و من بتسيرين السوق

محمد:ليش بيسيرين

ساميه:بيسيرين هن ورهف وريهام عشان يتكسوا لخطوبة ريهام

محمد:كان يشرب ماء واشترغ خطبة من قلتوا


ساميه:خطبة ريهام على ابن خالها خالد


محمد حمرين عيونه وحس انه قلبه انكسر  ودخل غرفته رزع الباب بقوه ونزلين دموعه ليش ي ريهام ليش معقوله
طول هذة الفتره ماحسيتي في حبي لش ولا في نظرتي لش الحمدلله الحمدلله يارب كم تمنيتك  ياريهام تكوني من نصيبي بس الله مش كاتبك توقعي من نصيبي وسار لفوق سريره اااه الله يسعدك ي ريهام

وجلس يفكر ويتذكر حين كانوا صغار لين نام



العيب ليس من الحب ، العيب فينا ، ليس
 لأننا لا نعرف نٌحب ولكن لأننا نٌحب
 من لا يستحق الحب

#👌


اجمل اقداري

البارات 8

سبحانك اللهم اني كنت من الظالمين



 مريم: ي احمد شل الغداء وسير عند صاحبك عيب تخليه وحده في الديوان (هو مجلس او ديوان وبعضهم يقولوا مكان وانتوا افهموها😅هههههههه)



احمد:شل الغداء ودخل عند محمد، ومحمد ههههههه شكله قدهو نوم
ووومحمد

محمد:ها مالك يا جني هوذا انا بين أسمعك اسكت أدي الغداء الله يشلك

اماني دخلت وبيدها الحلا هيا عادكم ماكملتوا ها يا احمد شل  الحلا

احمد:جي كلي معنا

اماني ماشي شابعه امسك الحلا هيا بسرعه اسير اجعل لي وادي لي فلوس عشان اشتري لي ولامل


محمد:ليش الكبره هذه يااماني او ماعرفتيني جي وخرج 500 من جيبه ها هذا لش حق جعاله


اماني:ليش من طلب منك اني طلبت من اخي مش منك


احمد:يارببببه تم قصف الجبهة بنجاح هههههههه تستاهل يا فضولي ههههه


وجاب لها فلوس وخرجت وهي بتضحك
على محمد كيف وقع شكله ههههه


نعرفكم على اهل احمد

الاب:محسن توفي بسبب حادث وعمر احمد 13سنه

الام:مريم طيبه قوي لاابعد حد وكرست حياتها كلها عشان تربي عيالها بعد موت زوجها الله يرحمه عمرها40 سنه


الابن الكبير طلال عمره27 سنه سافر تعز هو وزوجته بعد ماعبته على امه من بعد ماسافر ولا عاد بيسال عليهم

بطل روايتنا
احمد 19سنه وهو متكفل في أمه وأخواته ودراسته  ومن حين  هو صغير شاب وسيم وطويل وملامحه مقبوله كثير ورجال بمعنى الكلمه


امل:عمرها15سنه صف تاسع


واماني اخر وحده مات أبوها وعاد عمرها سنة
وذلحين عمرها11


نجي لعند محمد التعزي

محمد: 19 سنه أهله كلهم في تعز مافي إلا هو بصنعاء بعد مامات أبوه سار لعند عبدالله صاحب أبوه عشان يشتغل


دخلت مريم

هيا قول لي يا ابني بكيف لك اجيت اليوم

احمد  سرد لها كل شي

وقال لها يامه أشتي منك تكلمي خالتي سميه عشان رهف بس خطبه وحين تكمل الثانويه زواجه


مريم ياابني رضاي عليك مش الحين البنت عادها صغيره خليها حتى تكبر شويه واخطبها لك من عيوني


محمد  بيتسمع كلامهم سكته وفي نفسه والله ماخليتها لك ي احمد.....


يوم الخميس

سميه هيا بسرعه ياراكان قوم عشان تشل خواتك عند المكوفره  مابش وقت

النسوان ذلحين بيجوا وبيت خالك قدهم في الطريق

راكان من عيوني


فوق السياره طلعت رهف قدام جنب راكان وريهام وسمر وسوسن طلعوا في الكراسي اللي خلف

راكان فتح أغاني وصوتها لاخر الشارع  وخلى المرايه لعند سمر عشان يشوفها

غزال صنعاني أهواه ويهواني وبيتبسر سمر


سمر عرفت انه لها

سوسن دكمتها  نزلي عيونك قبل مااخرجهم لش ي قرده قالك غزال ههههههه

ريهام هههههههههههههه وأنتي ي سوسن ما دخلش خليهم في حالهم  والا زعلانه ليش ماوصلنا اركان وغمزت لسمر

راكان وصلنا ايحين آجي لكم

ريهام بنتصل لك حين نكمل

راكان: طيب هيا انزلين


في بيت عبدالله

اجوا بيت أخوه محمد

أحلام سلمت على عمتها  وسارت تدور للبنات

خلود: هيا مبروك ي اختي وان شاء الله يكون عريس حالي مش من عيال هذا الايام حق المصيااعه  ولوت في لقفها


سميه: يووو يا خلود هو ابن اخي وسيد الرجال وكل البنات بيتمنين ان يوقع لهن وحد زي خالد ابن اخي


أحلام: رجعت وحست ان امها مدري ايش قد قالت لمن شافت وجه عمتها اجتغر  وتشتي تغير الموضوع

ياعمه اينهن البنات مش موجودات في غرفتهن

سميه: ي بنتي سارين عند المكوفره  ساعه بالكثير ويرجعين

خلود: وليش كوافير وعادها إلا خطبه زمان كانوا بيخطبو ولا احد يعرف بشي
ذلحين حفل وكوافير بنات اخر زمن


أحلام: يامه زمانكم غير زماننا وكل شي تغير وهذا فرحه للبنت وأهلها

خلود:قومي يابنت من المرادده بتردي الكلام

سميه: صح كلامها ي خلود


أحلام طيب ي عمه ما تشتوا اعاونكم

سميه:تسلمي ي روحي قومي اتجهزي قبل وصول اهل العريس.

اجمل اقداري


البارات 9

اللهم صل وسلم وبارك على سيدنا محمد


سمر وااااووو ماشاء الله عليش ي ريهام كيف وقعتي قمر

رهف اختي هي قمر حتي بدون ميك اب
مش زي بعض الناس هههههههه

سوسن:واحنا ماقلنا شي ي هرمه  بس لان الميك اب متناسق مع الفستان طلعت تجنن

ريهام تدور في فستانها مدري ليش أحس نفسي ثانيه

المكوفره هههههههه هذا لانك ماتسوي ميك اب كل مره وتشوفي نفسك غير

ريهام لبست فستان طويل و لونه كبدي صافي بدون نقش عليه حزام اسود  ومن ورا عليه شكل ورده المهم طلعت خيال


 رهف و سمر وسوسن لبسوا فساتين كلهم سوا وكلهم عملوا ميك اب خفيف واستشوروا شعرهم وخلوه مفتوح

ريهام: يا بنات نسيت تلفوني في البيت منين نتصل لراكان


وسوسن ورهف مع بعض حتي احنا ماجبناهم معنا


ريهام التفتت لعند سمر وأنتي  ي سمر جبتي تلفونك

سمر ايوه بس

ريهام لا بس ولا شي هاتي نتصل منه
وسحبته منها

اففف راكان مايرد على التلفون كيف نفعل  نتصل لاركان احسن

عادها ما كملت كلامها إلا وراكان يتصل

راكان الو

ريهام:راكان هيذا انا ريهام هيا جي لنا تأخرنا انا فدالك

راكان:طيب وليش ما اتصلتي من اول


ريهام: نسيت تلفوني في البيت

راكان:وهذا تلفون من

ريهام هذا حق سمر  هيا انا فدالك ي اخي تأخرنا


راكان:شويه وانا عندكم انا قريب منكم


راكان وصل

البنات اول ماشافين سيارتهم خرجين

فوق السياره بيمشي وقفهم ولد يمكن عمره 15سنه

الولد بيبيع ورد وفل

راكان شل للبنات كلهن

سمر شافت الولد اللي يبيع يتفرج عليها غطت عيونها

راكان شافها وعجبته هذه الحركه اللي سوتها وابتسم

وجاب لرهف الورد وخلى وحده معه وقال لها وحده لش وحده لريهام ووحده لسوسن

البنات شافين بعض وهن مستغربات ليش ماجاب لسمر

سمر: شافته وزعلت وهي ليش ماجاب لها لايكون تتوهم انه يحبها  ودمعين عيونها
وما شافت الورده اللي معه


وصلوا والبنات نزلين

سمر اجت بتنزل حنب فستانها في الباب حق السياره

راكان مد لها الورده وقل لها هذا وردتش ي ورده

سمر تسمرت مكانها مااتخيلت انه يجيب لها او يحاكيها صح هي بتحبه وهو كمان بس
هذا اول مره يحاكيها ويجيب لها شي

سمر شلتها وجريت بعد البنات

راكان يشوف بعدها لين دخلت وتنهد الله يجعلش من نصيبي ياسمر


( ياحب ساكن فينا من سنين
ياعشق واحد ماله مثيل )🍂⇣


اجمل اقداري
البارات 10

سبحان الله وبحمده سبحان الله العظيم


دخلين البنات والبيت ملان نسوان

سميه شافت البنات  وبتتحيلا لهن

ريهام سارت عند أمه اسفه ي احلا ام وحبتها في راسها شكلش قدش تاعبه من العمل لوحدش


سميه:الله يرضي عليك ي بنتي ماشي ماتعبت ولا حاجه وبعدا أحلام بنت عمك اجت وعاونتني هي وأمل بنت خالتك مريم وزد اجت اسماء وحنين بنات خالتك فاطمه

....
وصلوا اهل خالد

ودخلين النسوان ام خالد وخواته المتزوجات2 وأخته الصغيره وخالته

استقبلوهن بزغاريد  والكل فارح لريهام
غير خلود بتدعوي انها تتفركش الخطوبة
من حقدها

البنات اول ماسمعين انهم اجوا جرين للطيقان يبسرين خطيب ريهام كيف هو
هن يعرفنه بس حق الخطبه ثانيههههههه

ريهام بتبسر خالد البنات سحبنها خلاص
قد هو بيدخل ويشوفك وبتشوفي مافي داعي تجلسي تتبسري من الطاقه

.....

محمد
سمع الاغاني حق الحفل وخرج من بيتهم وما يشتي يسمع شي وجزع من عند بيت ريهام شاف خالد


خالد شافه وكان بيداعيه ومحمد وهو يمشي ولا كانه  يسمعه  هو يشتي يبعد عن كل شي يذكره فيها



آلآشـيآء آلتي آح ـبــبتها ذآت يومـ

سـتظـل مـرافقتنآ طـول آلعمـر...


وقت النظره الشرعيه

سميه يابنات  خالد بيدخل يلبسها اتغطين

ريهام قدها ترجف وماعاد تشتي يدخل من كثر ماهي متوترة


خالد دخل وأول مادخل كان بيحس
كلهن ضحكين عليه وهو كمان ضحك


سار لعند ريهام خالد يشتي يتخيبل شويه معها  قال لها هيا روحنا ايش عاد بقي لش هنا خلاص قدش خطيبتي

ريهام ماقدرت تكتم ضحكتها و قرحت هههههههههههههه

خالد ضحك معها

والكل بيضحك عليهم وفرحانين لهم

...
عند محمد بيمشي ولا هو داري اين يسير
فجأة...

ساميه:كنت في المطبخ تشرب ماء ونكع  القلص من يدها واكتسر يوو بسم الله الرحمن الرحيم اللهم اجله خير مدري ليش انا مش مرتاحه اليوم

الله يستر

..
عند علي  وهو بالمكتب

تلفونه رن

علي:الوو وعليكم السلام

...:انت علي.. ابو محمد

علي:ايوه من انت

....:ابنك عمل حادث وهو ذلحين في المستشفى....


علي:ياالله سترك كيف هو ابني وغلق التلفون من غير مايسمع ايش قال له


...

في بيت عبدالله

بعد ماخرجين النسوان قامت امل وحنين  يرفعين بسرعه عشان يرجعوا يكملوا سهرتهن

طبعاً امل وحنين وأسماء بيجلسين لليوم الثاني عندهم



اجمل اقداري

البارات 11


اللهم ثبت قلوبنا وقلوب اخواننا المسلمين على دينك

...

امل: ريهام أنتي ولا تفعلي شي عشان اذا انخطبت  تعوضيني ههههههه


حنين:أنتي بس انخطبي وكل احنا بنجي عندك ولا نخليش تسوي شغله هههههه

اسماء:هيا بسرعه للهدره اقطبين

رهف: ي اسماء شكلش عادش اول مره  تعرفي هذولا البنات ههههههه لقد اجتمعين الثنتين  ماعاد تسبر مهره
ههههههه
....

وصل علي المستشفى وأول مادخل من كثر ماهو متوتر  كان يصيح اين ابني

الممرض ي عم من بتدور

علي: ابني محمد علي ال... سوا حادث

الممرض:ايوه ي عم اليوم جابوا ثلاثه في حادث

علي وينهم
الممرض:مشي معه لغرفة العمليات

علي:شاف الدكتور خارج من الغرفه حق العمليات وساله كيف ابني ي دكتور

الممرض:هذا ابو المريض محمد علي


الدكتور:شاف لعند علي اممم والله ياأخي مقدرنا ننقذه البقيه في حياتكم


علي:اول ماسمع الكلام كأنه حد صب شي حامي فوقه انهار  على ابنه وحيده


.....

في بيت علي

عند ساميه يا سمر  اتصلي لابوش مدري ليش اليوم تاخروا

قلبي قابضني


ل امي

انتِي الفڪرة التي لا أستـــــطيع شرحهـــــا لأحـــــد ولا ااتـــــوقف عن الإنــــــبهار بهــــــــا❤️....


يامه صلي على النبي ان شاءالله مافي شي


سميه:اللهم صل على سيدنا وحبيبنا محمد


سمر يوو حق محمد مايجوبش


سوسن: اتصلي لاابي يمكن يجوبش


سمر:اتصلت والجوال حق أبوها يرن ويرن بس مايجوبش


سميه يوو ياالله استر يارب لا ترويني في احد شر


سوسن شافت امها انها قد هي تبكي سارت عندها وحبتها في راسها

ياالغاليه ان شاءالله مايحصل شي


عند سمر واخيراً جاوب أبوها

وسارت تبشر امها ان أبوها رد عليها وقال لها انهم مروحين في الطريق هو ومحمد

....

في بيت عبدالله

عند الشباب

راكان جالس يتبسر الرقم حق سمر  ويشتي

يرسلها بس ماقدر ويشوف اخر ظهور لها كان الساعه6 الصباح


أحبــبتڪِ جــداً حتــى شعـرت أنــڪِ عـالم يســڪـن بـ داخلــي أضيــع بـڪِ ۄ لــڪِ ۄ إليـــڪِ. ❤️

اركان جالس بيتصافدوا هو واحمد ومحمد

لان احمد ومحمد عايشين في بيتهم في المكان الخارجي حق الرجال

احمد أجا بينزف الماء لفوق اركان ومحمد
وقع لفوق راكان

راكان فز من مكانه كان في عالم الحب مش هو عندهم
قام ولحقهم للحويه (حوش) فهمتوا😉

والله ماراحت لكم وشل في يد دبه ماء والثانية دبه
وسار ينزفهم بالماء والعيال ميتين ضحك عليه كيف افتجع


البنات سمعين اصواتهم قامين يتبسرين من الطيقان ويضحكين عليهم

 رهف ذكرت حين احمد نزفها بالماء وضحكت بقوه

البنات التفتوا لعندها


اجمل اقداري

البارات 12

سبحان الله وبحمده سبحان الله العظيم

في بيت محمد أخو عبدالله

خلود:قومي سبري لنا عشاء  للحنوقه

أحلام:حاضر وخطيت  وهي تحاكي نفسها ايش كان بيحصل يعني اذا جلست مع البنات يارب تهدي امي  أشتي اعرف ليش كذا بتكره بيت عمي

اخخخ بس ان شاءالله اعوض في عرس ريهام واجلس عندهم حتي لو روحوا امي وأبي

 دخلت خلود عليها هيا ايش في معنا بتكلمي نفسك  نص ساعة ويكون كل شيء جاهز والا والله لا اوريكي الويل وبتعرفي كيف الحنوقه على أصولها يامعنسه للحين ولا جالش عريس وبنت عمك اليوم خطبتها


أحلام: حاضر نص ساعة وكل شي جاهز  أنتي بس سيري اجلسي

اوووف يارب أشتي اعرف ليش امي هكذا بتسوي معي كاني مش بنتها وبعدا ياسعم العرس بيد الانسان هو كل شي بيد الله


محمد:دخل وخلود بتصيح مال صوتش كذا  لاخر الشارع يامره


خلود: والله كله من بنتك المصونه زعلانه ليش ماخليناها في بيت عمها


محمد:عادي كنتي بتخليها تجلس عند البنات مافيها شي وبعدا اخر مره أسمعك تقولي بنتك هي بنتك أنتي كمان وانا حذرتك


خلود:  هذه مش بنتي انا مامعي إلا وليد بس  والا نسيت بنت من تكون ولوت فمها


أحلام: كانت بتسمعهم وصدمت حين سمعت الكلام ومن غير شعور قطعت يدها  وهي ولا في حسها بس اللي تفكر فيه الان هي هل هذا الكلام صحيح  اذا صحيح انا بنت من وهل محمد هو أبوها الحقيقي او لا

....

في بيت علي

الباب بيدق

سميه حملت تفتح بسرعه شافت محمد وصاحت بكل صوتها ياالله ابني 

يوووو قدني حاسه انه في شي


محمد:يامه مافيني شي  انا الحمدلله بخير الله يحفظش لنا


علي:هيا عتخلينا ندخل والا نجلس في الباب ههههههه


سمر وسوسن سمعين اصواتهم وصوت امها بتصيح قامين يبسرين  ايش في

شافين محمد وبكين يو ووو  عليك ي محمد سلامتك

محمد:مافي شي حادث بسيط هي إلا كسور بسيطه  لاتخافين ولا شي....
                                  البارات السابقة