روايات رواية أجمل_اقداري [1]

في آباء بيغصبون عيالهم على إشي لايريدونه وهم يحسبون أنهم بيسعدوهم بس بالعكس قد يجدون شي لم يكون متوقع


في اشياء كتبتها من الخيال وفي اشياء كتبتها من الواقع الحالي

نبدأ فيها

للكاتبه نورا  السامعي



لااحلل ولا اسامح  مسح  اسمي من الرويه


#أجمل_اقداري


البارات 1

قبل 4سنوات#

يمااا مابش ماء منين نسير ندي ولا به حاجه للغسوله

الام: سيري يابنتي ادعي احمد ومحمد يجوا عشان يسيروا يدوا ماء

رهف:حاضر من عيوني ياماما بس اسير معهم صح

الام:ماشي يابنتي اجلسي انفعيني


رهف:يا ماما اسير بساعتي معهم وارجع انا فدالش ي احلا ام 😘

الام:يووو منش خلاص اخطي بس بسرعه لا تتأخري

رهف:ي محمد يا احمد قلكم امي سيروا ادوا لنا ماء للبيت مابش معنا شي

احمد:حاضر يا رهف هيا ي محمد نسير مع رهوفه

محمد:هيا

ساروا يدوا ماء وجلسوا بيلعبوا هم و رهف

احمد أجا بيشل الدبه واستكب الماء لفوق رهف.....

رهف:يووو يااحمد ماهذه الخباله الله يشلك ي شوعه انا اسير اقول لامي

احمد ومحمد ميتين ضحك على رهف كيف هي

رهف زعلت وسارت قبلهم لعند امها
ياماااا ياامييي جي ابسري احمد هذا الشوعه كيف هدم لي الفستان

الام:بتستاهلي قلت لش اجلسي انفعيني قلتي لا هههههههههه

رهف:سارات وهي بتبكي وهي زعلانه من احمد ومحمد وأمها
دخلت الغرفه لقت اختها ريهام ابسرتها
ورزعت الباب بقوه

ريهام: مال قلبي زعلان رهف حضنتها وقامت تسرد لها كل شي ريهام بتضحك

رهف زعلت منها وضحكوا مع بعض من الموقف

الام اجت هيا يابنات غداء ابوكم واخوانكم جوا

رهف حملت بسرعه لعند أبوها وبتحبه بابا  ي روحي ليش تأخرت

الاب:ابتسم حيااا بروح بابا
  هيا اتغدي ياروحي عشان
ماتتاخروا على المدرسه واشتي
بناتي يجوا اوائل....



اجمل اقداري


البارات 2

رهف وريهام فديتك يا احلا اب في العالم الله  لا يحرمنا منكم انت وماما
الحين بنتاخر على المدرسه باي

في المدرسه

ريهام:رهوفه قلبي انتبهي على نفسك

رهف حاضر ي روحي

رهف دخلت وبسرت سمر وسوسن هن أخوات وصديقات رهف المقربات

سمر:كيفك اليوم رهوفه امس مالك روحتي كنا نشتي نروح كلنا


سوسن:خليها ياسموره هي امس مدري ايش وقع بها حين روحت اليوم اذ بتروح وحدها هي وريهام طز فيها


رهف:شلوكن جالسات تتكلمين محد معبركن وخرجت لسانها بس امس أجا لنا ركوني وريهام اجت لي وسرنا معه ودورتكن وانتوا مابحدكن

سمر وسوسن اها الله يشلش ليش ماقلتي لنا اليوم اذ اجالكم ادعينا

رهف:ههههههههه حاضر ي شوعات وعارفه ليش زعلت سمر تشتي تروح عشان ركون صح ي سمور

سمر:حمرت من الخزا وضحكت

سوسن ورهف شافوا بعض وضحكوا كلهم

 وقت ماروحوا من المدرسه شافو احمد ومحمد عند المحل حق أبوها رهف

رهف:بتحاكي نفسها الله يشلكم من عيال

ريهام ابسرتهم وشافت رهف وهي تكلم نفسه ريهام هههههههههههههه

سوسن وسمر و يبسرينهن وهن ولا عارفات شي  (يتفرجين)
المهم ماعرفت كيف افهمكم 😅


ريهام عرفت انهم مش عارفات بشي ولا رهف قالت لهن  والبنات شافين لعند رهف كيف بتدعوي عليهم  وضحكوا


وكل واحده خطيت بيتهم


اجمل اقداري

البارات 3



هذا البارت تعريفي


بيت رهف تتكون من

ابو رهف عبدالله وهو تاجر كبير ومعه محلات كثيره  حق جوالات وبيحب عياله كثير والعيال اكثر من البنات بيحبهم عمره 40

الام:سميه حنونه قوي على عياله كانوا بنات او عيال وبالذات رهف لانها الصغيره حقهم عمرها 37سنه

راكان:هو الاخ الكبير عمره 18حلو ابيض عيونه واسع يعني بمعنى الكلمه حلووووو ورهف بتشبهه وكمل الثانويه والحين بيدخل جامعه


اركان: الاخ الثاني لرهف وهو حركاته كلها زي أخوه راكان وبيحبه كثير وأي شي راكان يسويه اركان بيقلده ههههه عمره 17سنه وهو اخر سنه بالثانويه

ريهام:عمرها 15سنه  حلوه طويله وطيوبه  شعرها طويل صف اول ثانوي

رهف:10سنين واخر واحده في العائله


العائله الثانيه
محمد أخو عبدالله عمره 45سنه وهو طماع وبيكره أخوه وظهوره قليل في الرواية

زوجته اسمها  خلود هي نفس زوجها تكره عبدالله وزوجته وتحب تكون هي الكل في الكل

وليد:الابن الكبير عمره17سنه وطيب عكس أمه وأبوه وبيحب اخته أحلام كثير

أحلام:عمرها 14سنه واخر واحده لاان امها ماعاد جابت بعدها

باقي العائلات تعرفوها في البارتات التابعه

بعد 4سنوات

يااااا بنات اين انتوا

رهف وريهام هلا في ابي

عبدالله:تعالي يا بنتي أشتي أكلمك بموضوع

رهف بلقانه وانا ياابه ماتشتوني او ماتحب إلا ريهام

ريهام هههههههههههههه وخرجت لسانها ياحسوده

رهف اباااه شوف بنتك  كيف بتفعل

عبدالله:هيا مش وقتكن جي ي ريهام جنبي وأنتي ي رهف سيري عند امك أشتي احاكي اختك بموضوع

رهف زعلت يووو كيف بيحبوا ريهام وانا لا

سميه:رهوفه قلبي جي عاونيني ي بنتي

رهف حاضر ي احلا ام

راكان أجا هيا اين الغدا يماا قدنا جاوع

سميه ذلحينه ها وين اركان

اركان انا هنا ي قوم بيقلد ههه
ماذا تريدون مني

راكان جي جي نعاون امي ورهف عشان نتغدا بسرعه اسير العمل

أركان هيا بنا الى الامام وبيغني


راكان اخذ الفواكه وبيقطعهم

وأركان ولا منه فايده جالس يغني ويرقص وهم بيضحكوا عليه وعلى هبله

رهف تشتي تحانك راكان يامه اليوم بيجين عندي سمر وسوسن

راكان وقعين عيونه قلوب😍 وقطع يده

رهف شافت لعنده وضحكت يووو على اخي

اركان بيحك راسه رهوفه ماتشتي اسير أدي لك من جعاله اطلبي ي قلب اخوش اللي تشتي

راكان:الله الله ومن ايحين قدك هكذا ي اركان

راكان:من لمن سوسن بتجي اليوم هههههههه

سميه عيب ي ابني للخباله استحي عيال اخر زمان


رهف قدني اقول من ايحين اخي هكذا بيسير يجعلي من غير ما اقول له

اركان:والله ي شوعه خلاص ولا عاد بجيب شي

رهف : لالا انا فدالك
وغمزت له سير وإني بقول لسوسن انت اللي اديتهن ههههه


نرجع عند ريهام وابوها

عبدالله:ي بنتي جا  لش عريس وانا موافق لانه ولد والنعم فيه ومتاكد انه بيسعدك وهو بيحبك

ريهام بهررت لا لا يأبه الله يحفظك ودراستي أشتي أكملها وادخل طب اسنان مشتيش انا فدالك

عبدالله:طيب ي بنتي انا بتصل لخالك ابراهيم وأقول مابش نصيب


ريهام ها ايش قلت العريس ابن خالي إبراهيم

عبدالله ايوه ي بنتي خلاص سيري وانا اتصل له

ريهام : الله يشلش ي ريهام خالد أجا وخطبش واوفى بوعوده وأنتي زي الهبلا قلتي لا اححح ذلحين ايش اقول لابي

عبدالله ووريهام اين سرتي لي من اول بين ادعيش وأنتي الله يعلم في ايش بتفكري خلاص قلت لك شتصل وأقول مافيش نصيب

ريهام لا لا ي ابه.....



اجمل اقداري
البارات 4

ريهام لا لا ي ابه خلاص زي ماتشتوا اذ انتوا موافقين انا بعدكم وجريت للديمه (المطبخ) اجت والكل  في الديمه الله ايش معكم متجمعين كلكم هنا بكيف لكم

راكان والله ي عسل دخلنا وأمي بتشتغل لحالها هي ورهف قلنا نساعدها فيها شي

وبعدا جي قولي لي ايش يشتي منك ابي من هذاك الساع وانتوا بتتجابروا

ريهام خزيت ههههههههه ولا شي مادخلك

اركان ي راكان اصه ياسعم بتساله وانت مش عارف ياختي والله عارفين ايش يشتي منك ابي المهم ايش نقول مبروك مقدما ً ههههههه والا مش موافقه

ريهام جريت غرفتها وهي قدهي خازيه من كلام اخوانها يووو ي ريهام وأخيراً بيتحقق حلمك وبتكوني لخالد



نسير لبيت اول مره نزوره

بيت سمر وسوسن اذا ذكرتوهم ههههه


سمر ياامي ي الحبيبه وتلحنها هي هكذا سمر طبعها اذ تشتي شي من امها تقوم تغني لها وتتريحم لها وتتمسكن


امها:ها ايش قد به معنا للمسكنه حقش ماقد تشتي

سمر يووو يامه انتوا عندكم تشوفوني ادلعكم تقولي لي هكذا

امها اتحاكي بدون مقدمات بس

سوسن  خلاص انا شحاكيها ي سمر

يامه ي روحي نشتي نسير بيت عمي عبدالله

عند رهف وريهام

الام ايوه قدني اقول ايش معكن من اول بتتشاورين

لاقد أجا ابوكن قولين له

سمر يامه قدش أنتي الكل بالكل حاكيه أنتي فديتك

ساميه خلاص سيرين بس بحين روحين

قامين بسرعه يبوسين امهن هالله كم نحبك

محمد اخوهن الكبير الله ايش هذا يامه وانا ماتحبونيش انا ابن البطه السودا

ساميه   هههههههه حياا بروحي كلكم سوا انتوا عيالي وكل شي بدنيتي


خلونا نعرفكم عليهم

علي محامي مشهور حنون على عياله وكل همه كيف يسعدهم وما يشتي ينقص عليهم شي عمره 45سنه


الام ساميه: ربه بيت طبعها حالي قوي وتحب عيالها بقوه وإذا حصل مع اي واحد منهم شي تجنن جنان إلا عيالها عمرها39سنه


محمد الابن الكبر ووحيدهم مافي إلا هو عمره20 سنه وسيم وطويل وملامحه حلووه عيونه واسعات


نجي لعند التوم حقنا سمر وسوسن
عمرهم 15سنه اكبر من رهف بسنه بس

يتشابهين كثير بس سمر فيها غمازات وسوسن لا هذا الشي الوحيد اللي يقدروا يميزوهن عن بعض هن لا طوال ولا قصار وسط عيونهن كبار وعسليات شعرهن طويل مره وكل مره يشتين يقصين شعرهن امهن تصيح فوقهن



اجمل اقداري
البارات 5

 اللهم اليك وجهت وجهي و اليك فوضت امري و عليك توكلت فوفقني يا ارحم الراحمين....


الو. السلام عليكم

.... وعليكم السلام ورحمة الله وبركاته

كيف انتوا

والله اتصلت اقول لكم انه احنا موافقين على ابنكم

إبراهيم: وانا كنت متاكد ان بتوافقوا وبتقوا علاقتنا ببعض اكثر الله يبشرك ي اخي
الولد جنني هيا يأبه اخطب لي البنت بتسير عليا

وان شاءالله الخميس الخطبه وبعدا العرس لوما يكمل يرتب الشقه حقهم

عبدالله: ان شاءالله ي اخ إبراهيم والله يجمع بينهم على خير

إبراهيم يله سلم على الكل وان شاءالله زي ماقلنا نلتقي الخميس

عبدالله:الله يسلمك يله خاطرك

ابراهيم:خالد ي خالد

خالد ها يأبه ايش تشتي

ابراهيم اتصل لي عبدالله وقال انه البنت مش موافقه

خالد:ايش ياابه حس ان روحه عتطلع كيف بعد الحب هذا ماتوافق

ابراهيم ابسر ابنه كيف وقع ههههههههههه

خالد ليش بتضحك

ابراهيم انا امزح معك البنت وافقت والخطبه حددناها الخميس

خالد قدهو بيطير من الفرح
........

بالعصر الباب بيدق

راكان فتح الباب وهو متعمد انه مايخرج إلا لمن يشوف سمر

سمر اول ماشافت راكان ماعاد دريت ايش تفعل وهي خازيه

سوسن هيا ايش بتخلينا في الباب يا اخ راكان
وين هي رهف ادعيها والا أبعد خلينا ندخل

راكان حس على نفسه قال شلوش من لقنه وابتسم لسمر ودخل

سمر عيب ي هبلا تتحاكي هكذا مايصلحش

سوسن اخطي ادخلي قبل ما ازبطك لخارج قالت عيب والا حين هو حبيب القلب عيب...


جوا معي نتعرف على بيت أخو عبدالله
ماقد ذكرتهم ابد غير في بارات التعريف


أحلام:ياوليد والله أشتي نسير بيت عمي كم قدلنا من حين سرنا


وليد:والله يااحلام مش بيدي شي كل مره نقول لابي نسير بيت عمي قال ايش في معكم هناك

وانا الصدق اشتقت لرهف واشتي ابسرها

جي نسير نحاول مع ابي وأمي اذا بيرضوا

أحلام ها ها لا جي جي لانسير ولا شي  يمكن نسير عندهم يوم الخميس لان سمعت ابي بيحاكي عمي عبدالله في الجوال وبيعزمنا خطبة ريهام


صدق وليش من اول ماقلتي لي الحمدلله واخيررراً بشوفها

المهم سوي نفسك ولاكأنك عارف في شي
والا مابيخلوناش نسير معهم


خلود خير ايش قد في معكم وليد أبوك يشتيك  سير جاوبه

وأنتي اخطي عاونيني من المفراغه حقكم

طيب يامه سيري بس وإني بسوي كل شيء

خلود هكذا أشتي بنتي تقع عشان اذا تزوجتي

وفي نفسه يووو بنت سميه تنخطب قبل بنتي الله يشلهم ليش كل شي تحصل عليها قبل مااحصل عليه انا..



اجمل اقداري

البارات 6

اللهم أغفر لنا ذنوبنا وقنا عذاب النار



سميه حياا في بناتي ليش ماجت امكم معكم

سوسن:ماقلنا لها انها تجي معنا ان شاء الله مره ثانيه نجي احنا وهي

سميه ان شاء الله  ايوه صح جين يوم الخميس عشان خطبة ريهام


سوسن:ايحين انخطبت وايحين حددتوا وليش ماقلتوا لنا وينها ريهام الكلبه ليش ما اتصلت لي

أركان:كان يسمعها وهو ميت ضحك عليها هذا البنت بلعت راديو ههههههههه


سمر اصه اصه ي مدوشنه احنا في بيت عمي عبدالله مش في بيتنا


سميه:ههههههه عادي ياقلبي مافي شي
بيتنا هو بيتكم

سوسن قاطعتهم بصياحها  ريهام ي جزمه وينش والله ماراحت لش وجريت لغرفة ريهام

رهف : مالش هكذا بتصيحي وقعتي قلبي ايش في

سوسن:انت اسكتي حسابك عندي بعدين وينها ريهام

رهف:هيذك داخل فوق الواتس


ريهام:وأخيرا ي خالد بنخطب وبعدا ليش ماقلت لي انه خالي إبراهيم كلم ابي
لو تشوف ايش حصل

خالد:ايش

ريهام: سردت كل شيء له


خالد:ههههههههههه اتحداش كنتي ماتوافقي كان بخطفك خطف هههههه

كم احبك ياهبلا

ريهام:وانا والكل

خالد:ايش أنتي قوليها احبك

ريهام:لا لقد انا عندك بقولها لك ههههههه

ريهام سمعت صوت سوسن خلودي بعدين نكمل كلامنا
الحين بنات عمي علي عند الباب

خالد؛طيب خاطرش ي روحي


ريهام:ايش في معكن ادخلين وين هي سمر...

في المحل حق عبدالله

ها يامحمد كيف الشغل معك ي ابني

محمد: الحمدلله ي عم عبدالله وكل شي تمام


عبدالله:وين احمد مابسرته


محمد: داخل ي عم ليش تشتي منه شي  اداعيه


احمد:لا تداعيني ولا شي هوذا جيت هلا بخالي تشتي مني شي يا خال


عبدالله:جي اجلس جنبي


احمد:سار لعنده ها ياخال


عبدالله:اتصلت في امك ي ابني
خالتك اليوم بتتصل لها وما تجاوب سير ابسرها اذا هي محتاجه شي  او فيها حاجه لا تكون هكذا تغيب عن امك

ي ابني امك بعد مامات أبوك مالها إلا انت بعد الله سبحانه وتعالى واخوك من حين سافر هو وزوجته ولا عاد بيسالوا عليها وعليكم حسبنا الله عليهم

امك محتاجه لك وانت سندها وسند اخواتك يله قوم الحين وابسر امك وجي انت وهي لان خطبة ريهام يوم الخميس

محمد:ي احمد بجي معك ونرجع كلنا
صح ي عم عبدالله تسمح لي


عبدالله:ايوه الله يرضي عليكم


احمد:وانت ي محمد ليش ماتسافر تشوف امك كم قدلك منهم  مايصلحش هكذا


محمد:قد اخي الكبير عندها وانا الحمدلله اكون اشتغل عند عمي عبدالله وارسل لها في فلوس عشان تصرف عليها وعلى اختي...

-روايات اخراء :خبايا القلب