روايات يمنية جميلة جدا خبـايــا القلـ♥ـب18 الميثاق

خبـايــا القلـ♥ـب


البارت #103#


امان : عتخرج من الباب الخلفي ولما قدنا مروحه عتتصل لك من الكبينه اللي قبال البيت وتلفوني عتخليه عندك

ليث: ومتى عتروحي

امان : الساعه عشرة انتظر لي في الحوش وابسر لي طريق

ليث :طيب واذا احد سألني عليش

امان: قول راقده ومغلقه من داخل بالمفتاح

ليث : حااااضر

امان : اخرج لي ابدل

ليث: خرج انتظر لها لما كملت

امان: سير ابسر عماتي وينهن

ليث : خالتي لطيفه  بتصبن وعمة اسماء بتتحمم

امان : مع السلامة

ليث : ههههه وقعتي وسيمه

امان خرجت بسرعة اشترت ورد  وفحطت للشركة ومن حسن حظها ان خالد ماقد وصل

السكرتير : اسف يااستاذ بس الاستاذ خالد مش موجود

ايهم : اتصل له وقول له يجي الان في واحد منتظر لك

السكرتير : طيب

ايهم دخل المكتب ينتظر وهو بيفكر ايش عتكون ردة فعل خالد هههههههه

السكرتير : في واحد منتظر لك داخل مكتبك

خالد اتأخر عشان سار يبسر المشروع كيف بيمشي : وليش تخليه يدخل وانا مش موجود

السكرتير : العفو بس ماقدرت امنعه

خالد فتح المكتب ودخل شاف ايهم وهو مقفي : اهلاً يااخ بايش اقدر اخدمك

ايهم قام والتفت لاعنده: ولا شي

 خالد بصدمة :ايـ ايـ ايهم😳

ايهم قام يسلم عليه : ايوة ايهم كيفك ياحب

خالد مستغرب كيف ممكن تخرج امان من البيت بهذا الشكل :..... 😳

ايهم بجراءة: شكلك مافقدتني يله معذور كل الناس يتغيروا

خالد : الا فقدتك وسلم عليه ولا رضي يفك له

ايهم : خلاص ياخي طفحتني

خالد بابتسامه  : كيف جيت وانت مسافر

ايهم : لقيت لي عمل وعتكون اسافر للمحافظات كلهن وبالذات صنعاء يعني اتوقع ازورك في اي وقت

خالد بيفكر  معقولة اكون غلطان ويكون ايهم شخص ثاني وامان شخص ثاني لالا مستحيل انا قريت ورقه الخاله ايمان بس ماذكرت فيها ان ايهم هو نفسه امان ويمكن تكون صدفه عشان ادور واحدة اسمها امان واساعدها تلقى اهلها:....

ايهم: شكلك مش فاضي لي على العموم بقي لي ربع ساعه واخطى

خالد: الا فاضي لك ياحب الله المستعان بس تعبان من الليل مارقدت سواء

ايهم : ليش ايش اللي مسهرك

خالد بشيطنه : اووووف لوتبسر بنت عمي يوسف رجعت البيت يخ ماهي لبطه اكرهها عادهي فعلت لنا اليوم صبوح يسد النفس وانا كل مرة اجاملها واقول ايش الطبخ هذا وهي تصدق نفسها

ايهم يعرف شيطنه خالد وبيحاول يمسك نفسه: كسروا يدها ماتعرف تطبخ خلاص مرة ثانيه عتدي لك من اكلي 😉

خالد انصدم منه : هاه تسلم مشتيش اتعبك

ايهم : تعبك راحه ياحب يله خاطرك الجماعه عيخطوا عليا

خالد : مسرع

ايهم: مقدرش معي التزامات

خالد بمنزاغه : انا عتوصلك لاعند اصحابك عشان عترجع البيت

ايهم افتجع بس مابين ولاحاجه: ماتروح تفعل

خالد: نسيت اوراق المشروع

ايهم : اووووو ذكرت تلفوني معك الان

خالد من خبالته: ايوة

ايهم: احتاجه عشان اتواصل معك

خالد خرجه من الدرج : اتفضل

السكرتير : عفواً يااستاذ الاستاذ محمد منتظر لك

خالد خربت عليه الخطة وايهم فرح : يلا مع السلامة انتبه لشغلك ولنفسك ياحب

خالد: هكذا جي اودعك

ايهم : نسيت انو مايعجبني

خالد بجراءة : عتفقدك ضروري من السلام وبعدا مشو على كيفك

ايهم:  يله سهل قد عترتاح منك خيرات

خالد حضنه : تسلم ياحب على الورد

ايهم : ياخي اتعلم الرفق مالك ماقدرت اتنفس

خالد: عتعودك عشان تبطل حقك النفسيات

ايهم دهفه: عتتاخر يامجنون

خالد: في يد الله لولا الاستاذ محمد انني وصلتك

ايهم : السيارة منتظرة لي نازل مع السلامة


خبـايــا القلـ♥ـب


البارت#104#



خالد: حياك يااستاذ محمد اتفضل

محمد بيسأله من المشروع وهو مطنن بيفكر هل امان وايهم شخص واحد والا الاحداث السابقه كانت صدف: يااستاذ خالد شكلك مش مهتم بالمشروع من اول وانا احاكيك بدون فايده

خالد انتبه لنفسه : العفو منك يااستاذ بس تعبان شوية ايش رأيك تجي معي اوريك وين وصلنا في المشروع

محمد: طيب يله اتوكلنا

خالد بيحاول يركز مع محمد وينسى امر ايهم

ليث : الطريق جاهز ادخلي

امان دخلت بسرعه وبدلت: هههههه تمت العمليه بنجاح

ليث : الله اعلم كيف كانت صورة خالد لما ابسرش

امان : هههههههه قد كان عيتلل من الشخار

ليث : ضربوا قرنش ياشيطانه

امان : المهم محد دورني

ليث : ماشي

امان: انا متأكدة ان خالد عيسألك اذا انا خرجت والا مع اذا سألك قول له ان احنا كنا نلعب في الحوش

ليث : طيب ولايهمش

امان : لاتكون تبين لهم ان احنا اصحاب بعدين خالد عيظن انك بتساعدني

ليث: ايش رأيش نتقالع في العشي

امان: حركاتك ياليث فكرة حاليه لكن لكن انتبه تضحك

ليث: انا عترويش خبرتي في التمثيل

........: وينك امان

امان فتحت الوتس وشافت الرساله : هلا قلبي موجودة

........: وينك من الصبح

امان فكرت ماتقلها بشي عتحاول تخفف تقل لها عن خالد واللي بيحصل معاها : بين العب انا وابن عمي

......: ماسرتيش الشركة مثل ماقلت لش

امان : مااااشي ماقدرت ليث مارضي يفلت لي  مقدرش ازيد اخرج بتيكه الملابس نهائياً

......: خيرر هي كانت مجرد فكرة عشان تبعدي الشبهه

امان: ابردي لش ماعاد يهمني يعرف والا يرتكز

لطيفه: لييييث اين كنت

ليث: في الحوش مع امان بنلعب

لطيفه: جي رتب غرفتك قدك كبير

ليث: حاضر

بعد الغداء
عمر : البسين بسرعه اخرجكن السوق

ريما: طيب لاتهرمناش

عمر : هو عشانكن والا مافيني من خرج

افراح: عتزنط علينا ذاحين

اسماء : اشترين معاكن هذه الحاجات

ماجد : لاتقلقيش يمه هي خطوبتهن عيشترين وزياده هههههههه

افراح: عتبطل والا اسكب الماء فوقك

ماجد: والله لااسكب الجاك بكله

لطيفه: اعقلوا من الجنان عتمهدوا

افراح: قومين نلبس

خرجين السوق واشترين كل شي وعلى الروحه

امان : عمر خليني اسوق

عمر : تعرفي

امان : ايوة كنت اخرج انا وخبيرتي واسوق انا

خلود: لاتصدق لها نشتي نروح واحنا بخير مش ضحايا

امان: ماعليك منها خليني قوااااا

عمر : ريما ارجعي وراء عتجلس هانا احتياط

ريما: لويقع بنا شي ياويلش

امان: ولا عيقع ولا حاجه انا حريفه

عمر : اهه انتبهي

امان : بسم الله

افراح: ماعه واحنا نشتي نتعلم نسوق

وجدان: بطلي حسد

عمر : مالش شي والله انش حريفه

امان مركزة في السواقه: قول ماشاء الله

عمر : تف تف تف ماشاء الله

افراح بتأشر لاعند ساعة امان وبصوت واطي: ليك ليك ساعة رجالي

ريما شافت الساعه وبتحسها مألوفه: احس اني قد ابسرتها من اول

افراح: يووووو مثل حق خالد

ريما: صح والله

افراح ارتفع صوتها: قلت لش في حاجه غريبه في الامر

خلود : اين امر

افراح: ولا شي

ريما : فضحتينا ياهبلا

افراح: حرام لااحقق بعدهم لوما اعرف القصه

عمر : ووووو وصلنا انزلين جالسات بيتشاورين

ريما: ههههه تمام

افراح:عتراقبها من اليوم

ريما: ابردي لش منها ياختي يمكن اشترتها او يعجبها الرجالي

افراح: مش وقتها اطلعي نجرب الفساتين

خالد : محمد انا عتروح بدري اليوم
انتبه للشغل
(ياجماعه الخير هذا محمد هو موظف في الشركة بدل مأمون والاستاذ محمد هو صاحب المشروع لاتخبصوا )

محمد  : طيب لاتقلق الله معك

خالد بيسوق وهو بيفكر وبيكلم نفسه: عتسأل اهل البيت وين كانت امان ماعاد باقي الا هذه

ماجد: عتخرج وارجع قبل المغرب

اسماء: وين عتسير

ماجد : استأجر سماعات عشان الحفلة

ريما: يمه خالتي قالت ماعتجيش مارضيش حقها المدبر

افراح: يخ منه

اسماء : ماعليكن هو حر باهله

خبـايــا القلـ♥ـب


البارت #105#



ماجد : اقطبي ياخالة عيأذن واحنا ماقد وصلنا

ابتسام : هيا بنات قطبه عيب ماجد منتظر

لمياء: يله شلي هذه معش

في السيارة

دعاء : قلت لهم ان احنا عنجي

ماجد: مع خليها مفاجأة

الهام: امانه عتقع سمرة ضخمة اليوم

ابتسام: مابش سمرة وبعدا تموتينا جوع في الصبح

دعاء: هههه تمام ماعنسمرش

وصلوا لبيت ابراهيم

لمياء: طق طق طق

خلود: قوم ابسر من

ليث: ماعه مافيني

ريما: عتقوم انا

دعاء: هههههه انا داريه عادهم بيتقالعوا من يفتح

ريما فتحت وصاحت: يا كلبات هكذا تكذبين عليا

دعاء : احترمي نفسش والا عنروح

ريما بتسلم عليهن : ادخلين حياكن الله

ابتسام : الله يحييش يابنتي

الهام: عنجلس اسبوع

افراح: ووووو يحيا العدل

لمياء: ماكرها ابي رضي

خلود: اجلسين ارتاحين

ماجد: عمر جي دخل معي السماعات

عمر :قد دخلتهن انا وليث

ماجد: فدا للحميش حقنا

عمر : قلعوا عينك سعم انني اختك الصغيرة قلك فدا للحميش

ليث بيبسر لاعند عمر : انا فدا لش ياحميش غلقي باب الحوش

عمر: والله لوما تسكت لااقوم لك

ليث : قومي ياحميشه ههههههههههه يابطني

عمر قام يلاحقه وهو بيتنبع من بقعه لابقعه والبنات بيضحكين عليهم

ليث : اكيد الليله ماعنرقد البنات عيسمرين عليهن

ماجد : قد فعلت حسابي وقلت له يدي طافيات😹

عمر: هههههه كودهن يشتحنين لاغدوة

دعاء: وين امان

وجدان: ليث سير ادعيها من الجباء

ليث: اطلعين لاعندها اخربين عليها الجو

لمياء: هيا نطلع لاتكون خزوية ماعترضاش تنزل

خلود: ايوة خلنها امام الامرالواقع

امان بتجابر صاحبتها في الواتس : الضيوف جاءوا خليني انزل ابسرهم خاطرش

.....: في يد الله

دعاء: امااااان

امان: حيا حيا

الهام : اتحداش تذكري من انا

امان : اوووووه يارباه مستحيل انساكن من حن كنا صغار

لمياء: من انا

امان: لمياء

دعاء : اتغيرتي خيرات

امان : وانتين والكل  اتغيرتين

دعاء :احلويتي ماعرفت منش الا عيونش

امان: تسلمي كلش ذوق

خلود: نحن هنا عبرونا على الاقل

افراح: خليهن يترمسسين شويه وقد بيتقالعين

وجدان: الله يشلكن عمتي من اول وهي تداعينا عشاء

خبـايــا القلـ♥ـب


البارت#106


(الاسرة منفتحه والبنات محد بتتغطى من عيال خالتهن بس لابسات طويل اهم شي  وعلاقتهم ببعض علاقة الاخوة )

على سفرة العشاء هذا يهدر وهذا يضحك😂 هذا ياكل وهذا يسمع وخالد بيشوف امان وهو ساااكت بيفكر في اللي حصل في الصباح

امان مطنشة له وبتجابر مع البنات

خالد: ليث لما تكمل جي لاغرفتي

امان جالسه جنب خالد من اليمين وليث من اليسار وبيتعشوا

امان ذكرت المقلاعه وابسرت صلا ليث : مالك ياجغص مابتاكل سواء

ليث : انتي اخر من يتحاكى

امان: يخ قرفتني

ليث : حر بمزاجي اكل كيف مااشتي􎰊

خالد: مالكم اهدأوا الضيوف موجودين

امان: علمه الذوق وانا عتسكت

ليث طنشها : هيا خالد كملت

خالد: طيب انتظر لي ازيد افعل لي لجعين

عمر : اليوم روحتنا امان من السوق

دعاء : اسألك بالله

لمياء : تعرفي تسوقي ياشيطانه

امان : ايوة خبيرتي علمتني كنا نروح جمعه واسوق انا

خالد بيسمع سكته وبدون مايبسرها: وكيف اهلها ادوا لها سيارة

امان: هي حق ابوها

خالد: سابر

 في غرفة خالد
خالد: سرت المدرسة اليوم

ليث : مع يوم مفتوح

خالد: ماجلست تفعل

ليث بشيطنة : لعبت انا وامان في الحوش من حن خرجتوا

خالد : متأكد

ليث : ايوة مالك بتسأل

خالد: ولا شي يله اخرج وغلق

ليث ابسر الورد فوق التسريحه: الله من ادا لك هذولا الورد

خالد: صاحبي كان مسافر وزارني اليوم

ليث: يادلع منو ذيه عشان اصاحبه

خالد : مع ذيكه حقي وحدي ممنوع احد يصاحبه

ليث: ايش الحب والحركات

خالد : اطرح تيه في غرفة امان

ليث :ليش الا امان

خالد: ماعليك افعل اللي اقلك وبس

ليث بغمزة : ياحب ياحب

خالد خفعه :اخرج من قلة الادب

ليث: وانا اشتي ورده

خالد: ليث افهم الكلام

ليث : طيب هاتها

خالد: امسك دلا

ليث طرحها في غرفه امان وخطي من شقها وهمس: تمت العمليه بنجاح

امان مااستحملت حركاته: هههههههه كر كر كر😂

دعاء : بسم الله عليش مالش بتكركري

امان: هههههه ولاحاجه

دعاء: الله يشفيش

اسماء: اليوم مابش سمرة عترقدين بحينه عشان غدوة عتصحيكن من فجر

لمياء: تمام

ابتسام: مابش رقدة جمعه

الهام: تمام اي خدمات اخرى

اسماء:ياالله يعني عرق القانة فيكن كلكن

دعاء: ياخاله احنا الجيل الجديد مايتعامل الا هكذا

لطيفه: جيل اللسان الطويل

امان : تصبحين على خير فيني نوم

الهام : مسرع

امان بتضحك: ههههههههههه😂

افراح: مالها هذه البنت

وجدان : علمي علمش

امان: هههههههه تحياتـــي✋🏻

ريما: قسم بالله ماهي بخير

افراح: ماعذر مااعرف



خبـايــا القلـ♥ـب


البارت#107#



امان دخلت الغرفه ولقيت ورده فوق السرير وضحكت خرجت لاعند خالد : طق طق طق

خالد : اتفضل

امان دخلت وغلقت: ايش هذه الحركات

خالد استوى صليها وبجديه : نقسم الحب نصفين

امان:مايقسموش لكل من هب ودب

خالد بغمزة : انا اتعلمت اعطي من ما مااحب

امان: يستر عليك

خالد بمنزاغه:شوفي هذه من صاحبي العزيز

امان : وانا اتعلمت محد يهدي الهدايا

خالد بضحكه : اصلاً انا رجعت الحقوق لاصحابها

امان اتشروغت : يعني

خالد: الورد مايهديش ورد ياحلوة😉

امان بتكابر: انا انصحك ترقد

خالد: عادنا على سمرة مع الحب

امان : خاطرك اشتي احافظ على عقلي

خالد: تحياتش

امان: الله يشفيك

امان دخلت غرفتها وقدهي عتنفجر من تلميحاته انو يعرفها لكن هي مصممه انها تنكره وتخليه في متاهه طرحت الورده في قلص ماء وجلست تأنتر

........: سلام وينش

امان: هلا وغلا موجودة

.......: ايش بتفعلي

امان قررت تبطل تكلمها عن اللي بيحصل بينها وبين خالد : بين اسوي عشاء

.......: فدا للحميشه حقي

امان: لاتكوني تقولي هكذا مايعجبني

......: طييب

امان: يطيب عمرش

.......: اسألش سؤال

امان : اتفضلي

......: اذا احد اتقدم لش بتوافقي

امان: ليش

.....: من خلال كلامش عن خالد احس انش تحبيه

امان: خلي خالد على جنب

.......: لاتكذبيش وتهربي مني قولي الصدق

امان: مابين اهرب ولابس مااقدر اجاوب ولااقدر اقنع نفسي بشخص مش من حقي احبه او اسوي له مكانه في قلبي وانا مش عارفه مشاعره تجاهي اضافةً الى ان نهايه هذا الطريق مجهوله

.........: يعني بتخفي عنه مشاعرش وتكابري

امان:بالضبط كل شي اخليه في قلبي❤

......: خير اللي يريحش سويه


صباح جديد

اسماء: ريما قومي اصتبحي انتي وافراح والبنات

ريما: يمه عادو حين

اسماء: معانا عمل هيا

خلود: خلاص عنقوم بس هرم

البنات نظفين البيت وصلحين المجلس وجهزين كل حاجه بعد الغداء بيتجهزين ويتصلحين

لمياء: متى عيجين من الكوافير

لطيفة: الله اعلم

دعاء: اشتي كحل معش ياعمة

اسماء: ابسري في الدرج



خبـايــا القلـ♥ـب


البارت#108#



امان لبست فستان اخضر طويل وطوق ورد فوق شعرها وسوت كحل اخضر وروج وجلست تفكر : اووو كيف اسوي بالساعه انا وعدته مااخلسها بس الفستان مخلع ماينفع اخليها لالا بخليها وبس وطز فيهم يقولوا ماقالوا وخرجت لاعند البنات

الهام : ايش الدلع يااخضر

امان: تسلمي

دعاء : بس اذا تشتي الصدق الساعه مش مناسبة ولا فوق هذا هي رجاليه

امان : اصلاً مابين اخلسها من مرة

وجدان: من اداها لش

امان : صاحبتي هي الحاجه الوحيده اللي تذكرني بها

الهام : والله انش وفيه لو هو انا عتخلسها امد الحفلة وارجع البسها

امان باابتسامة : انا وعدت ومستحيل اخلف

اسماء:لولولولي

ابتسام: ماشاء الله الله يحميكن ويحفظكن

ريما: تسلمي ياخاله

اتجهزين ونزلين الديوان واشتغلين السماعات وبدأ الجنان

عمر وليث وماجد جالسين طالع بيبسروا افلام وخالد مخزن في غرفته

امان : لا مااحب ارقص

خلود: واخيراً لقيت شبيهتي

لمياء : شلوكن هيا دعاء نوريهن الجنان

دعاء : يله

افراح: شوفي امان حتى اليوم ماخلست الساعه

ريما: الله يقلعش قدنا من جيزش كل سع اراقبها

امان ضبحت وطلعت تدي تلفونها ماركزت ان غرفة خالد مفتوحه دخلت غرفتها وجلست تتصور سيلفي وتتهيبل

.......: يتصل بك

امان فتحت الوتس وهي متصله: ياهلا

.....: هلا نورتي

امان: كيفش

......: ضبح كنت جالسه عندكم في الحفلة انتي طلعتي وانا روحت

امان: اسألش بالله جيتي

....: ايوة ايش الدلع والحركات صرااااحه وقعتي حلووووة

امان : ايش لبست

......: فستان اخضر طويل وطوق ورد على شعرش واهم شي الساعة حق خالد ماخلستيها

امان: هيا ضبحتيني من انتي

.......: ماخليتي الساعه في يدش الا لانش تحبيه

امان: انا وعدت ومش من طبعي اخلف

.......: بس الان الظروف غير

امان: بس الوعود تبقى مكانها ماتتغير

........: نيا لخالد بش

امان: عتزعل منش اذا ماقلتي لي من انتي

........: لا تقعي شوعه لما تزعلي

امان: قولي من

........: انزلي استمتعي  ونتجابر بعدين

امان: يله باي

خالد بيصيح لها : امان يا امان

امان من وراء الباب : يانعم ايش تشتي

خالد: اشتي اكلمش بعدين

امان : عن ايش

خالد : مش وقت ذلحين انزلي وبالعشي عتكلمش

امان : هههه هذا اذا فضيت لك  يله تحياتي

خالد:  ياالله والعناد فيها اللي في راسها عتمشيه لكن مش على خالد

بسمة:  الف الف مبروك ياقلبي االه يتمم لش على خير

ريما قبصتها:  الله يبارك وعقبالش بولد الحلال

بسمة بزعل : عتروح ذاحين ماغر دخلت قلت عيب قد عزمتيني

ريما : اخس عليش مسرع عادش ماقد خلستيش

بسمة:  اعذريني لكن عنسافر عند خالي  ذاحين هم منتظرين لي فوق السيارة

ريما:  انتظري اعرفش بالبنات وبتصيح للمياء

لمياء بتأشر لها :. ماهو

دعاء : وين كنتي

امان: طالع في غرفتي

لمياء : الله المستعان تفلتينا وتطلعي

امان: هو غر اديت التلفون ونزلت

لمياء:  جين نجاوب ريما تشتي تعرفنا على صاحبتها

امان:  يله

ريما:  اعرفكن هذي صاحبتي بسمه من الجامعه

البنات : حياش الله واتعارفين شويه وبعدا روحت بسمه

الهام : بناااات جين نتصور

امان:  هاتي وانا عتصوركن

دعاء: حرام ماسبرت مابلا نتصور جمعه

امان:  مايعجبنيش

افراح:  عادي ايش فيها

امان:  كل واحدة وطبيعتها

الهام:  خلاص براحتش هه صورينا

امان : ريما في احد غريب جاء الحفلة

ريما: مثل من

امان : من عزمتوا

ريما : صاحبتنا وجيراننا بس

افراح: ليش

امان : سؤال بس

افراح بتكلم ريما: اغرب من هذه البنت ما شفت في حياتي

ريما: عنعرف في يوم من الايام ليش هذه التصرفات ماتقدرش تهرب مننا