💕 هـــــــــــديـــــــــــل الــــــــــــــــروح 💕[2]

البارت 6

هديل الروح [1]

ـــــــــــــــــــــــــــــــــــــــــــــــــــــــــــــــــ

قام رائد

محمد:تقولوا  وين رايح

رائد بتفكير شيطاني:قام شاف لهم ومشي اتجاه هديل

وصدم نفسه بها لدرجه ان هديل سقطت على الارض

عند الشباب

عبيد:ول ول ول

شوفوا رائد والله طلع داهيه

ممدوح:اوبس وجعني قلبي عليها والله

محمد: اوووف شكلها اتعورت من الوقعه

سعيد:والله انه خبيث

وشكلها بتكون فريسته الجديده

محمد:الله يعينك يا لغراب على اللي بيجيك

رجع رائد لعندهم

 متضايق مش عارف ليش

عبيييد :يا وحش كنت بتهرس البنت تحت رجلك

سعيد :هااا نقول فريسه جديده

ممدوح: كم تحتاج من الوقت  عشان تلتهم فريستك الجديده

عبيد: انا اعتقد بشهر

رائد بغرور😌: شهر ههههههه

قول كم اسبوع كم يوم كم ساعه

محمد:ليش قدرت تغمس السناره

رائد :السنارة غمست من اول ما انصدمت بي

 ممدوح:هههههه يا وحش انا عارف انك قدها

محمد:الا قول لي لمن اصدمت بها ايش قالت لك

رائد يفكر :ولا شي

 عبيد: اعتقد انها عجماء لا تتكلم

سعيد: احتمال

محمد:هههههه يا حظك

شكلك فريستك سهله هذي المرة وضامن انها بالجيب

رائد :اكيد واحده كلها عيوب

وشافت شاب مثلي جمال وعائله معروفه

اكييد بتخق

وبتشوفوا من بكره كيف بتجي و تلتزق فيني

محمد :ههههههخخخخ يالواثق بنشوف

سعيد:يلا شباب استأذن معي مشوار ضروري

عبيد:شلني معك بروح أذاكر واستعد للاختبار حق بكره

يلا سلام

ممدوح رائد محمد:سلام

ممدوح :يلا وانا كمان بتوكل  سلام

محمد :لا لا لاتقول بتروح تذاكر

ممدوح.: بيني وبينكم انا نفسي اذاكر بس لمن امسك الكتاب ولا افهم شي

رائد :ههههههه والله حاله خذها مني نصيحه فلتها وعيش حياتك

ممدوح:😒من جدكم انا وعدت الوالد اني انجح هذي السنه

وكمان اكرم اخي رشح لي على مدرس خصوصي بيكون يجيب لي دروس تقويه

محمد:ههههههههه دروس تقويه كمان

رائد :لو فلحت بالاختبار القادم ونجحت رشحه لي

ممدوح: بس كذا من عيوني

يلا سلام رفاق

محمد ورائد:سلام

رن تلفون محمد

محمد شاف الرقم ورجم التلفون فوق الطاوله

رائد استغرب :ليش ما ترد شكل المتصل مصر يكلمك

محمد: ما ليش نفس اعصب

رائد:😳استغرب من اللي يعصبك

محمد :يا أخي هذا واحد الله اعلم منو مسلطه

عليا كل مره يتصل ويجلس ساكت

وانا كسرة راسي احد يتجاهلني

رائد :هههههههههاي لاتكون معجبه😜

محمد :🤔تصدق ماجاش على بالي هذا الاحتمال

لان اي بنت تنعجب بي تجيب لي تفاااصيلها كلها عشان اتعلق فيها

بس هذي سايلنت على الصامت لا قدرت اعرف ان كانت بنت او مقلب من الشباب

يرجع يرن التلفون من جديد

محمد:اووف يا مخارج

رائد :جاوب او هات انا اجاوب

محمد جاوب بضبح  :اوووووف نعم

الببنت:....--..-

محمد:قسم ان ما تتكلم لكون مبلغ عن هذا الرقم

البنت:......

محمد:تفتكر انه صعب عليا اعرف من انت

اقسم لك اني بعرفه وبجيبك حتى لو كنت ببطن امك

طو طو طو طو

رائد.:مالك سكت

محمد:سكر الخط اكيد خاف

رائد :قول خافت 😜

محمد :ليش انت واثق انه بنت

رائد :مش واثق بس ومتأكد كمان

وأبصم لك بالعشره ان هي

 بتموت عليك 

محمد اتفاجأ :😒لا وكمان

 كثر منها هذي بس

رائد :هههههههه وبتشوف

محمد :قام يلا رائد نمشي نغير جو مليت من الجامعه

رائد اخذ مفاتيح سيارته وتلفونه وقام يلا

مر اليوم على ابطالنا دون اي جديد

البارت 7

ـــــــــــــــــــــــــــــــــــــــــــــــــــــــــــــــــ

 بالشركه اللي يشتغل بها ايمن

ايمن بمكتبه يمارس عمله

رن تلفونه

ايمن:الو

استاذ ايمن صلاح:اهلين ايمن كيفك

ايمن:بخير استاذي الغالي

اي خدمه انا تحت امرك

الاستاذ صلاح:كفؤ يا ايمن ممكن اقابلك لامر ضروري

ايمن :تأمر يالغالي اخلص الشغل وامر عليك البيت

الاستاذ صلاح:منتظرك يا ولدي سلام

ايمن:سلام

ايمن جالس يفكر بالموضوع اللي يشتي منه الاستاذ

زميله بالعمل:هااايييييي وين وصلت

ايمن:ههههه يا اخي انت واصل تحشر نفسك بكل شي

زميله وائل:يرفع حواجبه هذا جزاتي وانا قلبي عليك

ايمن: يااالقلب الحنون خليك بحالك بس

وائل:ههههههخ طيب على راحتك

بس لو حبيت تحكي انا كلي اذان صاغية 😁

ايمن ضحك وقام :ما تقصر يلا

خلينا نروح مكتب المدير طالبنا عشان الشغل الجديد

وائل يقوم ويجهز كل الاوراق الخاصه بالمشروع

:يلا

في نفس الوقت بالجامعه

هديل تشوف ساعتها وتقوم:يلا انا رايحه المحاضرة

ريم بتمثل انها ام هديل :انتبهي على نفسك يا بنتي

هديل تضحك :ههههههههخ عيوني يا جده

ريم تمثل الضبح:جده بعينك انا ريم الدلوعه اللي مدوخه اولاد عمها واخوالها كلهم 

جايه انتي يالغرابه تقولي لي يا جده

حياة :ههههههه جننتي بها ياهدول

هديل.:ههههههههه جننتيهم كلهم طيب هم بأي مستشفى عشان ازورهم

ريم : كخ كخ كخ ماتضحكيش

حياة:هههههههه طيرت الجبهه

ريم:تشوف لحياة😒مبسوطه صح

بمكان قريب منهم

عند الشباب

عبيد شاف هديل وزميلاتها

عبيد وتذكر كلام رائد امس:ها رائد كيف سويت بموضوعنا

طبقت على الفريسه او😜😜

سعيد :يقلد كلام امس ويسوي حركات غرور:شهر  قول كم اسبوع كم يوم

هي خلاص بجيبي

 ورجع يضحك

ممدوح:هههههههههههه شكلك كنسلت الموضوع يا رائد

محمد:ههههههههه شكلك خفت تصدك

رائد ضبح :اسكتوا اصلا انا اشوفها سهلة المنال لذلك مش متحفز اشتي فريييسه صعبه

محمد:ههههههههههاااااي سهل يا سهله كذا روينا كيف بتعمل مع هذي السهله على شان نتعلم منك

ممدوووح:هههههههه لو قدرت عليها بنخليك تعمل لنا دروس 😁😜

عبيد وسعيد  وممدوح يتهابلوا ويطبلوا على الطاوله ويغنوا

انت معلم

واحنا منك نتعلم

انت معلم

واحنا منك نتعلم

....😜الخ

محمد 😂:يلا يا معلم روينا شطارتك

رائد😒.:يلا سلام تستخفوا بي طيب بتشوفوا

قام رائد لمن شاف هديل وقفت تجهز نفسها وتكلم صديقاتها

رجع لفت لعند اصحابه وااااه ما أجمل صديقاتها

ها شباب تشتوها وحدها او اجيب صحباتها معها

الشباب ضحكوا على غروره ووثوقه بنفسه

ههههههههههههااااي

محمد.:ابدأ بالغراب وبعدين نتف ريشها يامعلللللم

رائد :مستني لمن هديل تمشي من عند صحباتها وعدل من شكله

غمز لا أصحابه يلا على البركه وراح

الشباب ههههههههههههه :موفق يا وحشش

عند هديل والبنات

هديل :ههههههه اسفه ياجده ريم اسفه

ريم :يلا روحي روحي قبل ما اجي واكسر اسنونك

حياة:ههههههه روحي هدول محاضرتك بتبدأ

هديل:ماشي ماشي انا بروح الان لفت بتمشي

شافت رائد ماشي لعندها

هديل خافت :يووه هذا الاهبل اللي صدمني  امس

 ليش  جاي لعندي

ومشت عشان تلحق محاضرتها

رائد شافها تشوفه وبنفسه (الان بنهي موضوعي معك واخلص من تعليق الشباب ) بس اتفاجأ لمن شاف هديل تمشي بدون ما تجيب له اي اهتمام ارتبك وقال بصياح لها قبل ما يتمسخروا عليه :هايييييي يالغراب

هديل سمعته 😒واتعامسه

وبنفسها😖 يا ربي خارجني ايش يشتي مني هذا الرجال

شكله مش محترم

 واسرعت بخطواتها عشان تلحق محاضرتها

رائد اقتهر منها وبنفسه: اوووف هربت كيف شتخارج من الشباب والله لا يتضحكوا عليا

شاف لمكان اصحابه وهم مايتين ضحك عليه ويعملوا له نفس هذي الإشاره👎👎👎

رائد ضابح:انا بوري لك يالغراب مصيرك بتوقعي بيدي

 عند شلة هديل

ريم شافت رائد ومستغربه :حياة حياة

حياة جالسه تذاكر: اهممممم

ريم:مش هذا رائد ال......

حياة: شافت لعنده ومستغربه وبتأكيد لكلام ريم اي اي هو ابوه إبن عم امي

ريم: طب قولي ايش كان يشتي من هديل

حياة:مش عارفه غريبه

ريم تفكر🤔 وبعدين صاحت :ايوه يس يس يس

حياة خافت من صيحة ريم:😒مالك يا بنت خوفتيني

ريم:😍شكله معجب بهديل

حياة:😪والله مش داريه انتي من وين تجيبي حقك الأفكار

ريم😁:بكره بتشوفي

البارت 8

ـــــــــــــــــــــــــــــــــــــــــــــــــــــــــــــــــ

 في نفس المكان قريب منهم

شلة رهف بنت عم رائد

كانين: يتكلمين على مغامراتهن

افراح:لا تقولي فسختي الخطوبه

رهف :اي خطوبه عاده كلام وانا رفضته

سالي :ليش يا هبلا والله طلال ما يتعوض

جمال ومال ومنصب

رهف:بس شايب انا رهف ال.... اتزوج شايب

عبير:بس هو مش كبير عمره 33 سنه

رهف:اكبر مني بعشر سنوات

افراح :ليته يجي لي وانا بشيله من على الارض

عبير:اكيد رفضتيه عشان حبيب القلب 😉

رهف:فديته حبيب القلب والروح ليته بس يحس فيني

سالي: رهف هذا رائد ولد عمك

رهف بحالميه:إلا هو فديته ما أحلاه

افراح:اه اه اه ليته بس يعبرني ولو بنظره يااااي

رهف بغضب:اقول بتنكتمين او اشوف شغلي معاكن

سالي وافراح :افتجعين وسكتين

لأنهن داريات ان رهف تعشق رائد من الصغر 

سالي باستغراب:شفتين اللي شفته

افراح :اي اي كان يشتي يكلمها وهي ماعبرتوش

رهف جننت 😠وقامت 

وراحت لعند رائد :

رهف: هلا بإبن العم

رائد:رد عليها بدون نفس:اهلين

رهف:فرحت ان رائد رد عليها

رائد :😒شاف لها وبنفسه اوووووف اللهم طولك يا روح 

رهف: رائد اهمم  كنت اشتي اعرف ليش كنت تصيح لهذيك البنت

رائد بغضب:وانتي ايش دخلك بي او احد خليك مراقبه عليا

رهف اقتهرت وقالت : ليش زعلت او بينكم علاقه وانا مش داريه

رائد غضب اكثر:ولمن سمع جملة رهف الاخيره اعجبته الفكره وابتسم بمكر😼 :اي بيننا علاقه حب كبير ومتفقين على الزواج بعد ما اتخرج

 يلا سلام الشباب مستنين لي ومشي

رهف:😨اتفاجأت و من الصدمه كانت بتدوخ مقهورة من حب طفولتها يحب واحده ثانيه ومقرر يتزوج كمان

رجعت لعند شلتها وهي مقهورة

سالي شافت رهف 😳مالك ليش انتي كذا

رهف :تبكي مقهورة

افراح:مالك حبيبتي رهف احد زعلك بشي

عبير مسكت بيد رهف: رهف حبيبي

رائد قال لك شي زعلك

سالي شافت رهف 😳مالك ليش انتي كذا

رهف :تبكي مقهورة

رهف ما قدرتش تستحمل وزاد  بكاها

حضنتها عبير وجلست تمسح على خدها

افراح وسالي مستغربات اول مره يشوفين رهف بهذا الضعف والأنكسار

عبير:حبيبتي رهف ليش تبكي محد يستاهل دموعك يالغلا

رهف :تبكي من قلب وتقول اتخيلي عبيري بعد ما صبرت السنين هذي كلها استناه واقول بكره بيحس فيني بكره بيحبني بكره بيجي ويتزوجني بكره بيعشقني بكره ..اهيئ اهيئ اهيئ يجي اليوم يقول لي انا وهي بنحب بعض ومقررين نتزوج بعد مايخلص جامعته

اتفاجأين كلهن ان رائد اللي نص بنات الجامعه اذا ما كانش كلهن يجننين عليه ويتمنينه يحب وكمان مقرر يتزوج

سالي :احلفي ان رائد بيتزوج

رهف :هو قال لي كذا

افراح :اوووووووبس راحت عليا

عبير شافت البنات بنظره عشان يسكتين

عبير:طز حبيبتي انتي جميله جدا ومن عائله معروفه والف من يتمناكي

رهف:بس انا مش عايزهم  هذا وتأشر لقلبها ما بيدقش الا لرائد بس

سالي بحزن على صديقتها .:لا توجعي قلبي ان شاء الله يموتوا قبل ما يجتمعوا

رهف:بغضب:بسم الله على رائد ان شاء الله انتي وهي

سالي😒:هذا جزاتي ان قلبي وجعني عليك

افراح:خلاص ماينفعش الكلام هذا الان ماقالش لك من بيت من هي

رهف:رفعت راسها الغرابه السوداء ان شاء الله تنحرق باأسيت المعيوبه

استغربين كلهن

افراح :متاكده انه هي نفسها

رهف :تأشر براسها بنعم

سالي:تضرب يدها كف مع نفسها أهااا وانا اقول ليش كان جالس يلحقها

افراح :وهذولا متى حبوا بعض مع انه شكلها ماتكلمش اولاد ابدا كيف قدرت توقع برائد ال... اخ اخ بس

سالي:عن جد صدق المثل القايل(ياما تحت السواهي دواهي )

رهف :والله ما بخليها تتهنى فيه والله لا انكد عليهم واخرب زواجهم

عند الشباب

الشباب :ههههههههههه

عبيد:قصفتك بالجبهه ولا عرفتك

ممدوح :هههخخخخ ولا كمان جالس يقول تشتوها وحدها او مع صديقاتها ههههههه

سعيد :ههههههه يخرب افكارك وخيالك يا رائد

محمد :هههههههههه عن جد اعجبتني سفهتك ومشت ولا كأنك موجود😁😁

رائد😠 ضاااابح وجالس  يتحلف بهديل :قام اقول انتوا ما صدقتوا تلاقوا موضوع تجلسوا تتمسخروا فيه

انا مش فاضي لكم

سلام

ومشي من عندهم

محمد:مايت ضحك اقووول رائد تعااال الله يخربكم الرجال زعل

انا بالحقه يلا سلام

........😉

عند محمد

اوووف هذا وين راح سيارته بمكانها اووف

 بتصله

واشوف وين راح

محمد يتصل:اوووف ما يرد برجع  عند الشباب

 ليكون قد رجع لهم

عند رائد

كان مقهور من هديل ومقهور من الشباب

ويتحلف بهديل بينتقم منها

وهو ماشي وسرحان  شاف نفسه جنب ممر قاعات

المحاضرات

فتوجه نحو قاعة المحاضرة اللي تدرس فيها هديل

شافها عرفها لانها مميزه بالاسود

جلس يراقبها من بعيد

لاحظ ان هديل تجلس بالمقدمه وبكرسي لوحدها

فجلس يراقبها مش عارف ليش تجذبه

لاحظانه عندما كان الدكتور يطرح سؤال هديل

 تكتب إجابتها بورقه وترفع يدها وتعطيه للدكتور

والدكتور يمتدح اجاباتها

البارت 9

ـــــــــــــــــــــــــــــــــــــــــــــــــــــــــــــــــ

رائد :يا عيني شكلها عجماء وابتسم بس ذكيه

اوووف مال قلبي يدق من سيرتها

خلصت المحاضره وخرجوا كل الطلاب

طبعا

كل الطلاب يلقبوا هديل بالغراب الاسود ومشهوره  بهذا اللقب

هي تدري باأنهم يلقبوها ومبسوطه  بهذا اللقب

جلست هديل مع مجموعة بنات تذاكر لهن

رائد :اوووف متى بتخرج

شاف البنات حولها استغرب

وهذولا البنات ايش يستفيدين منها اذا كانت عجماء

ايش يخصني فيهم

خليني اركز على هدفي وبس

قسم لأخليك تجنني عليا وتتمني انظر لك يالغرابه

قطع تفكيره ثلاث شباب من نفس قاعة هديل

مصعب:فكري هدي اعصابك كل يوم على هذا الحاله

فكري:بنفسي اعرف ليش ما طردوها للان

مصعب:انت متاكد ان ابوك كلم مدير الجامعه

فكري :ايوه كلمه قدامي

وقال المدير بانهم ناس فقراء مابيقدروا دفع التكاليف التعقيديه الزائده اللي فرضناها عليهم

بس اذيه زي الجنيه ولا خرجت

بنفسي اعرف من فين جابوا رسوم الدفع

فريد:إلا بنت محيررة

مصعب:إتصل لا أبوك وشوف ليش عادهم ما خرجوهاش

فكري: طيب بشوف

وأخذ التلفون واتصل لأبوه

فكري:الو يا بو فكري  كيفك

والده :نحمدالله لخص ايش عندك متصل

فكري ارتبك :افااا عليك يا بوفكري هذا جزائي اني حبيت اتطمن عليك

ابو فكري:رافع حاجب اقووول فكري لخص وقول ايش عندك

فكري :ع ع عشان الموضوع اللي كلمتك عنه

وابوه :اي موضوع انت مواضيعك كثار

فكري:عشان البنت اللي اتكلمنا عنها 

والده:اي اي اتذكرتها  المدير عمل جهده ورفع الرسوم عليها ودفعوها

فكري:متاكد من فين قدروا يدفعوها وهم فقراء

ابوه:من قبل ناس معاريف لها واسطه

والمدير مش قادر ينفعنا بشي خايف منهم لانهم واصلين

فكري:الله يلعن..

قاطعه

ابوه :اقول فكري ذاكر احسن لك وخلي البنت بحالها معاها ناس كبار واياديهم طايله خليها بحالها

يلا سلام

فكري:عصب الله يقلعها

مصعب :هدي هدي لا تشغل بالك

فكري:كيف ما اشغل بالي وهي بتاخذ اعلى الدرجات  وبتاخذ كل الانظار عني

مصعب.: طيب واللي يجيب لك فكره تطير بها من الجامعه

فكري:قوول ايش الفكره

ولك مني مية الف ريال

مصعب فرح بالفلوس:بنعمل لها مصيبه

فكري :مصيبه  مصيبه زي ايش

مصعب:.................

رائد :كان يسمعهم وهو متفاجئ منهم كيف يفكروا هذولا الناس

وسمع مخططهم كله

فكري وأعجبته الخطه:الله يخرب برج افكارك أقسم انك شيطان 

مصعب بكل خبث:ههههههههاااي اعجبك

فريد:ههههه عن جد انت الخطر بنفسه

ومشوااا

رائد :جالس يفكر ايش يعمل لان خطتهم كانت خطيره جدا

اوووف كيف اسوي

ايوه انا لازم احذرها وهي اخبر بنفسها

عند هديل كملت تفهم صاحباتها وخرجت

شافت رائد افتجعت

يوووه هذا شكله ناوي عليا كيف اعمل

يااا رب نجني منه

 يااارب

خارجني من كل الشر

رائد شاف هديل:مش داري كيف يعمل لانه ركز انها بتهرب منه زي المره الاولى قال بلحقه قبل ما تهرب

رائد :يالغراب لحظه بكلمك

هديل: تسرع بخطواتها

رائد بضبح:اوووف وهذي مالها تهرب او شا أكلها

طز وأنا مادخلني منها احرق قلبي عليها

وشل نفسه وراح لعند سيارته  وركبها وسار

هديل..هربت منه وخرجت من الجامعه وشافت سيارة اخوها وركبتها بسرعه واارتاحت

ايمن بإستغراب.:خير منو يلاحقك

هديل اتلبكت .:ها أ أ أ ولا شي مابلا كنت جوعانه وعطشانه قلت بسرع عشان اكل لي لقمه

ايمن :ههههههههههههه هذا كله جوع وصدق المثل اللي قال الجوع كافر

وحرك السياره واتوجهوا الى بيتهم

في المساء

هديل تفكر برائد اوووف ليش يلاحقني ايش يشتي مني الله يجنبني كل مكرهم وخبث كل خبيث

بقوم اصلي ركعتين لله عشان الله

يحميني من كل خبيث

ويخارجني

قامت تصلي ورجعت جلست تذاكر

عند ايمن

خلص شغله وشغل سيارته وراح لعند بيت أستاذه

بيت الأستاذ صلاح

ايمن اتصل لبيت الاستاذ:

ايمن:السلام عليكم

الأستاذ صلاح :وعليكم السلام وينك ليش اتاخرت

ايمن :انا جنب الباب

الأستاذ صلاح :يلا تعال انا بفتح لك الباب

ايمن:يلا نازل

اغلق الهاتف ودخل بيت الاستاذ

  الأستاذ صلاح :اهلا وسهلا استاذ ايمن

ايمن : اهلين بيك استاذي الغالي

ودخلوا

ايمن استغرب ان في ضيوف عند الأستاذ

 سلم عليهم وجلس

الأستاذ :تعال يا ايمن بكلمك بموضوع خاص

قام ايمن بعد استاذه

ودخلوا الغرفه المجاورة

ثم قال

الأستاذ صلاح :اكيد انك تشتي تعرف سبب دعوتي لك اليوم

ايمن:ما اخبي عليك انا بالي مشغول من الصباح عن السبب

الأستاذ :انا يا ولدي رشحتك انك تدرس مجموعه من الطلاب

لأني عارف انك متميز ولك قدرة رهيبه في توصيل المعلومه

ايمن :هذا من بعض ماعندكم استاذي ولولاك ما وصلت لهذا المستوى

الأستاذ صلاح :الله يبارك لك يا ولدي انا املي فيك كبير

البارت 10

ـــــــــــــــــــــــــــــــــــــــــــــــــــــــــــــــــ

الأستاذ صلاح :الله يبارك لك يا ولدي انا املي فيك كبير

وارجوا ان توافق

ايمن: بس انا معي دوامين

كيف بقدر اهتم بهم

الأستاذ :قد كلمت ابوك وفهمت انه يسمح لك بساعتين من الساعه 8 /10  و لم يكن عنده اي مانع  اما عن الراتب

بيعطوك اياها كل شهر

واذا عندك اي سؤال او استفسار كلمني

ايمن :ما تقصر استاذي مشكور

الأستاذ :العفو يا ولدي يلا خلينى ندخل عندهم علشان تتعرفوا

ايمن: وهو كذلك استاذي

دخلوا لعند الطلاب

الأستاذ صلاح :اعرفكم على استاذكم الجديد ايمن

الطلاب  :والنعم فيه

واحد من الطلاب :مش تلاحظ استاذ صلاح ان ايمن صغير على التدريس

الأستاذ :صح هو صغير وعمره 28 سنه

بس انا اشهد انه بمية استاذ قدها ويتحمل المسؤوليه

الطلاب :ان شاء الله

الأستاذ صلاح :يلا كل واحد يقوم ويعرف بنفسه

اسامه:انا اسمي اسامه ال....

ابن وزير الصحه

ايمن :انعم وأكرم

طاهر:انا اسمي طاهر ال.....

صاحب اكبر مصنع للصابون  ومصنع البسكويت

ايمن: والنعم فيك

ممدوح: انا ممدوح ال.....

ايمن :اهلين معروفين سمعت عنهم

سعيد: انا سعيد ال...

ايمن :منور بوجودك اخ سعيد

عبيد .:انا عبيد ال...... اتشرف بحضرتك

ايمن : الشرف لي تسلم عبيد وانت كمان عائلتك معروفه

الأستاذ :يلا على البركه شل طلابك عشان تعطيهم دروسهم

ها ما اوصيك هذولا موصايين عليهم افعل بهم ما تشتي اهم شي يجيبوا نسب

ايمن:ابتسم بمكر  ورفع حاجب وشاف لهم اللي اشتي

طيب من عيوني

الطلاب:ضحكوا هههههههههه

ممدوح: خف علينا

ايمن:ابتسم

شاف للطلاب يلا

عشان ما نضيع الوقت

الطلاب قاموا وسلموا علىالأستاذ صلاح وخرجوا بعد ايمن

ايمن يلا اركبوا معي بوصلكم بيتي عشان

 تتعرفوا مكانه وتحضروا

 من الغد نبدأ اول دروسنا

الطلاب اوكيه

ممدوح :يلا بنركب سيارتنا وبنلحقك

ايمن :وهو كذلك

ركب كل واحد سيارته ولحقوا ايمن لبيته

اتصل لهديل تجهز

المجلس و القهوه والشاي والحلا

واستأذن من ابوه

اول ما وصلوا دخلهم المجلس

عملوا جلسة تعارف وما هي المواد المستعصيه لديهم

وشربوا قهوتهم و اكلوا حلا

وكل واحد راح بحال سبيله

عند رائد ومحمد

محمد:رائد مالك هادي اليوم

لا تقول عادك زعلان من الشباب

رائد :شاف له وتنهد أنتوا زيدتوها عليا

محمد :ههههههه يا اخي

 السموحه منك يا الغلا

بس انت كنت واثق من نفسك زياده حبتين 😉

رائد :اتنهد وسكت

محمد:اووووه وتنهيده كمان هذا الله اعلم ايش عندك مش من الشباب

لانه مش اول مره يحصل معانا هذي المواقف يلا قول لي اللي يضايقك

رائد :بنفسه (اقول له عن خطة فكري الخبيثه اللي سمعتها لا لا الا محمد بيفهم غلط بيقول انه حسي عندها بدل ما اصطادها اصطادتني اووووف يا ربي والعمل كيف اسوي الله يستر بس  )

محمد:هااايييي رائد

رائد :هاااااا صنجت اذني

محمد:اووووووه على هذي الحاله مالك يا رائد اتكلم

ساعه انادي لك وانت ولا كأنك هنا

رائد ارتبك : ها أأ العفو ما سمعتك كنت افكر

محمد :ايوووووه تفكر ممكن اعرف بأيش كنت تفكر

رائد عدل من جلسته وحط يد فوق الطاوله

والثانيه يمسح فيها وجهه وباين عليه الضيق

رائد :اسمع محمد انا بستشيرك بشي اريد منك تتخيل نفسك انه انت صاحب المشكله و تنصحني

محمد عدل جلسته :اوووه شكل الموضوع كبير

رائد مرتبك: ايوه كبير جدا  لدرجه انه بيخرب بيوت بسبته وبتنهار اسره كامله

محمد بكل جديه : اقلقتني رائد اتكلم وانا كلي اذان صاغيه

رائد :اول اوعدني ما تكلم احد

محمد:افاااا عليك يااا رائد هو بيننا هذا الكلام انت عارف ان اسرارنا مع بعض من الصغر ليش حد دري بها

رائد :بكل جديه وانا اثق فيك محمد

محمد:اتكلم

رائد :أ أأ اذا سمعت ان في شخص بيأذي شخص اخر وهذا الشخص الاخر عدوا لك ايش بتعمل

محمد :اهاايييييي بدينا للاسئله

رائد :انت رد او بسيبك وأمشي انا حالي ضايق

محمد: خلاص اهممم

عني بترك العداوه على جنب وبحذره لانه مهما صار احنا بشر معانا قلب وضمير يحكمنا

رائد :وإذا الطرف الاخر كل ما شافك هرب ومايخليك تفهموا المشكله اللي مخططين لها عليه

محمد يفكر: الا صدق هذي مشكله بس طالما انا عارف بهذي الخطه اللي بتدمر بيت على ما هو

يبقى من مسؤوليتي اني احلها وبأي طريقه قبل ما يوقع الفأس بالرأس

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جميع الحقوق محفوظة لقناة 
روايات يمنية

هديل الروح [3]

سلسلة التتار 4