نموت كلنـا يمـه لكـن كرامتــي تـحـيـا [9] قصص وروايات الميثاق

.
🥀نمـوت كلنـا يمـه لكـن كرامـتـي تـحـيـا✋

البـارت 33🌷



عند رهف عرفت ان تسنيم حبت الاسلام وتمسكت فيه....
رهف:تسنيم بقولك شي
تسنيم:ايش
رهف:انا رهف دخلت لك من حساب ثاني....وحكت لـ تسنيم القصه
تسنيم:تسلميلي رهف والله حبيتك
رهف:الله يسلمك ولو هذا واجبي
تسنيم:الله يسعدك
رهف:يارب الجميع
تسنيم:خايفه اهلي يعرفوا
رهف:انتبهي وشوفي اذا بتقدري تخليهم يدخلوا الاسلام والا انتبهي وخلي اسلامك سر
تسنيم:اوك....

وجلست رهف تشرح لـ تسنيم اشياء كثيره عن الاسلام وتسنيم مستمتعه وتحس بسعاده لـ اول مره في حياتها تحتويها.....


عند ربيع...
عزام براحه:الحمدلله ماطلعت نذل
ربيع ضحك:ههههههههههه انت داري مامعك
عزام بسره بنص عين:كريه رفعت ضغطي
ربيع:الان خليني ارسلها
عزام:انت الان متأكد انو معاذ هو اللي خلا الدكتور يرسبك
ربيع:قال لي ابن الدكتور
عزام:خلينا نتأكد
ربيع:ان شاء الله خير.....


اخذ ربيع تلفونه ورسل لـ ريتال....
ربيع:جاوبي التلفون احسن لش قد ابوش عيقتلش
ريتال شافت الرساله وافتجعت....
بتتصل لـ رهف بس مشغول لانها كانت فاتحه النت....
ريتال:مابش معي حل غير انو اجاوبه....
ربيع اتصل وريتال ردت....
ريتال:الو
ربيع بهنجمه:ليش ماتردي من اول
ريتال غمضت عيونها بقوه من كثر الخوف والغضب....
ريتال ببرود بعكس اللي داخلها:مادخلك
ربيع:اهاه
ريتال:نعم ايش تشتي
ربيع:تقدمت لش
ريتال بصدمه:هاه
ربيع:مثل ماسمعتي
ريتال:من قالك اننا بوافق عليك
ربيع:بالغصب طبعاً
ريتال:انت واحد سخيف
ربيع بـ استفزاز:من بعض ماعندكم......




.
🥀نمـوت كلنـا يمـه لكـن كرامـتـي تـحـيـا✋

البـارت 34🌷



ريتال ساكته وتتنفس بقوه من كثر القهر....
ربيع:وعنسافر ماعنجلس في صنعاء
ريتال ساكته
ربيع:وانتي اخبر تشتي تكوني عنيده انتي اللي عتندمي
ريتال بكت:انت واحد سخيف واحلم اننا اكون لك ياسامج ياكلب
ربيع:الفاظش
ريتال:اول شي احترم نفسك عاسب الناس تحترمك ياسامج
ربيع:الان بغلق غدوه نتواصل سلام....وغلق بدون مايسمع رد منها...

ريتال غلقت تلفونها بالمره وجلست تبكي....


عند رهف....
كملت تتكلم مع تسنيم وبتتصل لـ ريتال كان مغلق غلقت تلفونها ونامت بسرعه من كثر التعب....

عند معاذ...
مراد:مالك مطنن
معاذ:بين افكر بشي
مراد:ايش
معاذ:اشتي اخطب بنت عمي لطف الله يرحمه
مراد:من منهن
معاذ:اسيل
مراد:عادهي في المستشفى صح
معاذ:ايوه غدوه بيخرجوها
مراد:يلا خير
معاذ:يارب.....


في صباح يوم جـديد...
في المستشفى....
خرجوا اسيل وبسام ووصلوا لبيت فاتن وكانت حالة اسيل النفسيه جداً تعبانه....
رهف مسكت بيدها:اسيلوو
اسيل شافت لها
رهف ابتسمت:مالش ياروح اختش
اسيل بكت:ابي مات بسببي
رهف حطت يدها ع فم اسيل:لا اعتراض لحكم الله مايجوز تقولي هكذا
اسيل دخلت في نوبة بكاء تقطع القلب وتتكلم بكلام مش مفهوم....
رهف حضنتها:خلاص اسيل حرام اللي بتسويه
اسيل:بس ابي مااااات ماعاد بنشوفه ابدا يارهف تخيلي
رهف:طيب اهدأي وصلي ع النبي وآله
اسيل:اللهم صل على محمد وعلى آل محمد
رهف:هل انتي كنتي متعمده لهذا الشي
اسيل:لا
رهف:خلاص اذا هذا قضاء الله والان احنا لازم نوقف مع امي مش نزيد همها
اسيل مسحت دموعها:طيب
رهف:الله يحفظش
اسيل:الجميع يارب....


.
🥀نمـوت كلنـا يمـه لكـن كرامـتـي تـحـيـا✋

البـارت 35🌷



وبعد مرور شهر على ابطال روايتنـا واليـوم خطوبـة ريتال....
عزام:اهلك وين
ربيع:في بيت عمي
عزام:ايحين عنمشي
ربيع:الان قليل ونمشي
عزام:حتى النسوان اليوم
ربيع:لا اليوم خطوبة الرجال والنسوان يوم الخميس الحفله
عزام:يلا خير
ربيع اخـذ تلفونه ورسل لعند ريتال....
ربيع:((حلو انش وافقتي بسرعه وما عانـدتي))
ريتال:((والله العظيم بخليك تندم))
ربيع:((بنشوف))
ريتال رجمت بتلفونها وجلست تبكي....


العصر كلهم مجتمعين في بيت طارق....
رهف سحبت ريتال للغرفه....
رهف:ليش وافقتي
ريتال:مامعي غير هذا الحل
رهف:انتي هبلا والا تتهابلي
ريتال:قولي لي ايش افعل
رهف:خلي الان الخطوبه تتم وبندور اي حل ونفسخها
ريتال:ان شاء الله.....


عنـد النسوان...
نجود كانت جالسه جنب خديجه....
نجود:كنت اشتي احاكيش في موضوع ولو سوء ادب ومش وقته
خديجه:عادي تفضلي
نجود:نشتي نخطب رهف لـ ابني ياسر صح مايصلحش عاد زوجش مات بس خايفين لاحد يسبقنا
خديجه:ان شاء الله خير
نجود:ردوا لنا خبر وخذوا راحتكم
خديجه:ان شاء الله.....


عند الرجال....
كل واحد تعرف على الثانـي وتمت الخطوبـه والكل بيبارك لـ ربيع....
معاذ:مبروك
ربيع بدون نفس:الله يبارك
معاذ:انت كنت معي بنفس الدفعه
ربيع:ايوه بس رسبت
معاذ تفاجأ:امانه
ربيع ونفسه يقتله:والله
معاذ في نفسه:والله وفعلتها يا شاهين الكلب...
معاذ:يلا موفق
ربيع:الجميع يـارب.....


✨طبعاً الكل كانوا مفكرين ان ربيع شاف ريتال بالصدفه وسأل عنهم وتقدم لها وكـل هذا بالصـدفه وماكانوا عارفين بحقيقة الموضوع✨.....



.
🥀نمـوت كلنـا يمـه لكـن كرامـتـي تـحـيـا✋

البـارت 36🌷


ربيع:ياعم
طارق:هلا
ربيع بـ احراج:ممكن ابسر خطيبتي نظره شرعيه
طارق:اكيد عادي يا معاذ
معاذ:ها
طارق:قول لـ امك ان ربيع يشتي يبسر خطيبته
معاذ:حاضر.....


ريناد:طيب تمام الان بخليها تتجهز
معاذ:انا مراعي لها....
دخلت ريناد وكلمت ريتال وبعد جهد رضت ريتال انها تدخل لعند ربيع....
لبست بالطو وطرحه ومشت لعند معاذ....
معاذ:ههههههه مالش متوتره
ريتال:مشتيش ابسره
معاذ:لاتخافي هذا كان بيدرس معي في الدفعه واعرفه محترم وابن ناس وقد سألنا عليه ولاتتخيلي انو ممكن نديش لواحـد مانعرفه
ريتال خف خوفها وابتسمت:طيب
معاذ مسك بيدها ومشوا للمجلس....


عند رهف....
كانت تتكلم مع تسنيم ايمو...
تسنيم وهي تبكي:تعبت من الحياه ياليت اموت او اخرج من هذا المجتمع
رهف تحاول تهديها:طيب حبيبتي اهدأي وقولي لي ايش حصل
تسنيم ببكاء:لبست الحجاب تخيلي بابا عمل لي كف وباعده من فوق راسي بالقوه
رهف:طيب حياتي بنشوف حل اهدأي الان
تسنيم هدأت قليل وبدأت هي ورهف يدورين حل لهذي المشكله.....


في المجلس ماكان موجود الا طارق وربيع وابو ربيع اسمه عبد الحميد....

اول ماوصلوا لباب المجلس...
ريتال:لحظه
معاذ:ايش
ريتال:اسير اشرب ماء وارجع
معاذ كتم ضحكته:لالا موجود ماء داخل
ريتال استسلمت وسكتت....

معاذ فتح الباب ودخل وريتال متخبيه وراه...
طارق:تعالي جنبي ياروح ابوش
ريتال كانت تتمنى ان الارض تنشق وتبلعها....
مشت وجلست جنب ابوها...
عبدالحميد:الف مبروك يابنتي
ريتال بصوت واطي:الله يبارك
عبدالحميد:اسكه يامعاذ تعال رويني وين البقاله
طارق:تعال معي...
وقام خرج هو وعبدالحميد
معاذ:اامممم دقيقه اتصل وارجع...وخرج من المجلس...
ريتال قليل وقد هي عتبكي....
ربيع:مبروك
ريتال ماردت
ربيع:قلت لش لاتكوني عنيده ابسري كيف خطبتش ولا تخليني احدد العرس خلال اسبوع
ريتال ساكته
ربيع:طيب براحتش وتجهزي العرس نهاية الشهر
ريتال ساكته وحاسه بقهر ومش عارفه كيف تتصرف....