روايات يمنية رواية أجمل_اقداري [5] والاخيرة

اجمل اقداري


البارات 24

بعد شهر

قبل عرس راكان ورهف بيومين البنات كلهم متجمعات

اسماء بنات احنا قلنا بنرد للعيال المقلب اللي فعلوا لنا في عرس ريهام

البنات ايوه صح

امل انا اقول لكم ايش نسوي

من بينفعني لصيدليه اللي في اخر اشارع

أحلام ليش


نشتي نشتري دوا من حق البطن عشان يخليهم اربعه وعشرين ساعه في الحمام هههههههههههههه ويبطلوا يفعلوا فينا زي عرس ريهام


أحلام اني باروح وبرجع بسرعه

وانتوا اعملوا العصير

 البنات بس بسرعه

............


احمد اول ماسمع ان رهف خطبت جلس ثلاث ايام بدون اكل ورجع سافر السعودية  عشان يحول ينسى رهف  وكيف محمد سوا فيه كذا ويلوم نفسه انه تكلم مع أمه انه يشتي رهف
.......................


 أحلام  رجعت والبنات جهزوا كل شي


ريهام ودت لهم العصير  وقالت لخالد انه مايشرب

 العيال
راكان وأركان وصالح ووليد ومحمد شربوا العصير

شويه إلا وبطونهم تعصر

كان واحد يدخل الحمام وواحد يخرج  اركان شاف ان صالح تاخر في الحمام مااستحمل  خرج الحمام اللي فوق



البنات هههههههه يستاهلوا من قال لهم يبدوا في المقلب  وبعدا كم سويتي يا اسماء دوا عشان جاب مفعول سريع هههه

اسماء ثلاث اشرطه ههههههه

رهف كانت تضحك وذكررت احمد وبكيت البنات التفتوا لعندها وبكين معها  وهن مقهورات عليها بس مافي يدهن شي


رهف ليش ابي سوا فيني كذا ليش

امل خلاص ي روحي هذا نصيبك وحجفتها  مقهورة على رهف ومقهورة على أخوها وكيف بيكون حالته

...............

خالد بيضحك عليهم تستاهلوا

اركان والله هن هكذا سوين ينتقمين مننا   اخخخ بس اخخخ يا زمن


في اليوم التالي عرس رهف ومحمد وسمر وراكان

عند سمر ورهف

سمر تدور في فستانها وهي في قمة السعادة لان بتتزوج الشخص اللي حبته  من وهي صغيره بتتزوج الشخص اللي وفى في وعوده لها
 التفتت لعند رهف

رهف جالسه تبكي

سمر رهوفه قلبي خلاص حرام عليش ارحمي نفسك هذا نصيبك وان شاءالله محمد يسعدك

رهف ي سمر انا مش احس نفسي عروسه  انا احس نفسي ميته ماحسيت في الفرحه ابد والله

 ريهام سمعتها وبكيت كانت سارت تجيبهم  هي وأمل وأحلام
لان القاعه امتلأت ووقت دخولهم


امل خلاص ي ريهام لأعاد تزيديها عليها اذا شفتك تبكي ماعاد بنقدر نسكتها  أنتي سيري عند خالتي سميه حرام شوفي كيف حالها جالسه تبكي من حين حددوا العرس

انا وأحلام نجيبهم

.................



اجمل اقداري


البارات 25



في مكان ثاني تبتني بدايه حب جديده

وفي مكان اخر تتدمر قصة حب

بس هل  بينتسى الحب مهما حاربتهم

ظروف الحياه ام بيستمر الحب

خلونا نشوف في البارتات ايش بيكون نهاية الحب حق رهف هل بتنسى احمد وتبدأ حياتها مع محمد


محمد بيتصل لسوسن تخرج عشان  يجيب لها الورد اللي طلبتهم منه


نور

خرجت قبل ماينزلوا امها وأختها رحاب من السيارة ومسرعه لانهم اتاخروا


محمد بيتكلم في الجوال وفجأة يصدم فيها نور شافته دق قلبها

نور اسفه ماانتبهت ودخلت اووف ياربي ليش إلا هو صدمت فيه من بين العالم كله
وايش بيصير لي حين اشوفه احس قلبي بيخرج من كثر ما ينبض


محمد ضحك سبحان الله والصدفه  يارب رجوتك لا يكتسر قلبي مره ثانيه يارب 

.................


في قاعه  الرجال

الكل فارح ويرقص وراكان ومحمد مشخرين لاابعد ابعد حد


وليد:صح انه زعل ع رهف لان كان يتمناها له ويحبها بس مابين لحد عير اخته أحلام  لان أبوه مابيوافقش اذ قال له يشتيها كل ماشاف محمد يشتي يقتله


صالح عيب استحوا انتوا والشخاره هذا  ياسعم اول ما تزوجوا إلا انتوا


راكان  اعوذ بالله من الحسد ههههه قلت لك ياخي تزوج قلت لا

اركان اسكت قبل ما اقوم اطوطا فيك انت وهذا اللي عندك يقصد محمد لان بيكرهه من حين أبوه غصب اخته عليه ولو في يده بيقتله


 انزفوا سمر ورهف احلا زفه

سمر كم انتظرت هذا اليوم وفرحتها  ماتنوصف

رهف تحس انها ميته ويشلوا في نعشها


وكل واحده روحوها لبيتها
طبعاً اشترطو ع محمد يسكن في صنعاء هو ورهف مايسافر فيها تعز


عند عصافير الحب

سمر خازيه من راكان  وتقطع الورد  من يدها من كثر التوتر والخزا


راكان شافها متوترة ويشتي يخليها تضحك اممم سموره حرام عليك ايش ذنب الورد تسوي فيه كذا هههههه


سمر ههههههه اهبل

راكان فديت الضحكة الحلوة كنت احسبك انعجمتي في العرس ههههههه
ان شاءالله ي سمر اخليش اسعد انسانه معي

سمر ان شاءالله فديتك وربي احبك

راكان وانا اموت فيك ووو......

.....

اجمل اقداري


البارات 26


عند بطلتنا رهف

وصلت بيت محمد وهي تبكي  يارب كون معي

محمد شافها تبكي ايش في معنا للبكبكه من اول يوم قومي طفي السراج خليني ارقد

رهف انصدمت هذا من اول ليله معها كيف بتكون حياتي معك ي محمد

يارب يارب صبرني الله يسامحك يابه

ورقدت في الارض وهي متكوره ...

............

مريم الله يسامحك ي عبدالله

لو كنت مازوجت رهف ان ابني عندي كله انا السبب قال لي ياماه  اخطبي لي قلت له عادها صغيره وفي الاخير زوجها وعادها  في 15سنه

امل ولا انا اتخيلت يا الغاليه انه بيسوي فيها كذا خالي عبدالله وكنت اقول انها من نصيب احمد اخي بس الله كريم

مريم والنعم بالله ومحمد نصيبها الله يسعدها



احمد  وهذه قصتي ي عبدالرحمن

لها للآن من حين تزوجت شهر وانا ماقدرت أنساها ابد

عبد الرحمن هو صاحب محمد واحمد
بس جالس في السعودية بيشتغل
والله ي احمد  لقيت اليوم من الاهل ان محمد بيعامل رهف اخس معامله

احمد حس انه دموعه بيخونوه قدام عبدالرحمن
ودخل الحمام يبكي يارب يارب صبرني مافي يدي شي اعمل عشانها

.................

ريهام تتصل لرهف
رهوفه قلبي أنتي عارفه إنش بتوقعي خاله ههههه

رهف والله الف الف مبروك ي روحي

ريهام عقبالك ي رهوفه ويكون ابنك يدعي لي حالتي شوفي ابنت طربني ههههههه


رهف ههههههه وفي نفسها لو تعرفي ي ريهام كيف انا عايشه مع محمد من يوم ماتزوجنا وهو ولا مره عاملني بطيبه
واحيان يكون طيب بس بسرعه يقلب صورته وعادش تشتيني أجيب عيال الله لاقال

ريهام رهف وينش من اول أكلمك
رهف ها اسفه ي روحي بس كنت اشرب ماء ورجعين يتجابرين إلا ويسمعوا صوت قوي هز الارض هز

رهف ياالله سترك ايش هذا

محمد دخل بسرعه لعندها رهف يله بسرعه بنسافر تعز

رهف ها ايش قلت

محمد رهف قلت لك بسرعه الباص عند الباب

رهف بس ليش تشتينا نسافر ماوقع

محمد السعودية بتضرب علينا قبل شوي ضربوا بيت كمال ال ً.....

خمس دقائق وأنتي جاهزه

رهف بس

محمدً  بسباس في عيونك بسرعه

رهف حاضر 
...




اجمل اقداري


البارات 27

عبدالله يارب استر الضرب عند بيت بنتي رهف
بتصل فيهم وأسأل يجوا عندي لمن يهدأ الحرب

اتصل لعند رهف وتلفونها مغلق

اوووف يارب يارب بنتي خلاص بحاول لمحمد  اه وهذا كمان

سميه والله قلبي قابضني انا فدالك حاول


سمر ان شاءالله ي عمه ما يحصل فيها شي

سميه ان شاءالله

راكان وانا بتصل لصاحبي اللي عندهم يسأل عنهم ي الغاليه

سميه الله يرضي عليك

 اركان أجا ياابه محمد أجا للمحل وقال يشتي فلوس عشان بيسافر تعز


محمد الحمدلله انهم بخير وليش مايقولون لي انهم بيسافروا

سميه هذا اللي همك ليش ماقالوا لك مش احنا اشترطنا مايشلها تعز

عبدالله هو زوجها ويشلها وين مايشتي

...

اماني:ي امل جي شوفي امي مدري مالها راقده وما تجاوبني


امل افتجعت وجريت تبسر امها

اجت وهي مرميه على الارض أمه أمه  سيري يااماني أدي ماء بسرعه نزفتها في الماء ولا قامت اماني سيري ادعي ام عبدالمجيد بسرعه

اماني خرجت تدعيها ورجعت معها
ايش وقع يابنتي

امل بتبكي مش عارفه ي خاله وين عبدالمجيد يودينا للمستشفى

ام عبد المجيد لبسيها وانا اسير ادعي له


في المستشفى

الدكتور ي بنتي امك ارتفع عندها الضغط قوي  في حاجه مزعلتها

امل ايوه وقالت له انه من شان أخوها احمد

احمد بهذه اللحظه حاسس في ضيق ومش عارف ليش قال  بيتصل لامه يمكن في شي التلفون في يد اماني من اول رنه مسكته

احمد الو

اماني احمد امي تعبت قوي قدهي بتموت واحنا في المستشفى

احمد جن جنونه وحجز له اول طياره
ورجع ع اليمن الحبيبه



اجمل اقداري


البارات 28

بعد سنه ونص

محمد رهف وين  الغداء

رهف اليوم تعبانه ماقدرت اقوم اسوي شي

 قول لمرت أخوك تجيب لك والله تعبانه قوي

محمد رهف هذا الدلع في بيت أبوك مش عندي قومي

رهف محمد ليش بتكرهني هكذا ليش

رهف حست وجهها بيحرق من قوة الكف فيه

رهف هكذا ي محمد اخرتها تمد يدك عليا

هذا جزاتي لان صبرت عليك كثير وانت سمعتني انواع السب والشتم  ليش بتفعل فيني كذا
وانت في صنعاء كنت مش زي الان بس من حين اجينا تعز وانت هكذا ليش لهنا وبس ي محمد استحملت كثير وقلت محمد بيتغير حتى انك طعنت في شرفي
وانا صابره عليك وأقول بيتغير بس توصل لهنا انك ترفع يدك عليا

اعتبر هذا اخر يوم بحياتي عندك وخلي اللي يعلموك ينفعوك انا ولا مره غلطت معك بس انت كذا وكل يوم نوع من الشتم  والسب حتي اني حاولت انتحر بسببك بس ذكرت ربي

  ابن عمي وليد هو في تعز بسافر معه صنعاء  ولا عاد تحلم اني ارجع لك وهذه خرجه ولا لها رجعه

محمد حس بغلطه وليش هو بيسوي في رهف كذا مع انها ولا تفعل شي غلط وأي شي يقول لها تقول حاضر  : رهف اسف والله اسف انا ماعرفت ليش كذا سويت 

محمد صح بيعامل رهف اخس معامله وزاد كثير حين سافروا تعز لان أمه جالسه تعبي في رأسه وتخليه يشك فيها ويتعامل معها كذا

وما يشتي يخسر رهف


 الإعتِذآرُ عَن كَسر الأشيآء لآ يَجمعُ
 شَتآتَهآ ، ..فَلَأّ تَعتذر عَن شَتآتِ
 قَلبي..🖤



ـ💗🌸



 وليد كان يشتغل شاف رقم رهف واستغرب اول مره تتصل له من حين نزل تعز

رهف وهي تبكي وليد  عادك في تعز الله يخليك تعال خذني لعند أهلي

وليد رهف خير فيكي شي الان جاي لعندك

 ............



اجمل اقداري
البارات 29

في صنعاء الحبيبه

احمد بيشتغل في المحل ويحس بضيق

عبدالله ي احمد مالك اليوم شكلك تعبان

احمد  مدري مالي احس بضيق بصدري

عبدالله قوم صلي ركعتين وان شاء الله يسير الضيق عنك

عبدالله رن تلفونه
هلا بالغالي كيفك ي ابني

وليد الحمدلله بس اليوم انا في طريقي لعندكم ومعي رهف

عبدالله  وين محمد وليش رهف وحدها معك

وليد والله ياعم رهف اتصلت فيني و..... الخ

عبدالله وين انتوا

وليد قريب عاد باقي بس ساعة ونوصل ان شاء الله
 وغلق التلفون

احمد خير ي خال ليش كذا اقتلبت صورتك ومن اللي اتصل لك

عبدالله سرد له اللي حصل

احمد اااه كنت حاسس انه فيها شي

...........,

وصلت رهف البيت اول ماشافت امها رجمت نفسها بحضن امها تبكي ع حياتها اللي ضيعتها واللي عاشتها كأنها في جحيم

امها خلاص يا روحي الله لا سامحك ي محمد ولا لش ي بنتي إلا اللي تشتي قولي ماتشتي

وهف ولا شي ي مه غير محمد يطلقني اذا ، ماطلقتوني منه بقتل حالي كرهت نفسي والله


عبدالله : بيلوم نفسه انه هو السبب في عذاب بنته  بس على قول المثل بعد الفوت ما ينفع الصوت

 ولا يهمك ي روحي اسف ي بنتي انا اللي غصبتك عليه كنت اقول ان محمد شخص ينوثق فيه وكل شي حصل لش بسببي

ثلاث ايام بس واوعدك إنش بتكوني حره منه

..........

بعد ثلاث ايام محمد طلق رهف وهو يبكي لان بعد ماطلقها حس انه خسر شي لا يمكن يتعوض 


رهف عزمت صديقاتها وسوت حفله وتشتي تنسى كل شيء كان في حياتها مع محمد

  ..........


احمد ي خال عبدالله انا أشتي اطلب منك طلب وخايف تردني خايب

عبدالله من عيوني

احمد صح الوقت عاده مش مناسب بس خايف لا تروح من يدي مره ثانيه
انت عارف ي خال ان انا احب رهف من حين كنا صغار وانا حبيت أتقدم لها وان شاء الله بعوضها عن كل شي سوا فيها الخسيس محمد

وان شاءالله توافق

عبدالله انا موافق بس بسال رهف لان ي ابني انا ظلمتها مره وما أشتي اظلمها مره ثانيه  وعادها اليوم تطلقت خليني أشوفها ايش بتقول

احمد ان شاءالله وإذ وافقت الزوج يكون بعد العده وانا أوعدك اني لايمكن اجرحها بشي
 .......


اجمل اقداري


البارات 30

والأخير


طبعاً ماقلت لكم ايش حصل في السنه ونص الي مضت

ريهام جابت بنت وسموها  ريما


امل تزوجت عبد المجيد بن جيرانهم وعايشين احلا قصه حب


 أحلام  تزوجت صالح والحين حامل في الشهر الخامس

 وحنين تزوجت وليد وهي حامل في الشهر الاول

سوسن وأركان تزوجوا كمان بعد قصة حب طويله

وأسماء تزوجت ع ابن عمها


رحاب خطبت على واحد صديق أخوها وهو ساكن في عدن


 سوسن بسرعه ي سمر بنتاخر ع امي

سمر طيب ها خرجت هيا

محمد ساعه جالس لكن هيا ارحموا اخوكن مفروض ان احنا هناك

سوسن ههههههه الله يعينها نور كيف بتفعل معك

هذا إلا خطبه كيف لو عرس

محمد ايش من خطبه والله خطبه وعقد والعرس بعد اسبوع خلاص يا بنت ماعاد اقدر ابعد عن نور حياتي كثير

سميه عيب عليك استحي قال ماعاد اقدر ايش هو هواء

سمر وسوسن هههههههه  بووووم   طارت الجبههههههه
.........................


رهف بعد اصرار من اهلها واقناع من صديقاتها وسمر وسوسن واخونها انها تنسى اللي فات وتبدأ حياتها من جديد مع احمد
وافقت عليه وزواجهم بعد شهر بعد ماتوفي العده

........


بعد شهر أجا اليوم اللي ينتظره احمد من زمان واحنا كمان ننتظر هذا اليوم

رهف في الكوشه  ملاك والكل بيمدح في جمالها 

احمد دخل لعندها وباس راسها  وهمس في اذنها   أنتي عارفه يارهف كم تمنيت هذا  والاربع الاشهر جزعوا عندي ساع عمري كله

رهف خزيت

احمد فديت اللي بيستحوا ههههههه

امل هيا خلونا نصوركم والكل كان سعيد

احمد ورهف عاشو اجمل قصه حب احمد كان لها الاب والأخ والصديق والحبيب وربي عوض رهف في احمد
على صبرها

............

احمد ورهف جالسين في الحديقه وبيتبسروا عيالهم
ريفان
ماما  رتان يتلبني  (راكان يضربني)

راكان لا انا والله ماتلبتها ياماما (ماضربتها)

احمد ههههههه فديتكم هذا اختك ي راكان مفروض ماتضربها انت سندها  ولا تخلي  احد ياذيها يله سيروا العبوا

رهف انت عارف ي احمد انه ربي رزقني فيك وفي عيالي بعد ماكنت كرهت ألدنيا  بعد اللي صار معي  انت يا احمد اجمل اقداري


احمد:رهف انا حبيتك  وتعبت كثير حتى حصلت عليك ولا يمكن اخلي شي يبعدك عني يادنيتي


#انتهت

االكاتبه نورا السامعي