روايات يمنية جميلة جدا خبـايــا القلـ♥ـب22

خبـايــا القلـ♥ـب


البارت #127#



خالد ضبح وهو في الشركة مابش عمل روح البيت يرتاح ابسر غرفة امان مفتوحه وسار صليها دخل وابسرها راقدة فوق السرير بالفستان والطياق مفتحات : يوه مابتفعل هذه هانا وهي كانت عتسير العرس دخل غلق الطياق لان الجو بارد  وجلس يتأملها شوية وخرج: استغفر الله  ماعليا منها دخل غرفته وخلاها مفتوحه عشان لوما تقوم تعرف انه موجود

امان صحيت ابسرت وقد الساعه خمس:  يووو شلوني كم رقدت وماحسيتش غيرت ملابسها وسارت تدور اي شي تاكل

خالد سمعها قامت وسار للمطبخ:  ليش ماسرتيش معاهم

امان افتجعت: يووو بسم الله مااداك لاهانا

خالد: مابش عمل روحت البيت

امان:  وانا حسيت بصداع ماسرتش معاهم

خالد: انا جاوع

امان: وانا والكل

خالد: عتسير اشتري اندومي

امان جلست تفكر:  يوووو الله اعلم ايحين جاء وهل ابسرني والا ماشي يففف انا الهبلاء اللي ماغلقت غرفتي

خالد سار اشترا لهم اندومي ورجع: وووو ياحظ من حسش عنده

امان بتسبر الاندومي: متى جيت للبيت

خالد: الساعه اربع

امان في نفسها:  يووو والودافة والله انو ابسرني

خالد عرف بايش بتفكر ويشتي يحسسها ان الامر طبيعي وانها مثل افراح ووجدان : بالله عليش احد يرقد بالفستان والطوق ويخلي الطياق مفتحات في هذا الجو البارد

امان استحت: كنت تاعبة ماحسيتش بنفسي

خالد: والان كيف قدش

امان: الحمد لله احسن وقربت لهم وجلسوا ياكلوا

خالد: انا عتخرج قبل مايجوا وانتي لاتقلي لهم انني جيت مانشتيش هدار وداوي

امان:  ههههه عتفعل خير افراح عتحقق معي

خالد: اليوم اندومي ومرة ثانيه اشتي بيتزا نفس حق ايهم

امان: هذكه ايهم وانا امان

خالد: كلكم واحدي ياحب

امان شبعت غسلت ورجعت غرفتها وخالد خرج من البيت

اسماء: هيا بنات قد ابوكن بيتصل نروح

خلود : والله قد راسي بيوجعني

الهام:ههههه من الجنان حقش

ريما: يله يمه عنلبس ونخرج انتوا اسبقوا

افراح: مع السلامة ياروحي

لمياء: يله نلتقي في العرس ههههه

وجدان: امرنا لله مانفعل

ريما: مع السلامة

عمر: اتأخرتين

اسماء: خلاص هيا اخطى

وصلوا للبيت وليث سار لاعند امان

ليث: ادخل

امان: حيا بليث ادخل

ليث دخل وغلق: كيف حالش

امان : الحمد لله جي نتحابر

ليث : انا اشتي نطلع الجباء

امان: طيب

ليث: كان المفروض اليوم تكون خطوبتش والكل

امان: لاتفتح لي الموضوع

ليث: حرام خالد يشتيش

امان: ليث ياقلبي هذا كلام الكبار

ليث: احنا اصحاب

امان: ايوة بس

ليث: ولا بس ولا حاجه فكري في الموضوع

امان: قد رفضت وكملنا

ليث: عادي فكري مرة ثانية

امان بجديه : ليث غلق الموضوع

ليث : براحتش



خبـايــا القلـ♥ـب


البارت #128#


لطيفه طلعت لاعندهم : مابتفعلوا هانا

امان: حيا بعمتي اجلسي نتجابر

لطيفه: ما معاكم

ليث : ولا شي بنتجابر

لطيفه: خلاص انزلوا نسمر جمعه

امان: اسبقوا وانا عتلحق

ليث فهم ان هي تشتي تجلس وحدها: حاضر هيا عمة

امان : ياربي بس كون معي

خالد: وين امان

لطيفه: قالت شوية و عتنزل

خالد :عتسير ادعيها

امان بتقلب الصور وتتذكر ايام كانت ايهم كل المواقف اللي مرت بها مع خالد : ياااااااربي بس تعبت والله اني فقدت لحياتي الاولة فقدت لبيتي والهدوء اي حاجة تضبحني كنت اكلم خالد كان يساليني يخرج معي يوقف معي يسمعني الان يله اكتم لاداخل يف قد قلبي عيقرح

خالد كان بيسمعها وقف وراها بالضبط:  عادي قلت لش خالد موجود في كل وقت تحتاجيه كلميني باللي في قلبش لاتكتميش مشو حالي

امان نكزت من مكانها والتفتت صليه: انت ماتعرف تتنحنح اول ما تجي ضروري تسمع كل شي

خالد: ماشتيش اقاطعش اشتيش تتكلمي عشان ترتاحي

امان قفت: فقدت لبيتي

خالد مسك كتفها:  وهذا بيتش والكل

امان: اتعودت على الهدوء

خالد: اتعودي على الازعاج مثل مااتعودتي على الهدوء

امان:  هانا بين احس اني محبوسة في بيتي كنت متى ما ضبحت خرجت كنت عايشه براحه

خالد: متى ما تشتي اخرجش قولي لي وانا عتخرجش

امان:  مع شكراً

خالد: ذلحين انزلي نسمر جمعه

امان: شوية وانزل

خالد: خلاص عتنتظر لش هانا

امان: مابش داعي

خالد: امان

امان: يانعم

خالد: للمرة الاخيرة فكري في الموضوع

امان مركزه عليه: خالد اشتي اعيش وحدي

خالد قرب منها :عتعيشش وحدش عتفعل كل شي تشتيه

امان: ماانكرش وقوفك معي ولا مساعدتك وجميلك بس

خالد: لاتردي الان فكري وكم مرة قلت لش ماسويت هكذا الا عشان سعادتش

امان :.........

خالد: عتنزل وانتي براحتش

لطيفه: ماقالت

خالد: شوية وعتنزل تشتي تشم هواء

افراح: شوفي كيف صورته اجتغرت

ريما: وطي صوتش عيسمعوا

افراح: جننوني اوف

ريما: قلت لش مابش بينهم شي وانتي جالسه ترفسي

افراح: طزززز يصطفلوا

خالد: تصبحوا على خير

ابراهيم: مالك اجلس اسمر

خالد: مقدرش تاعب

امان نزلت غرفتها غلقت ورقدت وبتفكر في كلام خالد



خبـايــا القلـ♥ـب


البارت #129#



بعد مرور ايام ......وايام

دعاء بتجابر ريما في التلفون: عنتعرس جمعه

ريما: قد كملتي تتكسي

دعاء: قد كملت كل شي

ريما: واحنا قد كملنا

دعاء: مسرع الايام خطيت مش مصدقة ان عرسنا بعد اسبوع

ريما: هو صدقش والله ماحسيت بالوقت

امان: ياعمة ماقد اشتريت ولا حاجه مع العمل ماقدرت اخرج معاكم

خالد: خلاص عتخرجش غدوة وانتي كملي كل شي

اسماء: خلاص هوذا خالد عيخرجش لاتقلقيش

خالد: من عاد باقي غيرش

امان: قد كملين كلهن مابلا انا

خالد: خلاص اتجهزي لاغدوة

امان: حاضر تسلم

اسماء: ماقلت ياابني تشتي اخطب لك

خالد: لا يمه مااشتيش

اسماء: براحتك

اليوم الثاني امان خرجت واشترت اللي بنفسها : خالد انا فكرت في الموضوع

خالد: وقرارش

امان: موافقه بس مااشتيش عرس

خالد فرح : اماااانه خير مانطقتي بس ليش ماتشتيش عرس

امان: مااشتيش عرس مش موجود فيه ابي وامي

خالد: امي هي امش الله المستعان

امان: هذا شرطي

خالد: لش ما طلبتي

امان: خلاص ندخل ذيه المحل

خالد:  شوفي هذا الفستان حالي

امان:  يله على ذوقك

كملوا كل شي ورجعوا للبيت

ابراهيم: يووووه ليش هكذا حرام مابلا نفعل عرس من جيز البنات

خالد:هذا شرطها

اسماء: عتحاكيها انا

خالد: مع يمه خليها براحتها حتى حفلة خطوبة ماتشتيش

اسماء: ماااااااااشي ماهذا جنان

ابراهيم: انت مصر عليها

خالد: ومشتيش غيرها

ابراهيم: خلاص الله يوفق

اسماء سارت لاعند امان: هاه كملتي تشتري كل شي

امان:  ايوة الحمد لله ياعمة ابسريهن هه

اسماء: ماشاء الله حاليات  ليش يابنتي ماتشتيش عرس

امان: ياعمه هذا شرطي الوحيد

اسماء: يابنتي ما عنسخاش نحتفل بالبنات وانتي مع والله مايوم فرقت بينكن في حاجه بين اعاملكن سواء

امان : انا داريه ياعمه بس مشتيش حفله وعرس وجنان


اسماء: على الاقل يوم الابيض نفرح بكم وتكون ذكريات حلوة لكم

امان: ياعمة ا

اسماء قاطعتها : مابش اي اعذار عنفعل لش احلى عرس

امان: عتفعل يوم الابيض وبسسسسس

اسماء:خلاص طيب  براحتش

امان : والعرس حددوه انتوا

اسماء : اول شي نكمل عرس البنات وبعدا نبسر

امان: اللي تشوفوه مناسب افعله

خبـايــا القلـ♥ـب


البارت #130#



في غرفة خالد

ريما : انا عندي فكره

خالد: قولي

ريما : نفعل حفلة الخطوبة والعقد  يوم عرسنا عشان تتصلح وعلى عينها

خالد: اخاف تتضايق

ريما:خلي هذا عليا  لوما العشي عندما يروحوا الناس وبعدا ادخل لبسها واتصوروا

خالد: جربي حاكيها

ريما:  الان عتسير لاعندها

امان: مع مشتيش حفله

ريما: مابش حفله ماغر قلنا يوم عرسنا قدهي تيكه تعقدوا من مره

امان: يفففف بعدش ماافعل امري لله


مر الاسبوع بسرعة وعدت ايام العرس حق افراح وريما ودعاء واليوم يوم الابيض

عند المكوفرة

لطيفه: لاتزيدي لها المكياج هو غر عقد

المكوفرة: قد زكنت عليا البنت من نفسها تشتي حاجه خفييييفه

عند الرجال

خالد: والله ماانا مصدق بعد رفضها رجعت وافقت

ابراهيم: النصيب ياابني سبحان الله

خالد: الحمد لله

ليث جالس يتبسرهم سكته وقدو يشتي يضحك بس كاتم نفسه

عمر : مال وجهك ملعوز هكذا اذا فيك ضحكه عادي اضحك

ليث ماقدرش يستحمل وقرح ابوها ضحكه:  ههههههههههههههه

ماجد: سلامتك مالك بتضحك عتخلينا نتعرس

ليث:  اتعرس من مسك بك انا فارح لخالد بس

عمر: الله يشفيك قر من الزقعه ابسر الرجال كلهم بيتفرجوا صلينا

في الصالة عند النسوان كل واحدة بتفعل لها اللمسات الاخيرة قبل مايبدأ العرس والزفة

لمياء: ايش الدلع يا امان والله وقعتي حاااليه

امان لبست الفستان اللي من ذوق خالد  :تسلمي عيونش الحاليات

الهام بتحانك امان : خالد عيدخل واحنا عنبسر

امان: اصه من المحانكة

ريما: لاتحرجيهاش من الصبح وهي تهم لما يدخل

دعاء: هو غر عيلبسش وتتصورا وبس مابش شي

امان: غيرين الموضوع والا عتقوم

افراح: يابنات الزفة عتبدأ

اسماء: لولولو لي

دعاء: خزا كلهن مطننات لاعندنا

خلود : يله عاااااااشوااا وحقكن يا قمارا حقكن

لطيفه: مسرع بتخطى الايام مسرع كبرين وخلاص اتزوجين البيت عيفضى

ابتسام: ياختي هوذكه اتزوجنا ماوقع بنا

اسماء: الله يسعدهن

البنات كملين الزفة وجلسين يجننين ويرقصين لابعد العشاء وجدان وخلود سارين يبدلين عشان الرقصه اللي فعلنها لهن


عند الرجال

خالد: انا من رأيي نفعل العقد بعد ما يخرجين العرايس قد الوقت متأخر

ابراهيم :ايوة احسن من الحشيرة ذاحينه

ريما :اوووووو حسافه ماعنبسرش خالد حين يدخل

امان: تستاهلين جالسات تتوعدين فيني يله قومين عند ازواجكن

دعاء: يله الف مبروك من ذاحين

افراح: عتوحشيني

ريما: سعم عنسافر عاد احنا في نفس الحارة عنتزاور كل سع

دعاء : حالي عشان نفعل لش عرس حنان طنان

امان: عتفعل يوم واحد

خلود: يوووو للمه

امان: هكذا

ريما: خلنها براحتها يله رضيت تفعل الحفلة اليوم



خبـايــا القلـ♥ـب


البارت #131#



اسماء:يله زفة الخرجه

ريما:كل واحدة وحدها عميد نصور الزفه

اسماء بكيت: والله ماانا مصدقه ان هي حريوة

لطيفه:اشتحطي لاتبسرش عتبكيها

اسماء : مااصعب خرجة البنت

ابتسام: بس هيبله هوذا بنتي عتزوجها لكن ليش ابكي المفروض افرح لها واحجر لها ملان الصالة مش اقلب عزاء

كملت الزفة وكل واحدة سارت عند زوجها وفضيت القاعه ماعادبش الا العائلة

خلود: يمه خالد عيدخل

امان قدهي بترتجف: اوووف الله يعدي الليله على خير

خالد دخل وسلم عليها: مبروك لي بش ياحب

امان موطيه راسها: بطل ذيه الكلام

خالد: تذكري لوما خطبتيني في الشارع بذيه الخاتم وكل سع تقلي لي ياخطيبتي

امان: هههههههه الله يقلع ابليسك

خلود : شوفوني اصوركم وبطلوا كركرة ساع الجهال

امان بتتصور : هههههه خليك بعيد

خالد مسكها بيحانكها: مااااااعة مرتي وانا حر بش

امان: احه رخي يدك شوية شاقل لعمي

خالد: هههههههه امرش بيدي ياحلوة قدش حقي

امان: حسبي الله بس

خالد : احمدي ربش مافعلت لش حركه تطفحش

امان : ههههه عيب عليك عاد الناس يستحوا شويه

خلود : خلاص اتفضل اخرج

خالد: مسرع

امان: قوم من اللباطة يله

وجدان: دلا عليه

امان: زوجي وانا حرة

خالد: استحي عادنا موجود

امان بتضحك عليه: اخرررررج يله سالي انتي مطروووده

خالد: خلاص بس منتظر لش في البيت حسابش عندي

خلود بتغني له : سالي سالي سالي هههههه

اسماء: الف الف مبروك يابنتي عقبى لما اشوفش حريوة ونفرح بش

امان: الله يبارك ياعمة جين نتصور

عدت الحفله والعرس على خير


بعد مرور اسبوع

ابراهيم: متى عتجهز غرفتكم

خالد: هذا الامر محد يدخل فيه خلوه عليا عتفعلها مفاجأه للجميع بس انتوا قولوا ان غرفتنا عتكون طالع

اسماء: والكسوة

خالد: عتكسيها انا وبعد العرس اخرج انا وياها ونكمل الباقي

ابراهيم : الله يستر منك

خالد: انا عتسير اقلها تتجهز لابعد اسبوع

امان: ليش مستعجل

خالد: اشتي اتزوح للمه او عندش مانع

امان: يله براحتك الخميس الجاي مانفعل

خالد: واخيراً

امان: غلق يله اشتي ارقد

خالد: تصبحي على خير ياحب

خلود: والله مانا داريه كيف عيتزوجوا هذولا

وجدان: هههههه قلك الخميس اللي عيجي ماقد فعلوا ولا حاجه

خلود: خالد الله اعلم على ايش ناوي شكلهم عيسيروا فندق

وجدان: ماناقص الا نهمهم جي ننزل عند دعاء عشان ماتضبح

خالد: جهزي كل ادواتش في هذولا الشنيط

امان: للمه نطلعهن للدولاب من مرة

خالد: افعلي اللي قلت لش عليه

امان: ياخي والله مافهمتك تشتي عرس هذا الخميس وماقد جهزت ولا حاجه

خالد: الايام عتوضح لش كل حاجه وبعدين مش انا اخوش انا زوجش ههههه

امان : ايش يعني ترد لي كلامي

خالد: بالضبط

امان : الله يستر منك

خالد: انا خالد والاجر على الله

امان: سير ابسر لك عمل وخلي لي حالي انا حريوة

خالد: جهزي ادواتش غدوة وهن جاهزات مابش وقت

امان: واذا اشتي ابدل كيف افعل

خالد: البسي من حقي

امان: خخخخالد

خالد: خلاص امزح خلي لش بدلتين واجمعي الباقيات في الشنيط



خبـايــا القلـ♥ـب


البارت #132#



صباح يوم جديد

لطيفة: يوووو يابنتي وين عتسيري اجلسي اتحجبي في البيت قدو غدوة عرسش

امان:  عتسير الشركة اخر يوم لي فيها

لطيفة:  ههههه احنا اتحجبنا شهرين وانتين بتتمخطرين من بقعه لابقعة

امان : ههههه احنا الجيل الجديد ياعمة يله مع السلامة

امان وصلت للشركة ودخلت لاعند خالد:  بخخخخ صبحك الله بالخير

خالد: اعوذ بالله ماجيتي تفعلي يابنت انتي حريوة قري في البيت

امان: مالكم عليا قدو اخر يوم في الشركة

خالد: خلاص سيري دوري لش مهره في مكتبش ونخرج بعد المغرب

امان: تمام

.........

اسماء:  والله ان هذه البنت عتجنني حتى النقش مارضيتش تنتقش قالت خرابيط دجاج  بلا عليش به حريوة تخرج تتمخطر قبل يوم عرسها

لطيفة: الله يهديها ماعاد دريت كيف اقنعها

وجدان: مادام وهي تشتي هكذا خلوها براحتها وفي الشكمة نقشوها

اسماء: هذا اذا رضيت تتشكم هههههههههه


بعد المغرب امان خرجت مع خالد للبقعه حقهم وجلسوا يتجابروا

خالد: اسكه اقنعيني ليش مارضيتي تفعلي عرس مثل البنات

امان:  مشتيش مايعجبنيش كثرة الطنافس والجنان


خالد:  اكيد به سبب ثاني

امان سكتت ووطت راسها

خالد مسكها باكتافها: احد غثاش ياحب والا قلش حاجه

امان: ماشي والله ماحد بيغثيني

خالد: كان مالش ليش ماتشتيش

امان بكيت:  كيف اتهنى بالعرس وامي ايمان  مش موجوده ولاحتى امي وابي الحقيقيين من وين عتجي الفرحه ومش هم موجودين معي بين احس اني وحيده بدونهم

خالد حضنها:  الله المستعان ياحب انا امش وابوش واهلش وما تشتي

امان بتبكي فوقه: والله فعلت يوم الابيض عشان خاطر عمي وعمتي والا مشتيش

خالد اقتهر عليها وجلس يساليها

امان: ههههههه هذا  المكان شاهد لنا على كل حاجة

خالد: والله انو يعجبني والاحلى فيه  انو مابش احد بين احس كأنو حقي محد بيسطى يجي لاهانا 

امان:  ههههههه حقي وحقك وانا والكل احبه من اعماق قلبي

خالد:  يله نروح قدو شرق

امان: هههههه يله عيقولوا ماعاد صبرناش لاغدوة

خالد : الله اكبر عليش اديت لي زوجه لقنه

امان : ههههه ماافعل لك عرق اللقانه فيني من حن خلقني الله

خالد : لوما قدش عندي وانا اوريش اللقانة سواء

امان : انا ماعليا كون غطي جبهتك عشان مااطعفرها عليك

خالد: يارب اشهد على بعض خلقك

امان : ما معك الا الحااااااصل هههههه


ترغبونا مع اخر بارات الرواية