نموت كلنـا يمـه لكـن كرامتــي تـحـيـا [1] قصص وروايات الميثاق

بسم الله الرحمن الرحيم....

هذه. الرواية بعنوان🥀نموت كلنـا يمـه لكـن كرامتــي تـحـيـا✋

قصه يمنيـه واقعيه حصلت في محافظة صنعاء الاحـداث كلها حقيقيه لكن السيناريو تأليفي لصعوبـة سرد الاحداث كامل عبر التليجرام نتمنى لكم متابعه ممتعه....

الكاتبـه:الرمــش الخجول🌹((رهـام إبـراهيـم))

لا اسامح من ينقل الروايـه بدون اسمي او انتحال شخصيتـي✋....


البـارت 1🌷

في احد البيوت المتواضعه عائلة بنسرد تفاصيل حياتهم....

عائلة لطف...
معه اربع بنات وولـد...
بنته الكبيره اسيل عمرها 19سنه سنه اولى جامعه تخصصها فيزياء

والثانيـه اسمها زينب عمرها18سنه مخلصه الثانويـه وبتدرس معهد انجليزي

والثالثه اسمها رهف عمرها 15بصف اول ثانوي....

والرابعه اماني عمرها 12سنه تدرس بالصف السابع....

واخر العنقود اخوهن بسام عمره 8سنوات بيدرس بصف رابع.....

 بطلـة روايتنا❤️رهـــف❤️

ام رهف ((خديجه)):يلا يابنات قومين قدو شرق الساعه تسع
اسيل:يمه قوا عطله خلينا نرقد
زينب:قوا فيني نوم
رهف سمعت صوت امها وقامت بنشاط...
رهف:صباح الخير يااحلا ام في الدنيا
خديجه:صباح النور ياقلبي انتي المشحوطه فيهن
اسيل:ايوه خلونا نرقد والمشحوطه عتفعل العمل
خديجه:بين اقول قومين
رهف:هههههه خلاص يمه سهل هن امس طوال الليل ساهرات يشوفين فلم
خديجه:هو ماخربهن الا الافلام
رهف:خلاص سهل اليوم
خديجه:طيب....
وخرجين وغلقين الباب على اسيل وزينب...
رهف:اصتبحتوا يمه او عادكم
خديجه:انا اصتبحت مع ابوش باقي انتي وخواتش
رهف:وبسام
خديجه:اصتبح معانا
رهف شافت لعند اماني:تعالي نعمل لنا صبوح
اماني:انا معرفش
رهف:بعلمش كيف
امانـي بفرح:طيب يله.....

دخليـن رهف واماني المطبخ يعملين الصبوح وخديجه جلست تشوف التلفزيون....فجأه رن التلفون جاوبت خديجه

خديجه:الوو
صاحبتها ((ريناد)):السلام عليكم
خديجه:حيا وعليكم السلام
ريناد:الله يحييش كيف انتوا
خديجه:الحمدلله وانتوا كيف حالكم
ريناد:الحمدلله..    وبدأين يتجابرين في التلفون ....


في المطبخ كانت رهف تقطع البصل وماانتبهت انو حجر المزحقه كان مش موضع سوا كان فوق الدولاب في الطرف نكع الحجر لفوق يدها..
رهف بصياح:ااااااااييييي
اماني:ايش في
رهف وهي تبكي:اخ يدي يدي
خديجه سمعتها:ريناد شويه وارجع
ريناد سمعت صوت رهف خافت عليها:طيب ...

.
🥀نمـوت كلنـا يمـه لكـن كرامـتـي تـحـيـا✋

البـارت 2🌷


دخلت خديجه للمطبخ شافت رهف بتبكي
خديجه:ايش حصل مالش ياروحي
اماني:نكع المزحق فوق يدها
خديجه اخذت رهف وودتها للعياده اللي جنبهم....
في العياده....
الممرضه:لازم تاخذوها المستشفى تعملوا لها كشافه
رهف بتتوجع ويدها ورمت قوووووي
خديجه بخوف على بنتها:طيب....
اتصلت خديجه لـ لطف وكلمته قليل وجا لهم وساروا المستشفى......


في بيت لطف....
اماني:اسيل زينب قومين
اسيل بكسل:هممم ماهو ياهرمه
اماني:سعفوا رهف المستشفى
زينب بخوف:ايش حصل
اماني:ماسمعتين رهف وهي تبكي
اسيل:هيا ايش حصل تكلمي
اماني حكت لهن زعلين على اختهن قامين واتصلين لعند امهن....


في التلفون
خديجه:ايوه
اسيل:يمه كيف رهف
خديجه:عادهم بيعملوا لها كشافه
اسيل:طيب وطمنونا عليها
خديجه:تمام ان شاء الله اوبهي للبيت وخواتش ولـ بسام
اسيل:حاضر.....


في بيت فااتن اخت خديجه معاها ولد وبنت
الولد عماد وعمره 22سنه بيدرس طب اسنان
والبنت عهود عمرها 18سنه خلصت الثانويه وبتدرس معهد مع زينب....

فاتن:عماد
عماد:ها
فاتن:اشتيك توصلني بيت خالتك بعد الغداء
عماد بفرح:من عيوني
عهود:ايوه غر حن عتبسر حبيبة القلب والا من ايحين ترضى توصلنا لـ اي مكان
عماد:انتي محرشه
عهود خرجت له لسانها
عماد:مسكين اللي عيتزوجش
عهود بفخر:امه دعت له
عماد:دعت عليه قال دعت له
فاتن:خلاص اسكتوا انتوا الاثنين.....

زوج فاتن صحى من النوم...
يونس ((ابو عماد)):عهود جهزي لي الصبوح بسرعه تاخرت
عهود:حاضر
عماد:صدق يمه كيف لش عتسيري بيت خالتي عاد احنا سرنا عندهم امس
فاتن:ازور رهف
عماد بخوف:ليش مالها
فاتن:اتصلت لي اسيل قالت لي انو نكع المزحق فوق يدها ويمكن اكتسرت
عماد زعل على رهف......

جاءت عهود وجابت الصبوح وبدأوا يصتبحوا
عهود:عادك اكلت ياهور
عماد:مش من جيبش بتصرفي عليا
يونس:خلاص احنا والمناقره من الصبح...
عهود وعماد سكتوا وكملوا اكلهم.....

في بيت لطف روحوا ورهف معاهم كانت تاعبـه يدها اكتسرت وعملوا لها جبس...
اسيل:الحمدلله على سلامتش ياروح اختش
رهف بتعب:الله يسلمش ياروحي
زينب:هكذا تفجعينا عليش
رهف:والله ماانتبهت للمزحق كسر يدي
اماني:هههههه يله سهل اكتسر الشر
رهف:هههههه يدي شر ياحماره
اماني:هههههه امزح معش حياتي وباستها....


في بيت فاتن جهزوا الغداء وتغدوا...
بعد الغداء...
فاتن:يلا عهود قدش جاهزه
عهود:ايوه بس عاده بدري
فاتن:سهل هو بيت اختي مش احد غريب
عهود:طيب البس البالطو
فاتن:تمام امد ماداعي عماد ....

فاتن سارت لـ غرفة عماد....
فاتن:يلا قوم وصلنا لبيت خالتك
عماد:يلا حاضر...
وساروا لـ بيت خديجه...

وصلت فاتن باست رهف : الحمدلله ع سلامتش ياروح خالتش
رهف:الله يسلمش....ليش تشغلي نفسش ياخاله مابش داعي لهذا كله
فاتن:ولو هذي رهف كم معانا رهف
رهف بدلع:واحده
عماد بيبسرها ويبتسم عهود بسرته ودكمته بكوعها...
عهود:بس بس لاينتبهوا لك
عماد بصوت هامس:والله اننا احبها
عهود:تمام ياقيس مش وقت الان
عماد:هههههههههه
اسيل:مالك تضحك
عماد:مابلا هذه الخبلا -وبيأشر لعند عهود- ادت لي نكته
عهود بسرته بـ استغراب
زينب:امانه قوليها لنا نشتي نضحك
عهود تورطت...

عهود:اااممممم كان في ذره-نمله-تبكي ليش
اسيل:ليش
عهود:خرب حقها المناكير
رهف ضحكت:ههههههه بايخه والله وانت يااهبل تضحك على هذي النكته
عماد:والله انا اهبل
رهف:ايوه
اسيل:وبقوه
عماد:هههههه تمام عجبتني....
وجلسوا يتجابروا لما اذن العصر......





.
🥀نمـوت كلنـا يمـه لكـن كرامـتـي تـحـيـا✋

البـارت 3🌷



وقت اذان العصر عماد خرج يصلي واشترا قات ورجع بيت خالته...
اما البنات رفعين البيت وقامين يصلين...

خديجه اتصلت لـ ريناد...
خديجه:الو
ريناد:حيا طمنيني ماحصل لـ رهف
خديجه:اكتسرت يدها
ريناد:يوووه مغلاها
خديجه:خيرة الله
ريناد:احسن من كل خيره
خديجه:تعالي عندي فاتن هانا
ريناد:يله اصلي عصر واجي

في غرفة رهف كملت تصلي وجلست كانت مرهقه جداً ومريعه للبنات يكملين يصلين ويجلسين جمعه....

عماد دخل البيت مكن امه القات وسار لـ غرفة رهف دق الباب...
رهف:من
عماد:انا
رهف:لحظه
عماد:طيب
رهف قامت لبست طرحه فوق راسها
رهف:ادخل
عماد دخل:كيف قدش الان
رهف:الحمدلله احسن
عماد جاب لها كيس ملانه شكلاتات من اللي رهف تعجبها...
عماد:هذا لش
رهف بـ احراج:يسلمو مابش داعي
عماد:يله هه شليه قبل ماتجي عهود تفضحنا
رهف ضحكت:تمام....

((رهف كانت تعتبر عمـاد مجرد اخ لا اكثر لكن عماد كان يحبها قوووووي))

عماد خرج من الغرفه سار لعند امه شل القات حقه....
عماد:انا عتسير عند صاحبي وارجعوا اتصلوا لي لاقد انتوا تشتوا تروحوا
فاتن:تمام الله معك
خديجه:انتبه لـ نفسك
عماد:حاضر
وسار يخزن عند صاحبه......

عند رهف دخلين البنات وفي يدها الكيس اللي جابه عماد....

اسيل:وااااااو الشكلاته اللي احبها
عهود:يم يم خيرات هاتي لنا منهن
رهف:طيب اجلسين لاتصرعني عين
زينب:هههههه هاتيهن لنا انتي مريضه
رهف:اعتقد يدي مكسوره اقدر اكل مش انا معوقه
عهود:ههههه تمام بس هاتي لنا منهن......


عند عماد في بيت صاحبه امجد...
عماد:الله لو تبسر ياامجـد كم تعجبنـي حارتكم
امجد:وليش
عماد:هكذا حاليه
امجد:غر حن بيت خالتك ساكنين هانا -وغمز له-
عماد:ههههههه صدق والله
امجد: عادهو يقل صدق استحي
عماد:مش انا بنت استحي
امجد:ولو استحي
عماد:استحي من الناس كلهم الا انت
امجد:ههههه تمام هيا نبدا نخزن ياعاشق زمانك
عماد:عتبسر لما تحب كيف عتفعل
امجد:الله لاقال ولااشتي ادخل هذا الطريق
عماد:بيننا
امجد:تمام....
وبدأوا يخزنوا ويتجابروا ......


في بيت خديجه جاءت ريناد وبنتها الوحيده ((ريتال))....

خديجه:حيا حيا
ريناد:الله يحييش
خديجه:كيف حالها القمر حقنا
ريتال:الحمدلله ياخاله وانتو كيف حالكم
خديجه:الحمدلله
ريناد:الحمدلله على سلامة رهف
خديجه:الله يسلمش...ادخلين
ودخلين البيت وسارين ريناد وريتال لغرفة رهف...

في غرفة رهف جالسات البنات يتجابرين وياكلين جعاله ومعاهن زعقه بيزعقين....
ريناد:الحمدلله على سلامتش يارهوفه
رهف:الله يسلمش ياخاله
ريناد:كوني انتبهي لـ نفسش
رهف:حاضر
ريتال:ماتشوفي شر حبي
رهف:الشر مايجيش ياقلبي....


تعريف بعائلة ريناد....
ريناد متزوجه بـ طارق ومعاهم بنت وثلاثه عيال....
الولد الكبير معاذ عمره 22سنه بيدرس محاسبه
والولد الثاني مراد عمره 20سنه بيدرس هندسه سنه اولى

وبعدين ريتال عمرها 15صديقة رهف المقربه وبنفس الصف
وبعدين اياد اخر العنقود عمره 10سنوات بيدرس بصف سادس.........


.
🥀نمـوت كلنـا يمـه لكـن كرامـتـي تـحـيـا✋

البـارت 4🌷



خديجه وفاتن وريناد جالسات بيتجابرين....
فاتن:اشتي اخطب لـ عماد لكن ضبح بي قال في باله واحده وفي الوقت المناسب عيقولي
خديجه:وانتي سهل اصبري لاقدو وقت عيحاكيش
فاتن:نفسي افرح به
ريناد:اكيد في ظروف جبرته يسكت بس سهل فتره وبيتكلم
فاتن:خيرة الله....وانتي ماقد عتخطبي لـ ابنش
ريناد:والله ان نفسي بس الولد عاده مايشتي
فاتن:ها سابر الله يوفقهم
خديجه وريناد:يارب.......وكملين مجبرهن


عند البنات....
ريتال:بنات تلعبين
اسيل:ايش نلعب
ريتال:اسم انسان حيوان
زينب بحماس:ايووه
رهف:انا مااقدر اكتب
ريتال تحانكها:انتي مش ضروري تلعبي
رهف:طز فيكن...يااماني
اماني:هاا
رهف:هاتي لي التلفون حقي
اماني:طيب.....

البنات بدأين يلعبين ورهف جالسه تقلب في تلفونها فتحت الواتس وبتتكلم مع صديقاتها....

صديقتها ((ساره)):الحمدلله على سلامتك رهوفه
رهف:الله يسلمش
ساره:نفسي ازورش بس مابعرف البيت
رهف:كنتي بتجي مع ريتال
ساره:ريتال الخاينه عندش ماكلمتني
رهف:هههههه خلاص مره ثانيه
ساره:ان شاء الله......


عند عماد جاءوا اصحابهم الباقيين وجلسوا خزنوا وبيتجابروا...
عماد فتح تلفونه وبسر رهف متصله....
عماد في نفسه:نفسي اكلمها بس خايف تزعل وتحظرني او تاخذ عني نظره شوعه يله شاغلق الان واراسلها العشي.....

رهف جالسه تقلب في تلفونها فجأه سمعت ريتال صاحت...

ريتال:فززززززززت
اسيل:هههههههه لانش مغالطه
رهف:شلوكن نكزتني
زينب:ههههههه اسفين
عهود:وانا الفائزه الثانيه
ريتال:لا مابش الا فائزه واحده
عهود:مدخلش
اسيل:غبيات
عهود:لاااه جت لي الذكيه
اسيل بزنط:ايوه
عهود:اللهم زدها تواضعاً
زينب:ههههههههه ياربااااه
رهف بتبسرهن وتضحك عليهن ورجعت تبسر تلفونها....

فتحت رهف الفيس بوك...
رهف في نفسها:هههههه كم لي سويت صفحه بس ولا مره نشرت فيها يله اجرب الان واذا ماعجبني بحذفه من مره.....

كان اسم صفحتها في الفيس بوك ((بـنـت اليمـ🇾🇪ــن))....

ارسلت منشور كان مضمونه...
( اللهم أنت ثقتي في كل كرب ، وأنت رجائي في كل شدَّة ، وأنت لي في كل أمر نزل بي ثقة وعُدَّة ، كم من كرب يضعف عنه الفؤاد وتقلُّ فيه الحيلة ، ويخذل فيه القريب ، ويشمت به العدو ، وتُعييني فيه الأُمور ، أنزلته بك وشكوته إليك راغباً فيه إليك عمن سواك ففرَّجته وكشفته عني وكفيتنيه ، فأنت ولي كل نعمة ، وصاحب كل حاجة ، ومنتهى كل رغبة ، فلك الحمد كثيراً ولك المنُّ فاضلاً ) ....

طبعاً مااحد كان عارف ان معاها صفحه في الفيس...

بعد ماارسلت المنشور غلقت التلفون وجلست تتجابر مع البنات لوقت المغرب....

عماد اتصل لـ امه عشان تتجهز ومر لعندهم ورجعوا لبيتهم اما ريناد وبنتها روحين....

خديجه:يله يابنات صلاه
رهف:حاضر
خديجه:الله يرضى عليش....والتفتت لعند اسيل وزينب....
خديجه:اسكه اوقعين مثلها
اسيل:هههههه يمه تكفي واحده تشتي بعدا الناس يصرعونا عين
زينب:هههههه صح
خديجه:هههههههههه الله يهديكن بس هيا قومين هه
اسيل وزينب:حاضر....وقامين يصلين...


رواية اجمل اقداري