روايات يمنية جميلة جدا خبـايــا القلـ♥ـب15

خبـايــا القلـ♥ـب

البارت #85#

خالد : افتجعت عليك بين اداعي ومابش حس ولاخبر

ايهم: ياسعم ماعيقع لوما تفتجع عليا او عياكلني البعوي

خالد بغمزه: ايش هذا الحلا والشياكه

ايهم: تسلم عيونك الحاليات مانا ذيكه ايهم

خالد: والله حالي

ايهم : ماتقع النجمة حاليه الا بوجود القمر

خالد: من القمر

ايهم : لاتفعل نفسك بريء

خالد: من

ايهم : وليش في غيرك

خالد: يستر عليا

ايهم: اخطى عنجلس نتخيبل ونترمسس ههه قلك نجمه وقمر

خالد : هههههه يله

ايهم : ماعتدخل تفعل هانا

خالد : اشتري غرفه نوم

ايهم: اهاااا

خالد: انزل معي

ايهم: طيب

خالد: ايش رأيك بهذه

ايهم: كئيبه شوف هذه محلاها

خالد : يله على ذوقك

ايهم: ابسر محلا لونها اخضر يجنن

خالد: ياخي مالك انت والاخضر

ايهم: حب من الله

خالد: لو سمحت وصلهن غدوة  على ذيه العنوان

.......: ولايهمك يااستاذ

خالد: يله نخطى

ايهم: لاوين

خالد : محل ملابس

ايهم: وللمه الا ذيه هذا حق نسوان

خالد: قالت امي اشتري ملابس على ذوقي

ايهم: هههههه خلي هذا عليا

خالد: وانت مادراك بذوق البنات

ايهم: سررر من اسرار الحياة

خالد: ناهي لك انت والاسرار

ايهم اختار نص الملابس وخالد نصهن

ايهم: ليش ماتخرج امك من نفسها

خالد: تشتي من ذوقي

ايهم: ياحظها امك مامعاها

خالد في نفسه: ياحظش انتي

ايهم : على فكرة ذوقك حالي

خالد : عيونك الحاليات

ايهم : ورجعنا ههههههه

خالد : هيا قدو شرق

ايهم : اوراق المشروع معك

خالد : ايوة عنكملهن اليوم

ايهم : قد جهزت لنا  العشاء

خالد : اماااانة

ايهم : والله قلت عيب اعزمك قبل مااسافر

خالد : مافعلت

ايهم: بيتزا

خالد: يووو والحلا خورتني

ايهم: ان شاء الله تعجبك

خالد: كل شي تسوية حالي

..........

اسلام : يوووو ياحظك يااسامه والله ان هي بنت ساع العسل

ميساء: والله انو صدق وبعدين على مافي نفسك

اسامه : ان شاء الله توافق

ميساء : متأكدة انها عتوافق ولو انك لغجه

اسامة : حوحو قلك لغجه والله انني احسن منش

اسلام : ماشاء الله بتساوي عقلك بعقلها

اسامه : اصه وانتي

ام اسامه : هيا بنات عتقربين عشاء والا مع قد ابوكن جاوع

ميساء : تمام عنقوم ذاحين

............

في بيت ايهم ..

ايهم: اتفضل

خالد: اقطب قرب العشاء انا جاوع

ايهم : ناهي من الهرم

خالد : بسم الله

ايهم : صحة وعافيه

خالد: ماشاء الله والله ماقد طعمت مثلها

ايهم ارتبك وطعفر الشاهي لافوقه : احه حامي

خالد سكب لافوقه ماء: مالك وانت اشتحط

ايهم: يحووووه بارد الله يقلعك

خالد : قوم غير ملابسك

ايهم : ماشاء الله عليك والاسعاف سكبت الماء كله فوقي

خالد: ههههه قوم بدل بغير دلع

خبـايــا القلـ♥ـب

البارت#86#

ايهم دخل الغرفه وابسر  ملابسه وسخانات كلهن باستثناء جاكت جينز مفتوح وبنطلون : يالله ايش هذه الودافه

خالد بيصيح له : عتكمل عليك العشاء

ايهم:  حسبي الله مامعي الا هن ولبس فنيله بيضاء والجاكت من فوقها ورجع الشال فوقه وخرج


خالد اتفاجأ من شكله وقع سع البنات : ....

ايهم : استضي الاكل من الشخار

خالد مركز عليه: متى عتسافر

ايهم مرتبك: اممم غدوة والا بعده

خالد: وانا لمن عتخليني

ايهم: ضروري عتسير عند عمي قد سرت لاعنده اليوم

خالد: وبيتك

ايهم: الصدق مشتيش ابيعه والا اخليه للإيجار احب يبقى مثل ماهو

خالد: ايهم متى
عتفهمني تصرفاتك لاتنسى انت وعدتني

ايهم: ...........😑

خالد: مااقدرش ازيد اصبر

ايهم: انا عند وعدي

خالد: ومتى

ايهم: وقت ماتشتي

خالد: اشتي الان

ايهم : طيب انتظر دقيقتين

خالد: طيب

ايهم خرج شل تلفونه الاول وحذف الصور  وكل البرامج ماعدا مذكرة الهاتف والارقام مابلا حق خالد : كنت اتوقع اني اقدر اخليك تنسى وان الامر مايهمك بس للاسف كل شي سار على عكس توقعاتي

خالد: حاجه تخصك ماعتنساها واكيد تهمني ونص

ايهم كتب في المذكرة مشاعره تجاه خالد وبعض المواقف اللي حصلت معاهم بس كأيهم مش كأمان: ......

خالد: ايش في التلفون

ايهم: حاجات المفروض ماكنت اسجلها في المذكرة كان المفروض تجلس في مكانها ❤

خالد: هات التلفون

ايهم بيشوف التلفون وقدو عيقرح:........

خالد : هات اشتي افهم كل شي

ايهم : بس ماتفتحه اليوم تمام

خالد : طيب

ايهم : لوما اسافر بعدا افتح والا كيف ما تشتي

خالد: وكيف عتتواصل معك وتلفونك معي

ايهم : عتدبر نفسي

خالد: واخيراً عتفهم كل حاجه

ايهم: مش كل شي عتفهمه لكن الاغلب والبقيه بتفهمك الايام

خالد: طيب انسى التلفون ذاحين اجلس نبسر العمل

ايهم : ذاحين مابش معي حل الا ابيع البيت اذا قبالك مشتري قلت لي لكن استعجل

خالد قرر يشتري البيت هو بس عيخلي محمد يشتريه وبعدا يغير الاوراق بإسمه: ايوة قبالي ومستعد يدفع لك غدوة

ايهم : منو ذيه

خالد : صاحبي لاتقلق

ايهم : انا معتمد عليك وعترجع اجي في يوم من الايام واشل الزلط من عندك والا اذا قدرت افعل لي حساب عتقلك تحولها لي

خبـايــا القلـ♥ـب

البارت #87#

ايهم: مادام والمشتري جاهز وانت متوكل الامر عتسافر بعد غدوة عاد معي بكره بعض الاعمال

خالد بزعل : مسرع

ايهم: هـكـذا الـحـيـاة

خالد : مابش رقده اليوم عنسمر نتجابر مدري متى عترجع القاك

ايهم: قريب ان شاء الله

خالد فتح الكيمرا: جي نتصور

ايهم : مشتيش هههههه

خالد قام لاعنده : مشو بكيفك

ايهم:  امري لله

خالد : مالك اقرب كذا

ايهم: اشتي هانا انا حر

خالد: يف واللغاجه اللي فيك شوف الكيمرا

ايهم ابتسم واتصوروا : ياخي اخر يدك من فوقي

خالد قدو قريب من ايهم قوي : ماعه بقي صورة

ايهم: اخر يدك هي ثقيله

خالد ضحك عليه : الله يقلعك اشتحط قلك ثقيله

ايهم: ههههه قد التلفون ملان صور بس من اللغاجه

خالد: هههههه مااتصورت مع احد مثل مابين اتصور معك

ايهم: للمه مافرقت

خالد: لانك غيرهم كلهم ياحب

ايهم : بس هيبله قوم روح يله  اشتي ارقد

خالد: تطردني من بيتك هكذا وماعاد معي الا يومين اجلس معك

ايهم : ماافعلك فيني نوم قوم يله

خالد بمحانكه : ماعه شارقد هانا

ايهم بيمازحه : ارقد ماعليا انا عتدخل غرفتي واغلق

خالد : ليك ليك اين الذوق والادب المفروض نرقد جمعه

ايهم : وانت صدقت شلوك ههههه قوم يله روح بيتك

خالد: طز فيك كنت اشتي اوبه لك عشان ماتقوم في الليل تبكي

ايهم : لالالا تسلم مايعجبني ارقد الا وحدددي

خالد: اعتبرني مش موجود

ايهم : ماينفعششششش

خالد: طيب انا كنت امزح اصلاً معي عمل في البيت

ايهم: مامعك قد الساعه 12

خالد: ابرد لك متى عتسافر

ايهم في الاساس عيسير بيت عمه اليوم الثاني الصبح وكلهم في المدارس والعمل بس مايشتي خالد يعرف :بعد غدوة العشي ليش

خالد: عشان اجي اودعك

ايهم: هوذا قد جلسنا وسمرنا ماعاد باقي ودعني من ذاحين🙃

خالد: اجي اسلم عليك

ايهم: ماعه مشتيش

خالد: يخ واللغاجه عتجي لك انا

ايهم : ياخي مايعجبنيش اسلم على احد

خالد: ناهي لك  حتى انا لكن انت عتجامل معك واسلم عليك

ايهم:.........😐

خالد: مشو بكيفك اذا انت مايعجبك انا يعجبني

ايهم : .......😐

خالد بضحكه : هههه ماعتفعل بك شي هو غر سلام

ايهم محرج منه يارب سامحني بس : ههه سلم  يله واتوكل

خالد: هههههههه لالا انت اخي وصاحبي ماينفع هذا السلام

ايهم: لاتحرجني مايعجبنيش الصدق

خالد: هو غر بسرعه ماعتطولش

ايهم : يخ منك والرفاس اللي فيك

خالد حضنه  وهمس له : احبك

ايهم دهفه : بس من اللباطه طفحتني

خالد: انتبه لنفسك ياحب عتجي لك غدوة

ايهم : اهه انتبه تفتح التلفون الا بعد مااسافر

خالد: تحياتي

ايهم: في يد الله دخل وغلق

خالد: ههههههه يستاهل احرجته

امان : يارب سامحني  وجهزت ادواتها في ثنتين شنيط وخلت الاثاث والبيت على ماهو

خبـايــا القلـ♥ـب

البارت #88#

ابراهيم في سفرة العشاء: اسمعوني ياجهالي بعد غدوة عتجي بنت عمكم يوسف انا لقيتها وعتسكن معانا

ريما: اماااااانه كيف لقيتها وين كانت

ماجد: هاااااه امان ذكرتها صح

افراح: الله اشتي ابسرها

ريما : عتجلس معي في غرفتي

عبد الرحمن : قد جهزنا لها غرفه نورا خالد عيروح ذاحين ويدي غرفة النوم معه

خلود: والله مانا مصدقه ان هي عتجي عندنا

ريما : خلاص عتغيب  عشان استقبلها

اسماء : مابش غياب كلكم عتداوموا

خلود : قوااااا مانشتيش دوام

ابراهيم : خلوها توصل ترتاح وتجهز غرفتها

افراح : هو صدقك ياعم

خالد دخل : واجمعهم على خير

لطيفه: حيا جي اسمع الخبر

خالد: مابه

ماجد شرح له

خالد: هااااه  قدنا داري امي قالت لي

ريما: ياشيطان ولا تقول لي

خالد: جي نزلي معي الملابس ورتبي لها الغرفه

ريما : ارع ارع حركاتك ياخالد

افراح: جي نبسر ايش اشترى

وجدان: تستحق اكثر قد اتجعجعت خيرات

خلود: الله اعلم كيف كانت عايشه

خالد: هيا كملين بسرعه واخرجين

ريما : هذا ذوقك

خالد: مع خرجت انا وايهم

افراح: ههههه طلع ذواق

خالد: هممممم ماعليش من صاحبي قد معش خاطبي

وجدان: احسن من ذوق اسامه ههههه

افراح بهررت لها : وجداااان

خالد : خرجه يله خرجهن وسارين يرقدين وهو رجع رقد فيها


اليوم الثاني الصباح

امان قامت بنشاط خرجت السوق اشترت لها ملابس بناتي واشترت بعض الحاجات وخاتم اخضر عقيق لخالد وروحت البيت جهزت ادواتها كلهن وجلست تصور البيت وتتذكر كل الايام اللي عاشتهن فيه

........ : سلام امان

امان:  حيا بقلبي كيف حالش

.....: الحمد لله وانتي

امان:  الحمد لله وجلسين يتجابرين

.........

في المدرسه

سارة وخلود جالسات في الساحه :  يووو اكيد قد اتغيرت بنت عمش

خلود : ايوة متحمسه اعرفها اخر مرة ابسرتها وعمري سنتين عادنا مااعرف افرق بين الاوادم

ساره:  هههههه  وياسعم ذلحينه تقدري تفرقي بينهم

خلود ضحكت بصوت رافع:  ههههههه ضربوا قرنش طعفرتي جبهتي

المشرفه سمعت الضحكة وسارت لاعندهم:  ايش هذا الصوت يا حاليات

خلود وساره التفتين لها قالت لها خلود:  يااستاذه هذه خليقة ربنا ماافعل لش الله خلق لي ذيه الصوت بكله مااقدرش اوطيه

المديرة ذكرت منهن وبنبرة شريرة:  اهاااااا ذكرتكن يا فوزيه وسعاد

سارة: فوزيه لننتقل الى الخطة رقم اثنين

خلود فهمت عليها:  هيا سعاد واحد اثنين ثلاثة والهرررررربه

المشرفه بتحلقهن:  انتظرين ياقليلات الحياء والله لو امسكن ماارحمكن

سارة وخلود دخلين بين الطالبات واتسلفين اثنين براقع من صاحباتهن وجلسين يحكين لهن ويضحكين

واحدة من البنات:  هههههه وطي صوتش لو تسمعش عتجي لش

خلود: تجي فوزيه ماتفتجعش من احد وضحكت ههههههه

.........

في الجامعه

بسمه:  جي نخرج نصتبح

ريما:  والله انني جاوعه اشتري لي معش يامنعاه

بسمة:  هههههه شكلش مسكينة تقطعي القلب

ريما بتمثل انها عتموت: انقذيني سأموت من الجوع ألا تشعرين بي يا صديقتي

بسمه ضحكت عليها سارت اشترت لهن صبوح ورجعت: ايوة ومتى الحفلة

ريما:  ان شاء الله يوم الجمعه انتي اول المدعوين

بسمة:  اكيد عتجي من الصبح

ريما:  هههه حياش الله

بسمة:  لاتصدقيش يله اجي ابسرش شويه واروح سعم انني في الخارج عيخلوني اجي من الصبح

ريما:  هههههه شلوا الدلزة

خبـايــا القلـ♥ـب

البارت #89#

بعد المغرب

خالد:  انت فاضي

ايهم : اممم ايوة

خالد:  اجي لك نخرج جمعه

ايهم:  يله منتظر لك

خالد:  دقايق وانا عندك

ايهم بدل وخرج يلوي في الحوش لوما يوصل خالد شل قطعه حديد من القع وحفر فوق الشجرة:

- ‏تأكد أنك بقلبي أكثر من ماتظن وأكثر من ما ترى. KH#

خالد بيطرق له:  بيييب ببببييببب

ايهم فتح له الباب: حيا الله خالد

خالد:  الله يحييك هيا عنخرج

ايهم:  ايش رأيك تدخل السيارة عندي في الحوش ونخرج نتمشى رجل

خالد:  تمام افتح لي البوابة

ايهم فتح له البوابه ودخلوا السيارة وغلقوا البيت  وخرجوا

خالد مسك يد ايهم:  اين تشتي نسير

ايهم:  تيكه البقعه حق كل مرة ماارتاح الا فيها

خالد: بعدك
...........

في البيت

افراح: الله من مصدق غدوة عنروح من المدرسه وامان هانا

ريما:  مدري تذكرنا اوماشي

خلود:  انا مااعرفهاش سواء

عمر:  والله ان هي كانت جنيه من حق الجن تفعل مشاكل دائماً

وجدان:  اكيد قد اتغيرت خيرات

ريما: ههههه شكلكن عتهربين غدوة من المدارس

خلود:  انا مابش عليا قلق مادام وسارة معي

ماجد:  ههههههه ماعتبطلينش هروبه ومشاكل

خلود:  ياخي خلينا نعيش حياتنا

ماجد:  عيشي محد مسكش بس بالمعقول اتخيلي تلقاش المشرفه وتفصلش انتي والهبلا حقش

خلود:  اعوذ بالله فال الله ولا فالك انطق خير

وجدان:  هههه واحده واحده فجعتيه

.........

عند ايهم وخالد

خالد: قد اتعودت عليك مدري كيف عتقدر اجلس وحدي في الشركة

ايهم: سبحان الله خلال السنة هذه اللي اشتغلت فيها معك اتعلمت منك حاجات خيرات

خالد وقف وارتزح عرض الشجرة : اخس عليك كيف عيسخى قلبك وتفلتني

ايهم بزعل:  والله مااشتي افلت الشركة بس ياخالد خلاص معي عائلة الان اعمومي لقيتهم اللي طول عمري ادور عليهم وطبعاً مستحيل انساك وانسى وقفاتك معي

خالد: قلت لك مابش بيننا رسميات انا وانت واحد عادي

ايهم:  شكراً ياخالد على كل شي شكراً على ثقتك فيني.. وانا معك والله ماحسيت اني بدون عائلة او بدون اهل.. (وعيونه بدأين يتشورغين بالدموع ) كل ما كنت احتاجك القاك واقف معي في موت امي الله يرحمها مافلت لي بالرغم ان عمتك في المستشفى ولوما تعبت جلست معي لو ما اتحسنت حالتي ولوما ارسلت لمأمون معلومات عن عملك صيحت فوقي عشان مصلحتي انا مااهتميت او قدمت نفسك عليا وقفت معي وساعدتني لو ما اتخلصت منه والله ما عتقدر اوفي لك حقك وارد لك الجميل وبكي

خالد قرب منه:  ياخي صل على النبي انت صاحبي واخخخي وكل شي يهون عشانك بطل بكاء لاتزعلنيش

ايهم بيسمعه ويتشنهج:  😭

خالد مسك اكتافه:  هيا ماهو خليك قوي

ايهم ماقدر يمسك نفسه ويسيطر عليها ارتجم فوق خالد وبكي : كيف اكون قوي بدونك والله مااتعلمت القوة الا منك

خالد استسلم للواقع وحضنة:  خلاص ياايهم انا قلت لك اول مرة مادام وانت معي عتكون بخير تذكر والا مع

ايهم ببكاء:  اذاً هذه اخر مرة اكون فيها قوي اخر مرة اوقف معك من عيكون يسمعني ويتحمل مزاجي الشوعه من عيوقف معي واذا ضبحت يساليني من عيعوض وجودك

خالد: انا موجود في كل وقت متى مااحتجت لي عتلقاني معك وبعدا انت الان عتسير عائلتك الجديده اكيد به من يجلس معك ويحبك ويساليك

ايهم مسكه بقوة وبنبره حاده:  اكيد به بس مش مثلك انت مختلف عنهم كلهم

خبـايــا القلـ♥ـب

البارت #90#

خالد يشتي يلطف الجو بعد ايهم من فوقه:  بس بكاء ابسر كيف مهدت حقي الشميز

ايهم ابسر الشميز وقده اخضر:  هههههه وانت من قلك توقف قبالي كنت عتوخر وانا   عتبكي فوق الشجرة


خالد ضحك عليه:  هههه ياسلام يله هوذا الشجره عندك

ايهم حضن الشجرة وبيضحك:  هههههه ماعاد بش دموع قد كملين

خالد:  يله قد ودفت بك انا

ايهم: اللي عيبسرك عيقول انك بتلل


خالد:  الله هذا جزائي اني خليتك تبكي فوقي وتاخذ راحتك

ايهم: ناهي لك عتجلس تمن عليا

خالد سحبه بيده:  يله جي نتمشى


ايهم ذكر الخاتم:  ايوة صح معي لك هديه صغيرة صح ان هي مش قد المقام لكن مانفعل

خالد:  ايش هي

ايهم خرج الخاتم من جيبه: هههه هذه الهديه ادي يدش اخطبش

خالد مد يده بخزا وبيقلد انو بيرتعش: يووو والخزا

ايهم:  اهه ياخطيبتي اتمنى تحافظي عليه قوي وماتبعديه من يدش


خالد.بيمثل انو خازي :  هههههه تمام ياخطيبي


ايهم ضحك من شكله:  ههههه لو تبسر شكلك لا تعتزل الفن


خالد:  ههههههه على فكره الخاتم حالي قوي تسلم


ايهم:  الله يسلمك ياحب


خالد مسكه بيده وكملوا يتمشوا : متى عتسافر

ايهم:  الصباح بدري

خالد: يعني ما عتلحقش اودعك

ايهم : ماشي ودعني الان

خالد: والله ماحسيت بالوقت قد الساعه 11

ايهم:  يوووو شرق عليا اشتي ارقد عشان ابكر بحين

خالد:  يله نروح اشل سيارتي واسير البيت


ايهم فتح له البوابه يخرج السيارة وانتظر له لوما خرجها وغلق


خالد نزل من السيارة ورجع لاعند ايهم

ايهم : ماعاد نزلت تفعل

خالد : نسيت التواير ههههههه

ايهم: قلعوا ابليسك مانزلت تفعل من صدق

خالد:  اخس عليك انت وهذه الطبيعه ماتشتيش اودعك

ايهم :مع

خالد:  غصباً عنك عتسافر مدري متى عتزيد القاك

ايهم: هههه والله انك لغجه

خالد حضنه وسلم عليه : اوبه لنفسك ياحب خليك قوي وانا موجود اذا احتجت لي

ايهم دمع:  تسلم ياخالد ماتقصر فعلت معي الواجب وزياده وانت اوبه لنفسك

خالد:  يله مع السلامه ياخطيبي هههههه

ايهم:  في يد الله يا خطيبتي الله يحفظش

خالد شل سيارته وروح وايهم دخل بيته وغلق وامتد وهو بيسترجع ذكرياته في الشركة

خالد وصل البيت وكلهم راقدين فتح غرفة امان الجديده ودخل يرقد فيها

انتظر للساعه 12 وفتح التلفون حق ايهم وقري كل المذكرة حق تلفون ايهم  كان متوقع كل شي داري بمشاعر ايهم تجاهه داري بحبه له داري بكل حاجه بس استغرب انه كتب كل شي على اساس انه ايهم ماذكر ولا حاجه تدل انه بنت

امان جلست ساهرة بتفكر كيف عتكون ردة فعل خالد بس عادي اهم شي انه ماعاد عيلقاها  ورجعت تجابر نفسها : واخيراً عتستقر عند عائلتي وعيتحقق حلمي خلاص ايهم عيختفي للابد للابد